Топ
(Видео) Караџовски: 220 заразени од морбили, вакцинирајте, не правете геноцид врз децата

Расте бројот на деца, но и возрасни што се заразиле од малите сипаници. Според последните информации од здравствените власти, има пет нови случаи на заболени, со што бројот пораснал на 220 од прогласувањето на епидемијата пред еден и пол месец. Лекарите апелираат дека единствениот начин да запре ширењето на морбилите е вакцинирањето и препорачуваат не само децата туку и родителите да се имунизираат.
„За да запре епидемијата, 15-ина илјади деца што не се вакцинирани треба да бидат. Има деца што немаат имунитет, тие ќе бидат првите што ќе заболат“, порача д-р Жарко Караџовски и додаде дека со апстиненција од вакцинација се доведува здравјето на детето во огромен ризик.
„Со вашата немарност и залуденост од светските мрежи, каде што ќе најдете секакви податоци, се доведувате во ризик да заболите ако не сте имунизирани, децата се ни криви ни должни, немојте да правите геноцид врз своето дете“, порача Караџовски.
За неполни четири дена, три деца починаа од морбили. Последниот случај беше 13-месечно дете од Тетовско, кое вчера почина на Детската клиника. Детето немало хронични заболувања, а на Клиниката се лекувало пред неколку недели од друга болест. Во петокот почина 13-месечно дете од Свети Николе, а првата жртва од морбили беше шестмесечно бебе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Скандал во студентскиот дом „Гоце Делчев“, студент снимал девојки додека се туширале

Студент бил фатен како тајно снима студентка во студентскиот дом „Гоце Делчев“ во Скопје.
„На 16 октомври 2025 во 20 часот и 10 минути во СВР Скопје, 22-годишна девојка од Прилеп, со престој во студентски дом на подрачјето на Карпош, пријавила дека истиот ден околу 17 часот, додека се туширала забележала телефон над параваните.
Според пријавата, А.М. (22) од Богданци ѝ кажал дека тој ги направил фотографиите. Лицето е приведено во полициска станица, а одземени му се лаптоп и компјутер.
„СВР Скопје презема мерки за расчистување на случајот“, велат од МВР.
Топ
Возел со 3,32 алкохол во крвта и направил сообраќајка

Кавадарчанец бил лишен од слобода, со 3,32 промили алкохол во крвта управувал возило и учествувал во сообраќајка, информираа денеска од Секторот за внатрешни работи Велес.
„Синоќа во 19:20 часот во село Пепелиште, неготинско, полициски службеници од ОВР Неготино, го лишија од слобода С.Ф.(43) од Кавадарци. При преземање на мерки во врска со сообраќајна несреќа во која С.Ф. учествувал со патничко возило застава 101 со неготински регистарски ознаки, било утврдено дека С.Ф. го управувал возилото под дејство на алкохол, односно му биле измерени 3,32 промили алкохол во крвта“, појаснија од СВР Велес.
Оттаму додадоа дека тој бил задржан во полициска станица, известен бил јавен обвинител и по документирање на настанот, против него ќе била поднесена пријава по член 297-а од Кривичниот законик – „безобѕирно управување со моторно возило“.
Македонија
ДИК: Вкупно 8.848 болни или немоќни лица денес можат да го остварат своето право на глас

Денес се спроведува гласањето на болните или немоќни лица, лицата кои се на издржување на казна затвор или се во притвор и лицата кои се пријавиле за гласање а се сместени во установите за вонсемејна грижа, соопшти Државната изборна комисија.
Вкупно 8.848 болни или немоќни лица, како што велат од ДИК, можат да го остварат своето право на глас на овие локални избори.
Со почеток во 7:00 часот во 14 казнено поправни установи, своето право на глас можат да го остварат 2162 лица кои се на издржување казна затвор или притвор.
Од ДИК информираат дека 442 лица сместени во установите за вонсемејна грижа своето право на глас може да го остварат во вкупно 13 центри за вонсемејна грижа.
Гласањeто денес започна во 7 часот утринава, а завршува во 19 часот.