Регион
Турција уапси 15 осомничени во потрага по курдските милитанти
Турската полиција уапси 15 осомничени во операцијата спроведена во покраината Адана, чија цел е да се откријат припадници на милитантното крило на Работничката партија на Курдистан (PKK), јави во неделата турската новинска агенција Anadolu.
Операцијата доаѓа по борбите меѓу безбедносните сили и милитантите PKK на мнозинскиот курдски југоисток кои во последно време ескалираа, откако пропадна двоиполгодишниот прекин на огнот меѓу Турција и PKK во јули минатата година.
Во петокот во мнозинскиот курдски град Дијарбакир во експлозијата на автомобил бомба се убиени 11 луѓе и ранети најмалку 100 луѓе. Нападот се случи откако турските власти ги затворија челниците и парламентарни претставници на главната прокурдска опозициска партија Народна демократска партија (HDP), која владата ја обвинува за поврзаност со PKK.
Турските функционери за нападите ја обвинуваат PKK, која бара автономија за Курдите, иако џихадистичката сунитска организација Исламска држава во саботата ја презема одговорноста за овој напад.
Како што јавува агенцијата Anadolu, упадите на антитерористичка полиција, помогната со хеликоптери, изведени се симултани на различни места ширум градот. Во безбедносните операции во текот на изминатата седмица „неутрализирале“ 28 милитанти на PKK, објави на почетокот од седмицава министерството за внатрешни работи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.