Околу 20 семејства од Косово од почетокот на годината отишле во Сирија и Ирак за да се приклучат на терористичката организација Исламска држава, пишува во недела приштинскиот весник Zeri

Весникот пишува дека во Сирија и Ирак заминале брачни двојки со деца. Репортерите на весникот посетиле неколку семејства, меѓу кои и семејството Хасани од Клин од кое 10 членови заминале за Сирија од почетокот на годинава.

Од семејството Хасани во куќата останала само бабата со најмладиот син, а единствениот нејзин одговор бил „заминаа да војуваат во име на Алах“, пренесува „Зери“.

Набрзо по одењето во Сирија, еден од тројцата синови, Екрем Хасани, загинал во борбите и сé уште не се знае судбината на неговите жена и децата.

Нивната куќа се наоѓа во селото Грабаница во општина Клин, во доста сиромашен дел.

Ниеден од тројцата синови кои отишле во Сирија не бил вработен пред заминувањето, раскажала нивната мајка.

Во Косово е отворена јавна расправа дали сиромаштијата е причина која ги тера косовските жители да се приклучат на Исламската држава, но сите не се согласуваат со ова тврдење.

Имамот од џамијата во Подуево, Беким Јашари кој ги обвинува вехабиите за ситуацијата во Косово, за весникот изјавил дека на луѓето најпрвин им го „перат мозокот“ преку лица кои ги повикуваат во име на бог да војуваат, а после тоа, како причини за заминувањето на Косоварите ги наведува сиромаштијата, необразованието и изолацијата./крај/мф/ффс

Извор: Tanjug