На подрачјето од источна Босна, во околината на Зворник, пронајдена е масовна гробница, а првите резултати од форензичките испитувања покажуваат дека најверојатно станува збор за посмртни останки на жртви во Втората светска војна, како и дека станува збор за костури на германски и италијански војници, објави во петокот Обвинителството на Босна и Херцеговина кое ја води истрагата за овој случај. 

Масовната гробница била откриена во април годинава кај местото Снагово, и тоа случајно при изведување на работи за подигнување спомен чешма.

Имајќи предвид дека станува збор за локација на којашто претходно се пронајдени масовни гробници со посмртни останки на Бошњаци кои загинале или билe убиени во судирите со силите на босанските Срби по падот на Сребреница во 1995 година, се претпоставуваше дека и сега станува збор за случен случај. Исто така, се претпоставуваше и дека може да станува збор за жртви од Зворник или од Осмак од 1992 година.

Со пребарување на локалитетот од форензичарите од Институтот за исчезнати лица (INO) пронајдени се скелетни останки на дваесетина лица, а анализите потоа покажале дека не станува збор за настрадани во последната војна, туку убиени во текот на Втората светската војна.

Во посмртните оставки така е пронајдени се италијански пари од тој период, како и предмети за лично користење со упатства на германски јазик, како и германски часовници и пари, па затоа со голема веројатност се претпоставува дека станува збор за германски и италијански војници. Меѓу посмртните останки се и коски од вилици со големи стоматолошки интервенции, што би можело значително да ја олесни идентификацијата.

Обвинителството на Босна и Херцеговина објави дека резултатите од истрагата и анализите ќе им да бидат доставени на амбасадите на Германија и Италија во Сараево./крај/мф/сн

Извор: Макфакс