Борците на “Исламската држава” (ИД) влегле во Турција и планираат да ги нападнат дипломатски мисии во Анкара и Истанбул, објави турскиот весник”Хуриет”, цитирајќи извештај на Националната разузнавачка агенција. Уште околу 3.000 борци на ИД сакаат да влезат во Турција преку јужната граница, откако не успеаја да го заземат сирискиот курдски град Кобане.

Се претпоставува дека некои од борците, вклучувајќи високи команданти кои планираат напади, веќе влегле во Турција и се кријат на безбедни места. Нивниот број се уште не се соопштува.„Борците и експертите за атентати подготвуваат напади врз мисиите на коалициските сили кои се вклучени во конфликтот во Сирија”, пишува во извештајот.Некои борци од сириско и палестинско потекло имаат намера да преминат во Бугарија, за да извршат напади во земји од Европската Унија, се дополнува во извештајот. Турската полиција одби коментари по ова прашање, а претставниците на разузнавачката служба не биле достапни за изјави.Оваа година во Турција имаше серија бомбашки напади, последниот се случи минатиот петок. Крај пограничниот град Суруч избувна бомба, скриена под автомобил во близина на полициски контролен пункт. Никој не ја презеде одговорноста, но и близината до Сирија зборува дека можеби е поврзан со конфликтот.Турција беше критикувана од западните сојузници дека не успеала да го запре протокот на џихадисти во своите граници. Некои критичари тврдат дека таа дури им помага терористите. Анкара го отфрла обвинението./крај/бгнес

Извор: Макфакс