Регион
Во Србија азил бараат над 4.000 Азијци и Африканци
Повеќе од четири илјади имигранти од африканските и од азиските држави бараат азил во Србија, а нивната крајна цел се западноевропски земји, објави во централниот дневни Радио-телевизија Србија (РТС), цитирајќи податоци од канцеларијата на омбудсманот.
Заменикот државен омбудсман Милош Јанковиќ укажа на тоа дека земјите од западна Европа се соочуваат со голем прилив на имигранти од Авганистан, Пакистан, Сомалија, Сирија и Египет и дека многумина од нив минуваат токму низ Србија.„Податоците со коишто ние располагаме, покажуваат дека станува збор за бројка од 15 илјади лица, кои минатата година минале низ територијата на Србија“, рече Јанковиќ за агенцијата Танјуг, наведувајќи дека околу пет илјади најавиле намера да побараат азил во Србија. Јанковиќ вели и дека само во првата половина од 2014 година повеќе од четири илјади имигранти од азиските и африканските земји навеле дека ќе бараат азил во Србија, но дека нивната крајна цел се земјите во западна во Европа.„Можеме да се сомневаме во реалноста на таа волја дека тие сакаат да бараат азил“, истакна Јанковиќ, наведувајќи дека повеќето од нив тоа и го потврдиле при посетата на омбудсманот кога се покажало дека барањето азил „го користат како можност да престојуваат во Србија во одреден период .„Повеќето од нив по извесно време исчезнуваат, што значи дека заминале во земјите од западна Европа“, рече.Предупреди дека „системот не функционира онака како што би требало“ и дека омбудсманот поради многу неправилности во работата полицијата и Комесаријатот за бегалци и миграции упатил 29 препораки, за да се избегне полицијата лицата најдени без исправи и докази за законски престој во Србија да не ги упатува во центрите за азиланти пред да се извршат сите неопходни процедури за идентификација и евиденција.Јанковиќ истакна дека е охрабрувачки што Министерството за внатрешни работи и Комесаријатот за бегалци сепак започнале „многу активности со цел да се утврди вистинската состојба“ и бројот на потенцијалните азиланти на територијата на Србија. Србија има да центра за азиланти, во Боговаѓа и во Бања Ковиљаќа, во централниот дел од земјата, но нивните капацитети се недоволни, а последните две години имаше чести протести на локалното население кое се противи на пренатрупаност на овие центри и однесувањата на азилантите./крај/мф/сн
Извор: РТС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.