Продолжуваат протестите против полициската бруталност и системски расизам во САД, кои започнаа поради убиството на Афроамериканецот Џорџ Флојд.

Градовите се подготвуваат за потенцијално нови немири, по заканите на Трамп за примена на поголема сила.

Демонстрантите маршираа по улиците на Вашингтон, Њујорк и Лос Анџелес. Стотина се собраа крај поставената ограда која им оневозможува да влезат во паркот во близина на Белата куќа, каде во понеделникот мирните демонстранти беа растерани со солзавец, за да американскиот претседател Доналд Трамп може да пројде до црквата во близина и да се фотографира со Библијата во рака.

Според информациите, четворица полицајци се ранети со огнено орује во Сент Луис и еден во Лас Вегас, за време на судирите со демонстрантите.

Уапсени се илјада демонстранти во градовите низ САД, а има и повредени.

Трамп се закани дека ќе ја испрати војската во градовите и сојузните држави за да ги смири нередите. Гувернерите на Њујорк, Масачусетс, Мичиген и Илиноис се меѓу оние кои го отфрлија повикот на Трамп на посилен одговор на протестите.

По апелот за пријавување на македонски граѓани затекнати во странство и нивно евидентирање со цел враќање во земјата, како и по јавниот повик за организирање  авионски превоз, но и преку хуманитарни конвои, досега (14 април) во организација на МНР е направена репатријација на 3.032 наши државјани.

Од нив, 2022 се репатрирани од 13 земји (Малта, Хрватска, Словенија, Германија, Австрија, Швајцарија, Велика Британија, Белгија, Франција, Шведска, Данска, Холандија и Италија) на летовите од 15 градови: Валета, Загреб, Љубљана, Минхен, Берлин, Бон/Келн, Виена, Базел, Лондон, Брисел, Париз, Стокхолм, Копенхаген, Ајндховен и Венеција), а 214 граѓани со 4 хуманитарни конвои (автобуси и автомобили) од Црна Гора, Босна и Херцеговина, Словенија и Турција.

„На 573 наши државјани им помогнавме со насочување или обезбедување дозволи за нивно враќање дома преку аеродромите во Софија, Солун, Истанбул и Тирана. Со регулирана постапка, пак, во комуникација со српските органи, самостојни дозволи во посредство на МНР беа издадени на 149 македонски граѓани за да ги преминат српските граници за да се вратат во земјата“, велат од министерството.

Со ова се исполнети барањата на граѓаните за враќање во земјата во контекст на чартер-летовите, но предвидени се и дополнителни хуманитарни конвои. Од Министерството велат дека во соработка со надлежните власти на другите држави, ќе продолжат и со помагање при индвидиуални дозволи за транзитирање таму каде што условите тоа го дозволуваат.

„Во духот на солидарноста и добрата соработка како со земјите од регионот, така и со земјите членки на ЕУ и НАТО, но и пошироко, овозможивме репатријација и на повеќе од 759 странски државјани кои од Скопје се враќаат во своите земји, меѓу кои: Австрија, Велика Британија, Германија, Австралија, САД, Чешка, Унгарија, Словачка, Швајцарија, Италија, Франција, Хрватска, Црна Гора, Косово, Малезија и др. На тој принцип, во соработка со други земји и нивните министерства за надворешни работи, им беше помогнато и на 74 наши државјани да се вратат дома од земјите од Централна и Јужна Америка, Полска, Нов Зеланд, Обединетите Арапски Емирати“, додаваат од Министерството.

Оттука изразуваат благодарност до сите инволвирани во овој процес, на колегите од Кризниот тим при Министерството за надворешни работи и колегите од сите наши дипломатско-конзуларни претставништва за нивната посветеност.

Како дел од безбедносен штит на најмоќниот воен сојуз во светот, Северна Македонија е фактор за стабилност во регионот, извозник на безбедност, земја во која граѓаните и децата имаат сигурна иднина. Ова го истакна претседателот на Владата, Оливер Спасовски, на онлајн дискусијата на тема „Глобалните закани и ризици и македонското членство во НАТО”,  а по повод одбележувањето на 4 Април, Денот на НАТО.

Спасовски нагласи дека со зачленување во НАТО и со отворените преговори за членство во ЕУ, по принципот на „еднаков меѓу еднаквите“ и принципот на солидарност „сите за еден – еден за сите“, се стекнавме со можност за влијание и еднакво право во носење на одлуките.

Тој истакна дека економскиот раст зависи во голема мера од способноста на земјата да обезбеди одржлив мир и стабилност, односно долгорочната безбедност и политичка стабилност.

„Членството во НАТО обезбедува поголема безбедност што ја подобрува можноста на земјата да обезбеди политичка и економската стабилност“, рече Спасовски и додаде дека во Северна Македонија е постигната рекордна вредност од 624 милиони евра на странските инвестиции во годината кога беше соопштено дека го започнуваме процесот на ратификација на Протоколот за пристапување во членство во НАТО.

„Да ја одржиме мотивацијата и силната енергија што не крепеше на патот за членството во НАТО, со иста таква сила и во процесот за членство во ЕУ. Гордоста што огромен дел од граѓаните ја чувствуваат овие денови, е мотивација да продолжиме со одлучност, посветеност и храброст и да го завршиме и нашиот пат до членство во ЕУ“, рече Спасовски.

Тој узрази надеж дека членството во НАТО ќе помогне и во остварувањето на пристапувањето во ЕУ. Свесни сме, вели Спасовски, дека постои блиска комплементарност и соработка меѓу двете организации.