Топ
(Видео) Сеопфатното сексуaлно образование ќе превенира и скандали како „Јавна соба“
Порнографските материјали на малолетници дистрибуирани преку групата „Јавна соба“ на апликацијата „Телеграм“, бременост кај малолетнички, насилство базирано кон оние со истородна сексуална определба, го запалија алармот да се преземе итна едукација кај децата на овие теми.
Во 2018 година е формирана работна група во Бирото за развој на образованието за подготовка на модели за пилотирање на предметот сеопфатно сексуално образование во формалното образование. Минатата година Владата ја усвои одлуката во формалното образование да се почне со пилот-предавања во неколку училишта со сеопфатно сексуално образование. Идејата е од 2011 година од невладината организација „Хера“, која на терен досега презеде низа активности за едукација.
Според психологот Ана Попризова од скопската гимнација „Орце Николов“, забраните за користење мобилни телефони и интернет-комуникација нема да доведат до решение, туку само со континуирана едукација за опасностите од сајбер-просторот ќе се превенираат вакви скандали.
Мери Цветковска од невладината „Хера“ вели дека предметот сеофатно сексуално образование ќе ја подигне свесноста кај децата и младите за сексуалното здравје.
Врсничката едукаторка Анамарија Даневска исто така смета дека „Јавна соба“ е само една од многубројните групи, каде што младите разменуваат разголени фотографии, и дека тие не се свесни за опасностите од злоупотреба, а прстот не треба да биде насочен кон нив туку кон системот за едукација и гласно говорење на темите поврзани за сексуалниот развој.
Во дебатата стана збор и честите случаи на малолетничка бременост, за насилството кон маргинализирани ранливи групи на млади, за мерките што треба да се спроведат да се превенира ескалација на настаните, каде што главно е повикан да дејствува образовниот систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кинескиот претседател со предупредување до Блинкен: „Вашингтон едно кажува друго прави“
„Вашингтон мора да престане „да кажува едно, а да прави друго“, како и да престане да го третира Пекинг како непријател, изјави кинескиот претседател Шји Џјинпинг на средбата со американскиот државен секретар Ентони Блинкен, пренесува „Политико“.
„Нашите земји, мора да бидат верни на нивните зборови. Мора да си помагаме да напредуваме, а не да си наштетуваме“, рече кинескиот претседател кого Џо Бајден не еднаш го нарече „диктатор“, пренесува медиумот.
Покрај тоа, Џјинпинг истакна дека има многу отворени прашања меѓу Кина и Соединетите Американски Држави кои бараат решавање.
Пекинг е иритиран од обидите на Вашингтон да го зајакне својот сојуз со Јапонија и Филипините, да обезбеди воена поддршка на Тајван и да го ограничи пристапот на Кина до напредните полупроводнички технологии.
Сепак, и покрај зголемените противречности, Блинкен ја уверил кинеската страна дека САД се посветени на развивање на односите „за добробит на двата народа“, пишува „Политико“.
Македонија
„Не е законски да не е осигурана Клиниката, за тоа треба да преземе одговорност менаџментот“, кажа Демири
Министерот за здравство Илир Демири кажа дека штетата на Токсикологија е покриена, откако имаше хаварија со цевката за парно.
„Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири.
Дали е потпишан договор или не, тоа се интерни договори на Клиниките кои морам да ги проверам, додаде министерот.
Во однос на болничарот кој требаше да биде суспендиран, Демири кажа дека има една голема неправда направена на Токсикологија, а тоа е необезбедување на согласност од страна на менаџментот на таа институција за обезбедување договори за 18 вработени кои се дел од медицинските процедури, кои веќе 4 месеци служат на таа институција, а не добиваат никаква економска надокнада.
„Во тек е изборна кампања, не сакам да се прекрши ниту една законска процедура, чекам да дојде извештајот на Инспекцискиот надзор кој ги има обврзано во тек на 5 дена менаџментот да најде решание за 18 луѓе кои работат, а не добиваат надокнада. Не е законски да не е осигурана Клиниката, за тоа треба да преземе одговорност менаџментот“, кажа Демири.
На новинарско прашање, министерот одговори дека економската директорка оди на работа и не се паркира на влезот на Клиниката.
„Не се точни наводите дека доаѓала на работа по четири саати, според моите сознанија“, додаде Демири
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.