Регион
Знамиња на IS повторно истакнати во БиХ
Знамињата на сунитската џихадистичка организација Исламска држава (IS) повторно се истакнати во местото Горња Маоча, познато како бастион на радикалните исламисти недалеку од Брчко, пренесуваат во четвртокот медиумите во Босна и Херцеговина.
Црното знаме на Исламската држава во Горња Маоча е поставена на истата куќа на којашто во февруари беа истакнати обележјата на оваа терористичка организација, пишува Глас Српске, прикажувајќи ги и новите фотографии. На фотографиите кои се објавени на социјалните мрежи за кои се тврди дека се направени во вторникот на една од куќите во Горња Маоча се забележуваат три знамиња на Исламската држава. Во дворот од куќата на којашто се истакнати знамињата е снимени и Едис Босниќ за кој локалните медиуми наведуваат дека е познат вехабист.
Босниќ во февруари, кога беше првпат откриено дека обележјата на Исламската држава се истакната во Горња Маоча, тврдеше дека тој и другите припадници на вехабиска заедница во оваа населба не се поврзани со инцидентот, како и дека знамињата ги истакнале две за нив непознати лица.
Портпаролот на Државното обвинителство на БиХ, Борис Грубешиќ, не можел за медиумите да го коментира истакнувањето на знамињата на терористичката организација во Горња Маоча. Државната полициска агенција за истраги и заштита соопшти дека сé уште трага по лицата кои на почетокот од февруари ги истакнаа знамињата на Исламската држава.
Во Горња Маоча пред босанската војна од средината на 1990-те години главно живееја Срби, а по завршување на судирите се населија борците од исламските земји, муџахедини на кои воените бошњачки власти им доделија државјанство на БиХ.
Жителите на Горња Маоча повеќе од деценија се под истрага на полициските и разузнавачките агенции поради сомневања дека се поврзани со тероризам. Од ова место на Исламската држава ѝ се придружиле повеќе жители, а меѓу нив и Нусррет Имамовиќ кој се сметаше за водачот на радикалното исламистичко селефиско движење. На неговиот неформален наследник, Билал Босниќ, кој често престојувал во Горња Маоча, неодамна му започна судењето за поддршка за тероризмот.
Според безбедносните агенции, од БиХ на боиштата во Сирија и во Ирак заминале повеќе од 150 босански муслимани./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба.
Таму беа и неколку припадници на интервентната полиција.
Откако пееја „О Хрватска, о Хрватска, независна држава“ и скандираа „За татковината, спремни“, тие го напуштија местото на настанот.
Полицијата не интервенираше веднаш, а групата се оддалечи сама, пренесуваат хрватските медиуми.
Интервентната полиција запрела дел од групата, ги легитимирала, а потоа ги пуштила.
фото: принтскрин
Регион
Во Словенија од денеска границите ќе ги чува и војската
Припадници на словенечката војска од денес ќе учествуваат во чувањето на државната граница заедно со полицијата, откако владата еден ден претходно го активираше членот 37 од Законот за одбрана, што го дозволува ова, јавува словенечката агенција СТА. На овој начин, тие ќе и олеснат на полицијата за да можат да извршуваат задачи поврзани со управувањето со безбедносната состојба, особено во југоисточниот дел на Словенија.
Членот 37 од Законот за одбрана предвидува дека словенечките вооружени сили можат да соработуваат со полицијата во пошироката заштита на државната граница во рамките на националната територија во согласност со плановите и по претходна одлука на владата. Припадниците на словенечките вооружени сили немаат полициски овластувања при извршување на овие задачи.
Владата одлучи да го активира членот на вчерашната седница со оглед на безбедносната состојба во југоисточна Словенија, истакнува СТА. Како што изјави премиерот Роберт Голоб по седницата, полицијата може да ги повика припадниците на словенечките вооружени сили да помогнат во многу ограничен опсег на задачи на границата. На овој начин, армијата ќе им олесни на полициските единици од југоисточна Словенија.
фото: принтскрин
Регион
Хорор во Лесковац: се скарал со соседката, па ја удрил со лопата по главата и стомакот, лекарите се борат за нејзиниот живот
Денеска, во селото Губеревац во близина на Лесковац во Србија се случи обид за убиство. По расправија, 69-годишниот Ц.Ј. ја нападнал својата 61-годишна соседка со лопата, нанесувајќи и повреди опасни по живот. Напаѓачот е уапсен, а Вишото јавно обвинителство во Лесковац му одредило притвор поради сомнение за обид за убиство, објавува српски Блиц.
Според првичните информации, вербалниот конфликт меѓу соседите ескалирал во физички напад. Се сомнева дека Ц.Ј. во еден момент зграпчил лопата и ја удрил жената по главата и стомакот со металниот дел. Жената е итно пренесена во Клиничкиот болнички центар во Ниш, каде што лекарите се борат за нејзиниот живот.
„Жената се здобила со повреди во форма на фрактура на темпорална коска и хематом во пределот на абдоменот, поради што е примена на лекување во Клиничкиот болнички центар во Ниш. Истрагата ја спроведе јавниот обвинител на Вишото јавно обвинителство во Лесковац“, изјавил извор за Блиц.

