Топ
„Кунико рисорсис“ кои ја тужат Македонија за „Фени“, надвор од земјава се осомничени за перење пари и организиран криминал
Казахстанското трио, како што низ светот се познати сопствениците на „Кунико рисорсис“ (Cunico resources) кои до лани беа газди и на кавадаречки „Фени“, а сега ја тужат Македонија, имаат тужби речиси во сите земји во кои што работеле. Киргистанецот Александар Машкевич (Aleksander Mashkevich), Узбекистанецот Потох Чадиев (Patokh Chodiev) и муслиманскиот Ујгур од Киргистан, Алијан Ибрагимов (Alijan Ibragimov) го сочинуваат триото кое според светските медиуми има богатство изразено во билиони, стекнато по распадот на СССР.
„Макфакс“ ги истражуваше тужбите поврзани со оваа компанија против чии претставници во Македонија има неколку кривични пријави.
Измама, перење пари, корупција и организиран криминал се најчестите обвиненија со кои се соочиле во различни држави, покажа интернет истражувањето.
Триото има бројни обвинувања но нема осуди, оти плаќаат спогодби. Во 2016 година „Форбс“ извести дека белгискиот инженеринг гигант „Тректабел“ го тужи триото за измама, перење пари и организиран криминал. Во спорот била постигната спогодба со плаќање отштета.
Во 2013 година британската влада ги гони за корупција за случаи поврзани со нивни
Дејности во Африка и Казахстан, овие случаи се уште се активни. Британски „Телеграф“ јавува дека бизнисите на казахстанското трио се тесно поврзани со казахстанскиот диктаторски претседател Нурсултан Назарбајев за кого се сомневаат дека им е таен партнер, а нивното богатство се должи на незаконска приватизација на огромен дел минерални ресурси, струја и железница во Казахстан направена со поддршка на претседателот по распадот на СССР.
Александар Машкевич од триото во 2011 година во Турција бил инволвиран во скандал со секс забави со малолетнички на турската јахта „Савона“. Скандалот го открила турската полиција.
Во 2007 година компанијата ЕНРЦ, сопственост на триото, се котирала на лондонската берза. Многу англиски пензиски фондови инвестирале во групацијата за на крај да изгубат многу пари. Британските медиуми во 2010 јавуваат дека ЕНРЦ била листирана на лондонската берза за метали, акциите биле продадени скапо, а по низа афери цената на акциите на компанијата вртоглаво паднала и казахстанското трио евтино си ги купило назад. Двете фирми на триото ЕНРЦ и ИМР се постојано присутни по судовите во Англија и Холандија со бројни обвиненија за измама, корупција и организиран криминал.
„Кунико“ има тужба и од канадската компанија „Фрст квантум минералс“ (First quantum minerals) за незаконско преземање на рудник во Конго. Британските медиуми во 2016 година известија дека Владата на Конго го одзела рудникот на канадската фирма, ја продала на фирма во сопственост на претседателот на Конго за 20 милиони американски долари, а потоа оваа фирма го продала рудникот на ЕНРЦ која е во сопственост на казахстанското трио за 175 милиони долари.
Казахстанското трио е под истрага и од британската Служба за првостепени измами (Serious fraud office). Осомничени се за измама, мито и корупција за зделки во Африка и Казахстан. Британската служба утврдила дека казахстанското трио е познато по зделки со влади на неразвиени земји каде што корупцијата е на највисоко ниво.
Двајца директори на ЕНРЦ, по аферата со рудниците во Конго, се пронајдени мртви во хотел во Мисури, САД.
„Кунико рисорсис“ беше сопственик на „Фени“ од 2004 година до лани, кога беше прогласен стечајот на фабриката
Казахстанското трио влезе во „Фени“ во 2004 година. До 2015 партнерски управуваа со фабриката нивните фирми ИМР и БСГР, но поради меѓусебни недоразбирања поведоа судски спор околу сопственоста и ИМР стана доминантен сопственик на фабриката со обврска да уплати 60 милиони долари на сметката на „Фени“ и да инвестира во производниот процес. Вработените во фабриката изминатиов период сведочеа дека планираните средства за инвестиции воопшто не се чепнати туку по истекот на гарантниот период, на почетокот на 2017 година „Кунико“ си ги подигнале средствата од сметката и покрај огромните долгови, за неколку месеци подоцна, септември 2017 година да го прекинат производство. Вработените останаа дома, а „Кунико“ ја понуди фабриката на продажба за 1 американски долар на бугарски „Енекод“ под услов да ги отплати долговите од над 70 милиони долари. Оваа продажба ја оспорија банките кредитори на „Фени“ кои одлучија фабриката да оди во стечај низ кој ќе се прави реорганизација. Фабриката продолжи со производство во март годинава кога швајцарски ГСОЛ ја закупи, ги исплати долговите и ги задржа на работа сите вработени. Стечајната постапка низ кој се бара нов сопственик на фабриката се уште трае.
„Кунико риосрсис“ беше против стечај за „Фени“ од стартот на постапката. Два дена по рестартот на производството во „Фени“, Владата информираше дека компанијата „Кунко ресорсис“ покренала тужба против Македонија пред арбитражниот суд во Вашингтон. Кое е обвинението за државата Владата не откри, но соопшти дека за одбраната ја ангажирале американската адвокатска канцеларија „White & case“.
На почетокот на месецов, пак, холандските медиуми јавија дека „Кунико“ во Амстердам, каде што е седиштето на компанијата, поднеле тужба против 9 фирми и 4 физички лица, меѓу кои и вицепремиерот Кочо Анѓушев за киднапирање на имотот во Македонија.
Против Јусуф Миракхмедов, поранешниот директор на „Фени“ поставен од „Кунико“ Управата за финансиска полиција поднесе две кривични пријави, а кривична пријава против него но и против целото раководство на „Фени“ поднесе и малцинскиот партнер БСГР.
Во случајот со „Фени“ се вклучи и „Транспаренси интернешнал – Македонија“. Постапувајќи по претставка од „Кунико“, тие посочија дека стечајната постапка не се води законски и поднесоа кривични пријави против стечајната судијка и против стечајниот управник на „Фени“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here Without You“, почина на 47-годишна возраст, неколку месеци откако објави дека боледува од тешка болест.
Бендот ја објави тажната вест
„Со тешко срце ја споделуваме веста дека Бред Арнолд, основач, главен пејач и текстописец на 3 Doors Down, почина во саботата, на 7 февруари“, објави бендот на Инстаграм.
„Почина во сон, опкружен со љубов, покрај својата сопруга Џенифер и семејството, по храбра борба со рак“, додадоа тие, споменувајќи ја неговата сопруга Џенифер Сандерфорд.
Бендот се присети на Арнолд како на основач, пејач и оригинален тапанар, кој оставил силен белег во мејнстрим рокот, спојувајќи пост-гранџ звук со емоционално директни текстови кои лесно допирале до публиката.
„Песните на Бред одбележаа една генерација и создадоа некои од најголемите хитови на 2000-тите, вклучително и онаа која го прослави бендот – ‘Kryptonite’ – која ја напиша на час по математика на само 15 години“, стои во објавата. „Неговата музика го надмина концертниот простор, создавајќи моменти на поврзаност, радост и заедничко искуство кои ќе живеат и по неговите настапи.“
Го опишаа и како „посветен сопруг“, додавајќи: „Неговата добрина, хумор и великодушност ги допреа сите кои имаа среќа да го познаваат. Најблиските ќе го паметат не само по талентот, туку и по неговата топлина, скромност, вера и длабока љубов кон семејството и пријателите.“
„Семејството е длабоко благодарно за излеаната љубов и поддршка во ова тешко време и моли за почитување на приватноста“, се заклучува во соопштението на бендот.
Борба со тешка болест
Во мај минатата година, Арнолд објави дека боледува од рак на бубрег во четврта фаза. Во видео објава на Инстаграм откри дека болеста се проширила на белите дробови, поради што морале да ја откажат турнејата.
Почетоци на бендот и хитот напишан во средно училиште
Бред Арнолд е роден во 1978 година во Ескатаупа, Мисисипи. Бендот 3 Doors Down го основал како матурант, заедно со пријателите Тод Харел (бас) и Мат Робертс (гитара).
Во 1998 година им се придружил гитаристот Крис Хендерсон и заедно издале независно CD издание со рана верзија на песната „Kryptonite“, која постигнала голем успех на локалните радио-станици.
„Ја напишав таа песна на час по алгебра во средно училиште“, се присети Арнолд во едно интервју, објаснувајќи дека токму креативното пишување го поттикнало да ги создава текстовите како кратки приказни.
Патот до ѕвездите
Во 1999 година, бендот потпиша договор со Universal Republic Records. Им се придружи тапанарот Ричард Лајлс, што му овозможи на Арнолд целосно да се посвети на пеењето и пишувањето.
Нивниот деби албум The Better Life излезе во 2000 година и постигна голем успех, пред сè благодарение на синглот „Kryptonite“, кој им донесе и номинација за Греми.
Албумот Away from the Sun од 2002 година ги донесе хитовите „When I’m Gone“ и „Here Without You“, а и следните албуми продолжија да се искачуваат високо на топ-листите. Вкупно имаат издадено шест студиски албуми.
Личен живот и хуманитарна работа
Во 2004 година, бендот ја основа хуманитарната организација The Better Life Foundation. Арнолд претходно јавно зборуваше и за својата борба со алкохолизмот, и дека побарал помош и останал трезен.
Свет
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во северниот италијански град, објавуваат италијанските медиуми. Некои демонстранти фрлаа пиротехника и се судрија со полицијата.
Milano. Solo una parola. CRIMINALI. pic.twitter.com/8yRaYrCeS2
— Azzurra Barbuto (@AzzurraBarbuto) February 7, 2026
Група од околу 100 демонстранти, претежно радикални левичари, фрлаа петарди, димни бомби и шишиња кон полицијата откако се одвоија од главната толпа во Милано, градот домаќин на Олимписките игри. Полицијата во опрема за немири и со штитови одговори со водни топови во обид да ја растера групата, од која некои носеа качулки и шалови за да ги покријат лицата. Редот беше воспоставен по неколку минути. Неколку учесници во немирите беа уапсени.
Полицијата беше во состојба на висока готовност по насилните судири за време на протестите во Торино минатиот викенд, во кои беа повредени повеќе од 100 полицајци.
„Ројтерс“ објави дека повеќе од 5.000 луѓе излегле на улиците на Милано поради трошоците за домување и еколошките проблеми. Демонстрантите носеа транспаренти со кои осудуваа низа проблеми, од употребата на вештачки снег и сечење дрвја до кризата со домувањето во финансискиот и моден главен град на Италија.
„Игрите повеќе не се одржливи од еколошка или социјална гледна точка, нивното време истече“, изјави демонстрантката Франческа Мисана (29).
Критичарите на Зимските олимписки игри се жалат на влијанието на инфраструктурата врз кревката планинска средина, како и на широката употреба на вештачки снег што троши многу енергија и вода.
Други велат дека за многумина, Милано стана град во кој повеќе не можат да живеат поради зголемените трошоци за живот поради приливот на богати нови жители привлечени од даночната шема.
Македонија
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на марихуана. Во правно лице во Скопје пронајдени се и одземени околу девет тони марихуана и над 1300 шишиња произведено масло од канабис (полупроизвод). Од правни лица пак од источниот регион, одземени се над 31 тон марихуана и биомаса.
Во координација со Царинската управа и надлежната Комисија за контрола на овој вид на дејност од Министерство за здравство извршени се контроли во повеќе правни лица чија основна дејност е одгледување зачински, ароматични и лековити растенија и растенија со употреба во фармацијата, а во координација со јавен обвинител од ОЈО за ГОКК, се преземаат мерки и активности заради утврдување на фактите дали неодамна запленетата марихуана во Р.Србија потекнува од нашата држава.
„Со оглед на тоа дека едно од осомничените и приведени лица во Р.Србија е дел од сопственичката структура во правното лице од Скопје, извршени се детални проверки и контроли на количината која е затечена во правното лице и целосната документација која што е пронајдена во просториите на правното лице. Врз основа на пронајдената документација од страна на Комисијата од Министерството за здравство сочинет е записник, во кој се констатирани низа неправилности при работењето и голема неусогласеност во однос на количините кои правното лице ги поседува, произведува, набавува и отуѓува. Со оглед на констатираните неправилности и по доставено известување од надлежен Јавен обвинител, од просториите на правното лице е подигната целосната количина на пронајдена марихуана“, известија од МВР.
Полицијата извршила проверки во неколку правни лица во источниот регион каде исто така од надлежната комисија се утврдени неправилности и неусогласеност во однос на количините кои правните лица ги поседуваат, произведуваат, набавуваат и отуѓуваат, по што е одземена затекнатата количина.
Министерството за внатрешни работи во координација со ОЈО ГОКК, каде е формиран посебен тим за овој и слични предмети, продолжува и во наредниот период со преземање на мерки и активности за целосно расчистување на овие случаи.
МВР по завршување на акцијата и по целосно расчистување на случаите детално ќе ја информира јавноста.
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
Воени возила и дронови во Охрид и Радожда, од утре обука на специјалците од војската на Белгија
Од 07 до 20 февруари 2026 година, на подрачјето на Охрид и струшкото село Радожда, ќе се реализираат активности за...
Студентите што студираат во странство или се прогласени за најдобри, ќе имаат предност за вработување на државните универзитети
Со поддршка од над 60 професори, засегнати институции и установи, претставници на студентите, стручни лица и експерти, Министерството за образование...
Угостителите во Македонија за една година ги поскапеа цените за 3,4 проценти
Цените на угостителските услуги во јануари 2026 година се зголемени за 0,2 проценти во однос на претходниот месец. Во споредба...
СДСМ: Нема одговор како 5 тони дрога поминале преку граница
Нема одговор како 5 тони дрога поминала преку граница – има вистина дека ВМРО го овозможи бизнисот со канабис, велат...
„Да се забрани производство на марихуана за наводни медицински цели“, бара Демократскиот сојуз
Демократскиот сојуз бара Парламентот на Македонија по скратена постапка да донесе измена на законите со кои ќе се забрани производство...
Лавров: Москва е во таен контакт со некои европски лидери, тие бараат разговорите да останат тајни
Министерот за надворешни работи на Русија, Сергеј Лавров, изјави дека Москва е во таен контакт со некои европски лидери и...
Поднесена кривична пријава против две лица од Битола кои се закануваа дека ќе убиваат полицајци на протестот за возачките дозволи
Независниот полициски синдикат поднесе кривична пријава против две лица од Битола кои се закануваа дека ќе убиваат луѓе на протестот...
Објавени пораки меѓу поранешниот норвешки премиер и Епстин, започната е истрага
Поранешниот норвешки премиер Торбјорн Јагланд е под полициска истрага поради сомнение за сериозна корупција поврзана со неговите врски со покојниот...
