Поради зголемениот интерес од компаниите и големиот број дополнителни прашања и сугестии од потенцијалните апликанти, рокот за аплицирање за јавниот повик за дигитализација на општините се продолжува до 19.10.2020 до 12 часот.

Целта на повикот е развој на дигитални алатки и решенија за подобри и поквалитетни услуги во локалната самоуправа, а го спроведуваат Фондот за иновации и технолошки развој и УНДП (Програма за развој на Обединетите нации). Повикот е отворен е за сите домашни компании, а решенијата треба да придонесат и кон забрзување на економското закрепнување од последиците предизвикани од пандемијата на Ковид-19 на локално ниво и олеснување на почитувањето на мерките за превенција на ширење на вирусот.

Апликантите треба да развијат е-платформа, која ќе ги интегрира решенијата за воспоставување електронски систем за наплата на давачките кон општината, воспоставување систем за електронско плаќање сметки кон јавните претпријатија, електронски систем на волонтери и онлајн-платформа за општински форум.

Се очекува избраното решение да биде искористено од страна на разни категории граѓани од разни возрасни структури, без ограничување, со јасни и разбирливи инструкции за користење. УНДП ги обезбедува средствата за повикот – 4 милиони денари, а спроведувањето му е доверено на Фондот и ќе се врши со користење на успешно воспоставените процедури и капацитетите на ФИТР.

Преку ФИТР се обезбедува финансирање до 100 % од вкупниот буџет за проектот, во максимален износ од 75.000 американски долари во денарска потиввредност, со вклучени трошоци за надзор во износ од 10 % од вкупниот оперативен буџет на проектот. Е-платформата треба да биде изработена за максимум 30 дена, а еден апликант треба да даде понуда за сите четири решенија, кои треба да бидат спроведени во сите пет пилот-општини.

Степенот на технолошкиот напредок и степенот на дигитализација, квалитет на проектот, капацитет на проектниот тим и влијанието се главните критериуми според кои ќе се оценуваат предлог проектите. Избраните дигитални алатки во оваа прва фаза ќе се имплементираат во 5 пилот-општини: Центар Жупа, Боговиње, Свети Николе, Прилеп и Куманово, кои се селектирани преку Програмата за развој на Обединетите нации (УНДП), насочена кон поддршка на државата за справување со ефектите од Ковид-19, како и спроведување брза и сеопфатна социо-економска анализа за ефектите од пандемијата и утврдување на можностите за побрзо закрепнување на локално ниво.

Се очекува решенијата да бидат изготвени, но и имплементирани до крајот на годинава, а тие ќе бидат целосно бесплатно достапни и за други општини кои ќе изразат подготвеност и желба.

Американскиот пејач Џони Неш, познат по неговиот реге-хит во 1972 година, I Can See Clearly Now, почина на 80-годишна возраст, рече неговиот син Џон Неш Трети.

Неш почина од природна смрт во неговиот дом во вторникот, изјави Џон Неш Трети за веб-страницата на славните ТМЗ и за локалната ТВ-станица во Лос Анџелес.

„Тој беше прекрасен татко и семеен човек. Тој ги сакаше луѓето и светот. Ќе недостасува во нашата заедница. Семејството за него беше сè“, изјави синот на Неш за ТМЗ.

Хитот I Can See Clearly Now беше објавен во 1972 година и четири недели беше на врвот на Билборд хот 100 листата на најпопуларни синглови, објавувани неделно од магазинот Билборд во САД.

Песната стана хит и во Канада, Велика Британија и Јужна Африка.

Неш е роден на 19 август 1940 година во Хјустон, Тексас, и ја започна својата кариера кон крајот на 1950-тите како пејач и актер.

Во средината на шеесеттите се пресели во Јамајка каде што беше под влијание на реге-музиката.

Тој исто така беше еден од првите нејамајкански пејачи што снимил реге-музика во Јамајка.

Неговиот последен студиски албум Here Again беше објавен во 1986 година.

Литванскиот министер за надворешни работи, Линас Линкевичиус, најави дека оди во самоизолација по состанокот со членовите на делегацијата во придружба на францускиот претседател, кои беа позитивни на коронавирус по посетата на Макрон на балтичките земји.

Литванскиот министер за надворешни работи беше присутен на разни официјални настани за време на дводневната посета на францускиот државен врв, изјави Раса Јакилаитиен, претставник на литванското Министерство за надворешни работи, а агенцијата БНС објави дека двајца вработени во француската амбасада во Вилнус биле тестирани позитивно на коронавирус минатата недела.

Литванскиот претседател, Гитанас Науседа, неговата сопруга и неколку вработени во неговиот кабинет биле исто така тестирани и сите биле негативни, но петмина службеници од претседателскиот кабинет, кои биле во близок контакт со француската делегација, биле замолени да одат во самоизолација.

Претседателот Науседа и неговото семејство не се меѓу нив.