Свет
Трамп и Столтенберг согласни околу важноста на НАТО
Новоизбраниот американски претседател Доналд Трампи генералниот секретар на НАТО, Јенс Столтенберг, во петокот телефонски разговарале и се согласиле околу „трајната важност“ на Северноатлантскиот сојуз.
„Новоизбраниот претседател и генералниот секретар ја нагласија трајната важност на НАТО, и исто така разговараа за тоа како НАТО се прилагодува на новото безбедносно опкружување, вклучително и борбата против заканата од тероризмот“, соопштија од Алијансата.
Двајцата челници разговарале и за издвојувањата на државите членки за одбраната, и се согласиле дека „дојде до напредок во поправедната распределба на товарот, но дека им уште многу нешта да се направат“, очигледно алудирајќи на многу поголемиот воен трошок на САД за одбраната на сојузниците во Европа отколку тие самите, што е забелешка и на Вашингтон и на Брисел од поодамна, пренесува Reuters.
„Апсолутно сум убеден дека Трамп ќе продолжи со силната доследност на САД за европската безбедност и НАТО. Тоа е во интересот и на Европа и на САД“, изјави Столтенберг во интервјуто за AFP, истакнувајќи дека двете светски и блоковската идеолошка Студена војна покажале колку е меѓусебно зависна безбедноста на двете страни.
Единствен пат кога е применет членот 5 од договорот за НАТО за колективна одбрана, познат како „сите за еден, еден за сите“, било по нападот од 11-ти септември врз САД, потсетува Столтенберг.
Генералниот секретар вели дека од Трамп очекува да продолжи со притисокот врз сојузниците во НАТО околу поголемите издвојувања од своите буџети за одбраната, како што го правеа и сите претходни американски претседатели, што според Столтенберг е оправдано.
Соединетите држави даваат речиси 70 отсто од трошоците за НАТО, и веќе подолго време бараат од другите сојузници да сторат повеќе по ова прашање.
Доналд Трамп во текот на својата кампања ги изненади и загрижи сојузниците во Алијансата, кога рече дека Вашингтон би можел да размисли двапати дали ќе застане во одбрана на некоја земја членка, доколку таа не го исплатила својот удел во НАТО.
Сојузниците ги збуни и позитивниот став на Трамп кои рускиот претседател Владимир Путин. Имено, тие следејќи ја доктрината на администрацијата на актуелниот американски претседател Барак Обама на самитот на НАТО во полската престолнина Варшава во јули годинава го договорија најголемото распоредување на сили на европска територија од Студената војна, обвинувајќи ја Русија дека станува сé поагресивна. Москва тоа го карактеризираше како непријателски чекор и оправдување на НАТО за доближување до нејзините граници, велејќи дека со тоа се прекршува меѓусебниот договор, и одговори со неколку големи воени вежби и распоредување на својот стратешки арсенал кон границите со европските членки на Алијансата.
Столтенберг, пак, вели дека не гледа проблем во таквиот став на новиот американски претседател.
„Она што го слушнав е дека Трамп, исто така, испратил порака за разговор со Русите. На нашиот самит во Вршава ние одлучивме за јакнење на одбраната, но и за политички дијалог… Русија е нашиот најголем сосед и таму ќе остане. Нема начини да ја изолираме, па мораме да продолжиме со тежнеењето за поконструктивен дијалог со неа“, заклучува генералниот секретар на НАТО, Јенс Столтенберг./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мистеријата за претепаната Украинка: Полицијата тврди дека паднала, но постојат сомнежи дека била на настрана забава за ултра богати
Голем број на влијателни лица и уметници објавија дека се обиделе да бидат намамени на забави со сексуални активности
Расте загриженоста за ‘porta potty‘ забавите откако украинската манекенка oд „Онли фанс“ беше пронајдена фрлена на страна од патот во Дубаи со ужасни повреди, пишува „Мејл Онлајн“.
Марија Ковалчук (20) на пријателите им кажала дека на 9 март била поканета на забава во хотелот пред да исчезне. Десет дена по нејзиното исчезнување, покрај патот била пронајдена претепаната и крвава со скршени екстремитети и кичма.
Се верува дека Марија, која подоцна била итно пренесена во болница и подложена на низа операции, наводно присуствувала на забава наречена ‘porta potty‘, пишува „Мирор“. Ова е таканаречечен настан каде што женските инфлуенсерки се енормно платени да вршат понижувачки сексуални дејствија. Интернет гласините за влијателни луѓе кои летаат во Дубаи за да присуствуваат на овие бизарни забави кружат повеќе од една година. Форуми на „Редит“ се отворени на оваа тема, со корисници кои разговараат за наводните настани, вклучително и гласини дека учесниците мораат да потпишат договори за тајност. Според „Њујорк Пост“, на интернет ѕвездите, моделите и актерките може да им се платат дури 100.000 долари за исполнување на желбите на ултрабогатите мажи.
Марија била на забавата со двајца мажи кои се претставиле како претставници на манекенскиот бизнис, пишуваат украинските медиуми. Според она што е познато, организаторите привлекуваат влијателни лица на такви забави.
„Добивме голем број поплаки од инфлуенсери и уметници кои беа поканети во Дубаи на настапи и настани само за да бидат намамени на забави каде што се очекувало да се вклучат во сексуални активности“, вели Стирлинг, извршен директор на компанија која им помага на клиентите да се движат низ правниот систем на Обединетите Арапски Емирати. Таа, исто така, објасни дека законите за секс надвор од брак во Обединетите Арапски Емирати биле олабавени во 2022 година, а некои поединци ја користат оваа промена.
„Жените треба да бидат свесни дека можат да се соочат со тешки, па дури и опасни ситуации, а ако се работи за оженет маж, може да бидат обвинети за прељуба“, рече таа. Откако беше пронајдена Марија, нејзината мајка Ана долетала од Норвешка и изјавила дека девојката се лекува и дека се ќе биде во ред.
Во исто време, како што пренесува „Мејл Онлајн“, полицијата во Дубаи соопшти дека обемната истрага открила дека Марија претрпела сериозни повреди откако сама влегла на забрането градилиште и паднала од височина. Рускиот весник „Шот“ објави дека семејството на несреќната девојка ја оспорило полициската изјава бидејќи сметаат дека информациите за нејзиното паѓање од градилиштето се лажни. Друг руски медиум, објави дека Марија била во неразбирлива хистерија пред нејзиното исчезнување. Во моментот на нејзиното исчезнување, Марија требало да биде на забава со двајца мажи кои се претставиле како вработени во манекенскиот бизнис, пишуваат неколку украински медиуми. Таа и рекла на мајка си дека ќе преноќи со нив, но потоа исчезнала. Бидејќи резервирала лет за Тајланд кој тргнал од Дубаи на 11 март, но не се појавила на аеродромот, нејзиното семејство и пријатели ја известиле полицијата.
„Постои претпоставка дека отишла на забава. Но, промоторот што ги организирал тие забави не ја видел. Марија на крајот беше пронајдена во болница во тешка состојба. Таа нема документи, нема телефон, ништо. Таа претрпе четири операции и не може да зборува“, рече нејзината мајка.
Пријателката на Марија, руската манекенка Анџелина Дорошенкова (31) изјави дека сите се надеваат на најдоброто и дека се многу благодарни на сите што учествувале во потрагата и помогнале со информации. Анџелина поминувала време со Ковалчук во Дубаи и наводно била поканета на истата забава на 9 март, но на крајот одлучила да се врати во Русија неколку дена порано.
Свет
(Видео) Хорор на Флорида: Возач на автобус се расправал со патниците, па почнал да пука, има мртви
Пукање се случи утрово во автобус за транзит на округот Мајами-Дејд пред трговски центар.
Службениците добиле повик од службата за брза помош околу 3 часот по полноќ.
Инспекторите соопштија дека возачот на автобусот влегол во вербална расправија со патниците.
За време на расправијата, возачот извадил пиштол и застрелал двајца патници, кои биле пренесени во болница во критична состојба, па починале од повредите.
Shooting on Miami-Dade Transit bus in Miami Gardens kills 2. #Florida
Driver argued with passengers, opened fire around 3 a.m. Sunday.
Victims died at hospital. Driver detained, charges unclear.
Investigation ongoing at shopping plaza crime scene. Motive and passenger… pic.twitter.com/M1ZwaIJDZn
— GeoTechWar (@geotechwar) March 30, 2025
Сè уште не е јасно што ја предизвикало расправијата што довела до пукањето.
Возачот на автобусот е приведен во полиција.
Свет
(Видео) Чистач на прозорци виси од облакодер кога удира земјотресот, се излева и вода од базенот
Разорниот земјотрес со јачина од 7,7 степени според Рихтеровата скала го погоди Мјанмар пред два дена, а беше почувствуван и во Тајланд.
На интернет кружат различни видеа од тие области, а едно од нив го покажува можеби најголемиот страв што човек може да го доживее.
Снимката покажува човек како ги чисти прозорците на облакодер кога земјотресот го погодува Бангкок.
Ситуацијата дополнително се влошила кога поради потресите почнала да се излева вода од базенот на врвот на облакодерот.
OMG, we are living in a movie!
This was in Bangkok during yesterdays M7.7 earthquake that hit Myanmar.
That poor window cleaner 😱
I thought it was Ai but apparently it isn’t. pic.twitter.com/fqhPF6pAVH
— Volcaholic 🌋 (@volcaholic1) March 29, 2025
Сигурно ги доживеа најтешките секунди од животот кои никогаш нема да ги заборави. За среќа, зградата не е урната.
На интернет вирално е уште едно видео, на кое пак може да се види базен кој почнува да се излева за време на потресот.
Иако епицентарот бил во Мјанмар, земјотресот бил толку силен што облакодер во Тајланд се урнал за неколку секунди.
Американскиот геолошки институт предвидува дека бројот на загинати од овој земјотрес би можел да надмине 10.000.
Владата на Мјанмар прогласи вонредна состојба во шест региони и апелираше за меѓународна помош. Земјите како Кина, Русија и Индија, како и организации како Обединетите нации, веќе ветија поддршка за напорите за спасување и обнова.
Христијан Стојанов е уште едно младо момче што влезе во „Пулс“ за да спасува луѓе: „Обезбедувањето ни помогна многу“
Осумнаесетгодишниот Христијан Стојанов е уште еден херој од трагедијата во дискотеката „Пулс“ во Кочани, кој не размислувајќи за сопствениот живот...
Подобрена е состојбата кај двајца пациенти кои се лекуваат во Солун, од интензивна нега преместени се на пластика
Министерството за здравство информира дека нема промени во бројот на хоспитализирани пациенти од вчера, во Скопје вкупно се лекуваат 16...
Oсмани и Адеми во посета на семејството на Бектеши за Бајрам: „Неправедно е обвинет, ја имате нашата поддршка“
Поранешниот министер за здравство Бујар Османи и портпаролот на ДУИ, Арбер Адеми, за Рамазан Бајрам го посетија семејството на ексминистерот...
„Не пројдоа ни 40 дена од трагедијата“ – Мицкоски смета дека е рано да се размислува за градоначалник на Кочани
Премиерот Христијан Мицкоски смета дека рано е да се размислува за заеднички кандидат за градоначалник на Кочани, по информациите дека...
Планинарката Ивона која загина во пожарот е ќерка на единствената пожарникарка во Кочани, колегите тагуваат
Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар...
Прво сведоштво на Костадинов за пожарот: Се измокрив со црево и влегов низ прозорецот кај билетите, ги вадевме луѓето еден по еден
Со маса го скршив прозорецот и со цревото прскавме вода внатре. Вака 19 годишниот Јован Костадинов кој спаси 21 живот...
Попладнево пороен дожд, грмежи и ветер, најавија метеоролозите
Времето денес ќе биде променливо облачно со повремени врнежи од дожд. Попладне, наместа ќе биде нестабилно со пороен дожд, појава...
Деца од Битола принудувале врснички сексуално да ги задоволуваат, имале компромитирачки материјали
Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале. Случајот во...
(Видео) Кочани, Кочани… емоции на првиот фудбалски натпревар во градот по трагедијата
Денеска беше одигран првиот фудбалски натпревар во Кочани по трагедијата со пожарот во дискотеката „Пулс“. Мечот се одигра помеѓу тимот на...
Влошена е состојбата кај двајца критични пациенти кои се лекуваат по пожарот, информира Таравари
Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во...
(Видео) Пиротехниката во затворен простор ќе се најде пред пратениците, се менува Законот
Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред...
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата
Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...
(Видео) Шукова: Можеби храната што ја јадеме е под ризик порди излевањето во Крива Река
Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...
Филип беше ураган од љубов – во Штип се одржа комеморација за музичарот Стевановски кој загина во пожарот
Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...
Утре еден час помалку спиење – во два по полноќ почнува летното сметање на времето
Вечерва, сабота кон недела, почнува летното сметање на времето. Тоа значи дека стрелките на часовникот во два часот наутро на...
Зеленски: Американците целосно го сменија договорот, чекаме правна анализа
Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината...
OJO: Поднесено обвинение за тешката сообраќајна несреќа со смртни последици на „Партизанска“
По целосно спроведена истражна постапка, Основното јавно обвинителство Скопје поднесе обвинителен акт против едно лице што се товари за тешки...
Четворицата лидери на „Влен“ вечерва ќе одат на ифтарска вечера кај Аљбин Курти, Таравари вели дека ќе разговараат и за локалните избори
За претстојните локални избори, како и за сите актуелни теми во земјата и во регионот, вечерва, на ифтарска вечера кај...
Денес, осум пациенти од Скопје се пуштаат дома, од странство се враќаат уште девет
Министерот за здравство, Арбен Таравари, информира дека во моментот во установите во Скопје се хоспитализирани 22 пациенти, сите стабилни и...
Измамници оштетија струшко семејство: им понудиле донации за болниот син, па подигале брзи кредити
Двајца измамници излажале сопружници од Струга дека ќе собираат пари за лекување на нивниот болен син и им ги зеле...
