Европа
(Видео) Три деца загинаа во апокалипсата во Џенова, спасувачите трагаат по преживеани
Најмалку 35 лица, меѓу кои три деца на возраст од 8, 12 и 13 години, загинаа во рушењето на надвозникот во Џенова, објавија агенциите повикувајќи се на извори од противпожарната бригада.
Спасувачите во северозападниот италијански град Џенова продолжуваат да ги бараат можните преживеани по драматичниот колапс на автопатот. Пожарникарите се обидуваат да влезат во малите пукнатини во обид да најдат некого што сѐ уште може да биде заглавен во возило.
Министерот за внатрешни работи соопшти дека најмалку 35 лица загинале кога десетици возила паднале од 45 метри височина. Околу 16 лица беа повредени во колапсот, а бројот на исчезнати се движи од четири до 12.
An aerial view of the collapsed bridge in #Genua.
At least 10 people have been confirmed dead. pic.twitter.com/hj1Q8hN9YF
— EHA News (@eha_news) August 14, 2018
Речиси 250 пожарникари од цела Италија учествуваат во потрагата користејќи кучиња трагачи и опрема за качување.
„Не се откажуваме, сè уште имаме надеж“, вели пожарникарот Оган Емануеле Гифи за новинската агенција АФП со ветување дека тимовите ќе работат нонстоп додека не биде пронајдена и последната жртва.
Надвозникот се сруши по удар на гром што удрил директно во еден од столбовите.
„Беше околу 11.30 часот кога гром го погоди мостот и тој се сруши“, вели еден од сведоците за италијанската агенција.
Bridge of highway collapses in #Genua, Italy#Genova pic.twitter.com/fAXPv5k5LL
— NewsBlog breaking (@NBbreaking) August 14, 2018
Медиумите објавија дека мостот е изграден во 60-тите години од минатиот век, а реконструиран во 2016 година.
Повеќето од жртвите биле во возилата што паднале од надвозникот. Шефот на цивилната заштита, Анџело Борели, изјави дека 35 автомобили и три камиони биле на надвозникот кога тој се урнал.
#BREAKING: Aerial images of the bridge collepse in #Genua #Italy
pic.twitter.com/hjBY697pgG— Amichai Stein (@AmichaiStein1) August 14, 2018
Италијанскиот премиер Џузепе Конте го посетил местото на несреќата каде што се урна надвозникот во Џенова изјавувајќи дека станува збор за огромна трагедија.
Тој вели дека е шокантно да се види урнат мост и жртвите што спасувачите ги извлекуваат“. Конте исто така ги пофалил стотината спасувачи што се на местото на несреќата истакнувајќи дека тие ги спасиле луѓето што паднале од 45 метри висина и кои сега се живи и во болница“.
Повеќе од 400 лица беа евакуирани поради стравувањата дека другите делови од мостот би можеле да паднат. Причината за катастрофата, која се случи во текот на поројниот дожд, не беше веднаш јасна, но беа поставени прашања за безбедноста на објектот.
Италијанската противпожарна служба објави видеоснимка на човек што го извлекуваат од заробеното возило и внимателно со кабли го спуштаат долу.
#Genova #14ago, uno dei salvataggi effettuati dalle squadre dei #vigilidelfuoco pic.twitter.com/uPDPiHurr6
— Vigili del Fuoco (@emergenzavvf) August 14, 2018
Огромна кула и делови од мостот се урнаа на железничката пруга, во реката и врз магацин.
Автомобилот на Давид Капело (33), поранешен голман на Калјари, падна при колапсот на надвозникот, но тој преживеа.
„Успеав да излезам… не знам како мојот автомобил не е смачкан. Се чинеше како сцена од филм, тоа беше апокалипса“, рече тој.
Марчело де Анџелис, кој ги координира напорите за спасување на италијанскиот Црвен крст, изјави за Би-би-си дека спасувачите ја третираа катастрофата како земјотрес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.