Регион
(Видео) Луѓе паѓаа, оган имаше на сите страни, беше како земјотрес, сведочат преживеани патници од грчкиот воз
Додека трае акцијата за спасување по судирот на патнички и товарен воз во Лариса, Грција, при што загинаа најмалку 36 лица, а повредени се над 80, преживеаните патници сведочат дека минале низ хорор. Во патничкиот воз имало околу 350 патници во моментот кога се судрил со товарниот воз, кој наишол од спротивната насока.
„Слушнавме силен удар, тоа беа десет кошмарни секунди. Се превртувавме со вагонот додека не паднавме на страна и тогаш настана паника. Пукаа кабли насекаде, избувна оган… бевме запалени, додека сме се превртувале, огнот се раширил, гореше и лево и десно“, вели Стергиос Миненис (28), сведок на несреќата.
Патник во шестиот вагон вели дека се обидел да изнесе од возот што е можно повеќе луѓе.
Συγκλονιστική μαρτυρία για τη σύγκρουση #Τέμπη: “Προσπάθησα να βγάλω όσους περισσότερους μπορούσα, ήταν ένα κοριτσάκι 6 μηνών που ευτυχώς έμαθα ότι βγήκε ζωντανό, έβγαλα όσους περισσότερους μπορούσα, δεν μπορεσα να περάσω πιο μπροστα γιατι τα συντρίμια φλέγονταν”
Μπραβο ΠΑΛΙΚΑΡΕ! pic.twitter.com/KA2AIRxCLQ— Καθίκι (@KYTKYTKYTKYTKYT) March 1, 2023
„Изгледаше како земјотрес. Се обидов да изнесам што е можно повеќе луѓе. Во вагонот имаше шестмесечно бебе, за среќа, преживеа. Вториот вагон, во кој беше кафетеријата, е уништен, не можев да одам понатаму оти сè гореше“, вели друг патник за грчката веб-страница „Прото тема“.
Друг преживеан вели дека речиси сите патници спиеле кога се случил ударот.
„Куферите паѓаа и стануваше сè полошо. За пет секунди, сфатив дека се случи нешто лошо. Нашиот вагон беше тешко погоден, се скршија неколку прозорци. Луѓето паѓаа, а вагоните ги зафати пожар. Пожарникари немаше ни 15 минути по несреќата“, вели преживеаниот.
Патничкиот воз тргнал од Атина и патувал кон Солун кога директно се судрил со товарниот воз.
Портпаролот на пожарникарската служба, Василис Вартакојанис, претходно изјави дека условите за спасувачките екипи се многу тешки поради сериозноста на судирот.
(Видео) Објавени видеа снимени неколку секунди по судирот на возови во Грција
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.