Регион
Унгарија покрена судска постапка против 24.000 имигранти
Полиција покрена постапка за повеќе од 24.000 имигранти коишто изминатиот викенд илегално влегле во Унгарија, а министерот за надворешни работи на оваа членка на Европската унија изјави дека повторното воведување контроли на границите во Шенгенската зона како одговор на бегалската криза, земјата ја чинело милијарди евра.
Унгарската полиција објави на својата интернет страница дека 23.991 лице се фатено на унгарско-хрватската граница и уште 636 бегалци на границата со Србија. Пет лица се притворени притоа, поради фалсификување документи.
Во саботата и неделата обвинителството му предало на судот 64 случаи против имигранти, поради нелегално влегување на територијата на Унгарија, соопшти канцеларијата на државниот обвинител.
Унгарскиот министер за надворешни работи Петер Сјарто изјави во интервјуто за деловниот весник Vilaggazdasag од понеделникот дека граничните контроли влијаеле врз мултинационалните компании кои придонесуваат за економскиот раст на Унгарија со својот голем удел во извозот на земјата.
Според Сјарто, овие компании имаат куси рокови за доставување на основниот материјал и крајниот производ, и доцнењата предизвикани од граничните контроли силно ги погодила. „Тоа би можело да има незамисливи ефекти врз производството на големите компании во Унгарија“, вели шефот на тамошната дипломатија.
Сјарто вели и дека не очекувал дела во резултатите од својата миграциска политика Унгарија ќе се оддалечи од западноевропските земји, но гледа „ризик“ дека соработката со арапскиот регион би можело негативно да влијае врз извештаите за антиисламското расположение во земјата. Оттаму, вели Сјарто, преземени се дополнителни напори за да му се покаже на арапскиот регион дека земјата и натаму е отворена и толерантна како што беше и претходно. Истакнува дека поголемо влијание треба да се насочи кон борбата против Исламската држава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.