Контакт

Свет

(Видео) Сноуден проговори за неговиот живот во Русија: Тајно се оженив и не стравувам дека можат да ме убијат на улица

Објавено пред

Поранешниот американски разузнавач и свиркач Едвард Сноуден, кој избега во Русија, вели дека благодарение на неговите откритија, тој сега живее во подобар, послободен и побезбеден свет. Во ексклузивното двочасовно интервју во Москва по повод годишнината од објавувањето на неговите мемоари коишто го шокираа светот, Сноуден зборуваше со „Гардијан“ за неговиот нов живот и плановите за иднината.

Тој за прв пат детално објаснува што е тоа што го натерало да открие детали за тајните програми што ги водат американската агенција за национална безбедност (НСА) и британскиот центар за тајни комуникации. Тој вели дека е загрижен поради настојувањето на американската влада, со помош на големите интернет компании, да собираат податоци за сите на земјата, бележејќи податоци за нивните секојдневни животи. Тој, наводно, се помирил со фактот дека ќе го помине остатокот од животот во Русија. Сноуден открива дека тајно се оженил со својата партнерка. Иако повеќе би сакал да биде во САД или Германија, тој вели дека во Русија е опуштен и способен да води повеќе или помалку нормален секојдневен живот.

Според него, тој сега помалку се плаши отколку кога за прв пат пристигнал во 2013 година, кога се чувствувал осамен, изолиран и параноичен поради можноста на улица да биде ликвидиран од агентите на САД кои бараат одмазда.

,,Јас бев личноста која најмоќната земја во светот сакаше да ја отстрани. Не им беше важно дали сум во затвор. Само сакаа да ме отстранат“, рече Сноуден. Како што вели, тој ги оставил марамите, капи и палта коишто порано ги користел за маскирање, затоа што сега слободно се движи низ градот, го користи метрото, посетува уметнички галерии или балет, се дружи со пријателите во кафулиња и ресторани.

Стравувањата дека рускиот претседател Владимир Путин би можел да го предаде како подарок на Доналд Трамп, исчезнале оној момент кога заладија односите меѓу Москва и Вашингтон.

Сноуден (36) живее во двособен стан во предградието на Москва, заработува главно од предавања и разговори со студенти, активисти за граѓански права и други во странство преку видео повици. Тој доби привремен азил кога првпат пристигна и сега има постојан престој, што може да се обновува на секои три години. Тој сака да патува и иако е ограничен на една земја, посетил градови како што се Санкт Петербург и црноморското одморалиште Сочи.

,,Една од работите што се губи во целата проблематична политика на руската влада е фактот дека ова е една од најубавите земји во светот. Луѓето се љубезни и топли. Кога дојдов, не разбрав ништо од тоа. Бев преплашен од ова место затоа што, се разбира, тие беа голем непријател, а тоа е како агент на ЦИА гледа на Русија”, вели Сноуден.

Тој живее во Русија од 2013 година, откако откри информации за НСА за илјадници тајни документи поврзани со масовно набудување. Тој не може да ја напушти земјата од страв за екстрадиција во САД, кои издадоа налог за негово апсење.

Шест години подоцна, Сноуден е еден од најпознатите бегалци во светот: беше направен документарен филм за него кој освои Оскар, холивудски филм, а за него се напишани повеќе од десет книги. Како резултат на неговите откритија, воведени се нови закони за надзор во САД и Велика Британија, а интернет-компаниите воведоа заштитни мерки како одговор на реакциите во јавноста.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

(Видео) Во Германија тајно снимено мачење на мајмуни на кои се тестираат отрови

Објавено пред

На интернет се појавија снимки од сурово мачење на мајмуни во Германија.

Како што пренесува хрватски „Индекс“, снимените мајмуни се користат за тестирање на отрови во лаборатории во Миененбател во северна Германија.

На снимката се гледа како мајмуните се тестирани во ужасни услови – врзани со метални алки и држени во мали кафези, притоа врескајќи од болка.

Процедурата била откриена од активисти за права на животните.

Покрај мајмуните, се тестираат и мачки, кучиња и зајаци, кои потоа се убиваат.

Активистичките организации Soko Tierschutz и Cruelty Free International спровеле тајно снимење во соработка со еден лабораториски работник.

„Животните сè уште пријателски мавтаа со опашките кога ги носеа да ги убијат. Мајмуните имат најлош третман. Работниците кои работат таму не се обучени за нега на животните“, вели Фридрих Малн од Soko Tierschutz.

Според британски „Метро“, ​​мачките во лабораторијата добиваат и по 13 инјекции на ден. Активистите за правата на животните повикуваат на заострување на законот.

„Тестирањето на токсичност вклучува труење на животните за да се процени колку хемикалии или лекови се потребни за да се предизвика сериозна штета и да се одреди која доза би била безбедна за луѓето“, предупредуваат активистите.

 

Прикажи повеќе...

Регион

Црна Гора: Казна од 1.000 до 10.000 евра за оние што работат во недела

Објавено пред

Првата неработна недела во Црна Гора за вработените во трговија ќе биде 20 октомври, соопшти Дирекцијата за инспекција.

Според Инвеститор.ме, инспекцијата повика на почитување со одредбата со цел да се избегнат казните. Кој ќе ја отвори продавницата во недела, ќе се соочи со парична казна од 1.000 до 10.000 евра.

Исто така е можно трајно затворање на објектот.

„Ги потсетуваме сите стопански субјекти кои се занимавааат со трговија на големо и мало на пропишаната одредба од член 35а од Законот за внатрешна трговија, кој стапи во сила на 14 октомври, што практично значи дека првата неработена недела е 20 октомври, како што е пропишано со наведениот член“, велат од Управниот одбор.

Прикажи повеќе...

Европа

Најмалку 170 повредени во судирот на полицијата и демонстрантите во Барселона

Објавено пред

Најмалку 170 лица се повредени во судирот на каталонските сепаратисти и полицијата на аеродромот во Барселона, соопштија денеска каталонските власти.

Немирите избувнаа за време на демонстрациите кои започнаа по осудувањето на деветтемина каталонски службеници на казна затвор од 9 до 13 години поради нивната улога во обидот да ја одделат Каталонија во 2017 година.

Три лица беа уапсени, а  меѓу повредените се 40 полицајци.

Прикажи повеќе...

Најново

Македонија1 час

Заменик министерот за здравство, Асим Муса поднесе оставка

Заменик министерот за здравство, Асим Муса, денеска на прес конференција соопшти дека се повлекува од функцијата. Неговата одлука за повлекување...

Македонија2 часа

Судење ,,ТНТ“: Вештак тврди дека и со Нокиа 3310 може да се прислушува

Во кривичниот суд утрово продолжи судењето за предметот ,,ТНТ” на СЈО. Беше сослушан вештакот Орце Симев предложен од обвинетите. Вештакот...

Македонија2 часа

Пендаровски до ЕУ: Дајте ни шанса и дозволете ни да покажеме дека сме подготвени

Македонскиот претседател Стево Пендаровски денеска очекува одлука од Европската Унијија, а не сигнал. Тој во интервју за австрискиот весник „Die...

Дијаспора3 часа

Македонски организации во Бугарија: Ја повикуваме Софија да го запре говорот на омраза

,,За жал не може да се каже дека прифатената позиција на Владата и парламентот на Република Бугарија изненадува – таа...

Македонија4 часа

Поранешни вработени во „Охис“ на протест пред Собрание, бараат неисплатени плати

Вработени во „Охис“ ја блокираа улицата пред Собранието. Бараат исплата на 24 неисплатени плати. Велат дека протестираат секој вторник и...

Европа4 часа

(Видео) Се судрија полицијата и демонстрантите во Барселона

Илјадници каталонски сепаратисти излегле на улиците во Барселона и се обиделе да го блокираат барселонскиот аеродром по пресудата на деветмина...

Регион5 часа

Пожар во бегалски камп на Самос, се евакуираат мигрантите

Грчките власти евакуираат преполн прифатен центар за мигранти и азиланти на егејскиот остров Самос, каде избувна голем пожар по судир...

Македонија5 часа

Османи во итна посета на Луксембург и Брисел на консултации со ЕУ

Заменик-претседателот на Владата задолжен за европски прашања, Бујар Османи, денеска, патува за Луксембург и Брисел на последни консултации и разговори...

Спорт15 часа

Ајакс со еколошки гест – до Лил ќе патуваат со воз наместо со авион

Холандските шампиони, Ајакс, се решија за еколошката опција за патувањето за следниот меч во Лигата на шампионите против францускиот Лил,...

Македонија18 часа

Пронајден затвореникот кој утрово им побегна на затворските чувари додека купувале сендвич

Полицијата го пронајде и уапси затвореникот кој утрово успеа да им помогне на затворските чувари додека купувале сендвич. Од МВР...

Македонија19 часа

Димитров во Брисел: Европа да ја согледа важноста и да донесе визионерска одлука

Во рамки на првиот ден од работната посета на Брисел, министерот за надворешни работи, Никола Димитров, за првпат се обрати...

Македонија19 часа

Утре состанок на историчарите на Македонија и Бугарија, Владата останува посветена на Договорот

Претседателот на Владата, Зоран Заев, денеска имаше средба со нашите историчари, членови на Заедничката мултидисциплинарна експертска комисија за историски и...

Топ20 часа

Маж пронајден починат покрај локален пат

Вчера напладне покрај пат во селото Рогачево, Тетовско, бил пронајден починат маж од Скопје. Се работи за лице на 67-годишна...

Македонија21 час

Бојан Јовановски повторно пренесен во болница поради проблеми со желудникот

Oбвинетиот Бојан Јовановски, познат како Боки 13, повторно е пренесен во болница поради проблеми со желудникот. Јовановски бил пренесен на...

Македонија21 час

Бактеријата мрса се шири во градинка во Кисела Вода

Бактеријата мрса, која е отпорна на антибиотици, била пронајдена кај три дечиња и кај воспитувачка во градинката „Весели цветови“ во...

Економија22 часа

„Еуромакс рисорсис“ поднесе тужба на решението за рудникот „Иловица-Штука“

„Еуромакс рисорсис“ поднесе тужба до Управниот суд против решението на второстепената државна комисија од 5 септември, со кое ја одби...

Македонија1 ден

Плевнелиев: Македонија заслужува членство во ЕУ, Макрон греши

Го поддржувам пристапот на Македонија и на Албанија во Европската Унија, изјави поранешниот претседател на Бугарија, Росен Плевнелиев, за БГНЕС....

Свет1 ден

(Видео) Шест години затвор за мајка што лажела дека синот има карцином – за 10 години му направиле 13 операции

Мајка лажно тврдела дека нејзиниот син има карцином, па десетгодишното дете било подложено на 13 операции иако воопшто не било...

Топ1 ден

Планинар падна од карпа, со хеликоптер пренесен во болница

Дваесет и шестгодишен планинар од Битола е тешко повреден кога вчера, качувајќи се по патека кон врвот на Илинден, се...

Топ1 ден

Истрага за случајот во Богданци: се опијаниле, па со стол сакал да го убие соседот

Основното јавно обвинителство Велес донесе наредба за спроведување истражна постапка против 60-годишен жител на Богданци поради постоење основано сомневање дека...

Досие