Контакт

Топ

(Видео) Иванов, Китаровиќ и Пахор ги пречекаа лидерите на земјите учеснички на Брдо-Бриони

Објавено пред

Започна средбата на претседателите од земјите од Западен Балкан во рамките на Процесот Брдо-Бриони по официјалниот пречек од страна на претседателот на Република Македонија, Ѓорге Иванов, претседателот на Хрватска, Колинда Грабар-Китаровиќ, и претседателот на Словенија, Борут Пахор.

На средбата, чии домаќини се Иванов, Китановиќ и Пахор, учествуваат претседателот на Србија, Александар Вучиќ, претседателот на Албанија, Илир Мета, претседателот на Црна Гора, Филип Вујановиќ, претседателот на Босна и Херцеговина, Бакир Изетбговиќ, претседателот на Косово, Хашим Тачи.

Почесни гости годинава се претседателот на Европскиот совет, Доналд Туск, и премиерот на Бугарија, Бојко Борисов.

Средбата на лидерите предвидено е да трае околу 2 часа, по што ќе следува заедничка прес-конференција.

Во фокусот на годинешниот состанок на лидерите на земјите учеснички е потребата за подобрување на меѓусебната поврзаност во политичка, економска, инфраструктурна и безбедносна смисла, а во контекст на новата стратегија на ЕУ за Западен Балкан.

Во рамките на Процесот Брдо-Бриони, првпат по иницијатива на Република Македонија, минатата недела се одржа состанок на директорите на агенциите за разузнавање на земјите учеснички во Процесот, на кој се дискутира за безбедносната поврзаност како сегмент на регионалната соработка. Процесот Брдо-Бриони првпат се одржа во 2013 година на заедничка иницијатива на претседателите на Република Словенија и Република Хрватска, во Брдо кај Крањ. Лидерите на земјите од Процесот Брдо-Бриони се состануваат најмалку еднаш годишно.

Во рамките на оваа регионална иницијатива досега се одржани шест состаноци, од кои пет редовни и еден вонреден: во Брдо кај Крањ, Република Словенија, во 2013 година, во Дубровник, Република Хрватска, во 2014 година, во Будва, Црна Гора, во 2015 година, вонреден самит во Загреб, Република Хрватска, во 2015 година, во Сараево, Босна и Херцеговина, во 2016 година и во Брдо кај Крањ, Република Словенија, во 2017 година, а на кои редовно учествува претседателот на Република Македонија,  Ѓорге Иванов.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Ременски по увидот: На ниту еден документ од доказите немам ставено потпис

Објавено пред

Пратеничката Фросина Ременски по повеќе од три и пол часа заврши со увид во доказниот материјал. Таа не сакаше да ја коментира обемноста на материјалот, ниту што има во доказите.

„Јас на прашања ќе одговорам кога ќе дадам изјава пред јавен обвинител. Јас видов се освен докази. На ниту еден документ дел од доказите немам ставено потпис“, рече таа.

Ременски не сакаше да одговори дали се има среќавано со бизнисмените кои се оштетени во случајот со невладината „Меѓународен сојуз“ на Бојан Јовановски.

Таа не сакаше да коментира ниту за 750 илјади евра кои наводно биле префрлени на сметка кај пензионерка од Скопје.

Во однос на документите од УБК, кои беа пронајдени во нејзниот дом, Ременски рече дека истите не се класифициран материјал бидејќи во нив имало криминал.

Исказ пред обвинителката Русковска, пратеничката треба да даде утре.

Ременски во петокот рече дека медиумите прават фама од случајот со „Меѓународниот сојуз“ и ги посоветува да се интересираат и за други предмети. Таа не сакаше да каже дали е злоупотребена од страна на Бојан Јовановски, коментирајќи дека на тоа ќе одговори кога ќе треба.

Ременски е осомничена дека помагала во извршувањето на кривичните дела измама и перење пари за кои се осомничени пет физички лица, заменик-претседателката на Меѓународниот Сојуз – Јасна Мандиќ, таткото на Бојан Јовановски – Миле Јовановски, асистентката на Јовановски – Кристина Блажевска како и самиот Бојан Јовановски.

На Ременски и е оземен пасошот, а има и забрана да го напушти Скопје како мерка на претпазливост. Обвинителството одзеде два телефона, но и компјутери и други предмети при претрес во нејзиниот дом.

 

 

Прикажи повеќе...

Македонија

Ексминистерот Ацо Спасеновски нелегално исплатил над 7,3 милиони денари на фирма за мониторинг и истражувања

Објавено пред

Поранешниот министер за земјоделство, шумарство и водостопанство, Ацо Спасеновски, е осомничен дека со лажни извештаи за мониторинг овозможил исплата на над 7,3 милиони денари на фирмата Меѓународен Агро Консалтинг. Управата за финансиска полиција против него и уште против едно физичко и правно лице поднесе пријава за злоупотреба на службена положба и овластување и помагање.

Ексминистерот, кој бил на должност во 2009 година, потпомогнат од второпријавениот А.Ѓ сопственик и управител на третопријавеното правно лице Меѓународен Агро Консалтинг, ја злоупотребил својата службената положба и овластување на начин што дал налог и исплатил фактури во вкупен износ од 7.338.551 денари за што биле доставени и примени во Министерството за земјоделство, шумарство и водостопанство вкупно 27 невистинити извештаи за извршено научно и мониторинг истражување.

Со тоа овозможил правното лице да се стекне со противправна имотна корист од 7.338.551 денари, за кој износ го оштетиле Буџетот на Министерството за земјоделство, шумарство и водостопанство.

Прикажи повеќе...

Македонија

Општина Ѓорче Петров им забрани на наставниците да користат мобилни телефони

Објавено пред

Општина Ѓорче Петров донесе забрана за користење мобилни телефони од страна на наставниците за време на наставата во основните училишта во општината.

Од таму велат дека прекумерното користење на телефоните за време на наставата од страна на учениците и наставниците станува сериозен проблем во целокупниот образовен процес.

„Со цел непречено одвивање на наставниот процес, ја донесовме оваа мерка, која стапува во сила од почетокот на второто полугодие. За секој наставник што нема да ја почитува, ќе следува дисциплинска мерка. Наставниот кадар во иднина за потребите на наставата ќе може да се служи само со друга информациско-комуникациска технологија, но не и со телефон“, велат од Општината.

Учениците, пак, ќе може да ги донесат телефоните во училиште, но нема да им биде дозволено користење додека трае наставата. За време на часовите мобилните на учениците треба да бидат исклучени и ставени на определено место.

Прикажи повеќе...

Најново

Македонија3 минути

Ременски по увидот: На ниту еден документ од доказите немам ставено потпис

Пратеничката Фросина Ременски по повеќе од три и пол часа заврши со увид во доказниот материјал. Таа не сакаше да...

Македонија1 час

Ексминистерот Ацо Спасеновски нелегално исплатил над 7,3 милиони денари на фирма за мониторинг и истражувања

Поранешниот министер за земјоделство, шумарство и водостопанство, Ацо Спасеновски, е осомничен дека со лажни извештаи за мониторинг овозможил исплата на...

Македонија2 часа

Општина Ѓорче Петров им забрани на наставниците да користат мобилни телефони

Општина Ѓорче Петров донесе забрана за користење мобилни телефони од страна на наставниците за време на наставата во основните училишта...

Топ3 часа

Прегазен пешак во Илинден

Дваесет и едногодишно момче со автомобил удрило во 79-годишен пешак, кој починал на местото на несреќата. Според информациите на полицијата,...

Македонија3 часа

(Видео) Јасна Мандиќ од куќен притвор донесена на распит во Обвинителството

Јасна Ерцеговиќ-Мандиќ, соработничката на Бојан Јовановски, од куќен притвор со полициска придружба беше спроведена во Обвинителството за организиран криминал и...

Македонија4 часа

Жителите на Трнодол најавуваат протести и тужба против градоначалникот

Жителите на Трнодол најавуваат протести ако Општина Карпош не го повлече детаљниот урбанистичкиот план, кој, како што велат, може да...

Свет5 часа

„Њујорк тајмс“: САД тајно протерале двајца кинески дипломати осомничени за шпионажа

Американската влада тајно протерала двајца официјални претставници на кинеската амбасада по нивниот упад во воената база во Вирџинија, објави „Њујорк...

Свет5 часа

Британски турист убиен пред луксузен хотел во Аргентина

Педесетгодишен британски турист е убиен пред луксузен хотел во Буенос Ариес. Како што пренесуваат светските медиуми, автобус со туристи патувал...

Свет6 часа

Во Виена уапсени двајца Чеченци, планирале терористички напад за Божиќ

Австриската полиција уапси двајца мажи осомничени дека планирале терористички напад во Виена меѓу Божиќ и Нова Година, пренесе Индекс.хр. Од...

Македонија18 часа

Aлфите го пронајдоа детето што се изгуби на кејот на Вардар

Единицата Алфа го пронајде 12 годишниот Мартин кој денеска се загуби во близина на кејот на реката Вардар. Од МВР информираа...

Топ21 час

Тетовец го пријавил чичко му оти му се заканувал со секира

Шеест и двегодишен маж од Тетово, со иницијали И.И. синоќа бил приведен од страна на полицијата. Како што јави МВР,...

Македонија23 часа

Мицкоски за ексамбасадорот кој репетираше пушка: Го знам од детството, но ќе предложам негово разрешување

На следната седница на Извршниот Комитет, лидерот на ВМРО-ДПМНЕ, Христијан Мицкоски ќе предложи разрешување на ексамбасадорот, Томислав Димитровски, кој е...

Македонија23 часа

(Видео) Заев: Судскиот совет да провери зошто се чувале предмети во фиока

Премиерот и лидер на СДСМ, Зоран Заев, во воведот од неговиот говор рече дека го радува глетката од преполната сала...

Свет1 ден

(Видео) Најмалку четири лица загинаа во земјотресот на Филипините

Најмалку четири лица загинаа во земјотресот со јачина од 6,9 степени кој го погоди островот Минданао во јужниот дел на...

Спорт1 ден

Македонец е светски првак во УФЦ–Александар „The Great“ Волкановски

Македонецот Александар „The Great“ Волкановски (31) е новиот шампион во УФЦ, во перо категорија. Волкановски утринава во Лас Вегас го...

Економија1 ден

Почна наградната игра „Мој ДДВ #MojaНаграда“

Од денес со скенирање на секоја фискална сметка преку апликацијата МојДДВ, секој полнолетен граѓанин е потенцијален добитник на една од...

Свет2 дена

Уништувањето на шумите во Амазонија достигна највисоко ниво за месец ноември

Уништувањето на шумите во бразилската Амазонија го достигна своето највисоко ниво за месец ноември, откако почна да се бележи неславни...

Македонија2 дена

Заев за ДУИ ќе се консултира во СДСМ и со малите партии

Премиерот Зоран Заев најави внатрепартиски консултации како и разговори со помалите партии на кои ќе се одлучува за поднесувањето на...

Топ2 дена

Пожар во стан во Тетово – еден тешко повреден, десетина затруени

Еден маж е потешко повреден со изгореници, а 10 лица се затруени од чад, во пожарот што се случи денеска...

Македонија2 дена

Врховните судии потврдија дека Јован Врaнишковски перел пари

Врховниот суд го отфрли како неосновано барањето за вонредно преиспитување на пресудата против расчинетиот владика на МПЦ-ОА, Јован Вранишковски. Тројцата...

Досие