Регион
Варуфакис: Ако ЕУ го отфрли грчкиот план можни предвремен избори или референдум
Грција може да распише референдум или нови предвремени парламентарни избори доколку нејзините партнери од еврозоната го одбијат нејзиниот план за решавање на прашањето на грчкиот долг и економскиот раст, изјави во неделата грчкиот министер за финансии, Јанис Варуфакис за италијанскиот дневен весник Corriere della Sera.
Новата грчка владата предводена од Алексис Ципрас, челникот на радикалната левица Сириза, победи на предвремените парламентарни избори кон крајот на јануари, ветувајќи дека повторно ќе преговара за програмата за меѓународна финансиска програма од партнерите од Европската унија и од Меѓународниот монетарен фонд (ММФ), која ѝ наложува остри буџетски штедења и сеопфатни економски реформи.
Доколку Брисел би ги одбил грчките предлози, грчкиот министер за финансии Јанис Варуфакис за италијанскиот весник потврди дека „би можело да има проблеми“. „Меѓутоа, како што изјави мојот премиер, не сме зацементирани за нашите фотелји. Можеме да се вратиме на избори, да свикаме референдум“, вели Варуфакис.
Но не појаснува за што би бил распишан референдумот, а веќе во Грција се шпекулира дека пат позицијата со Брисел би ја принудило владата во Атина да организира изјаснување на избирачите дали да се продолжи со прифаќањето на строгите европски мерки и прописи, а тој потег би можело да го доведе во прашање останувањето на Грција во еврозоната.
Варуфакис во истото интервју вели дека партнерите од еврозоната одговараат „со молчење“ на неговите предлози сегашниот долг да се замени со обврзници поврзани со номиналниот раст.
„Би сакал Европа да сфати дека со тоа би вратиле повеќе пари, не помалку“, вели Варуфакис. Грчкиот министер за финансии, чијашто влада во моментов има поддршка над 40 отсто, вели дека „народот разбира“ дека владата се бори „против естаблишментот кој тврдеше дека ја спасува Грција, додека всушност се’ натовари на грбот на сиромашните“.
Варуфакис истакнува и дека државата има пари да ги исплати пензиите и платите во јавната управа, како и дека на Грција не ѝ е потребен третиот заем за да ги плаќа своите сметки./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.