Uncategorized
Илјадници полицајци биле подготвени да ја бранат границата, но поради страв од медиумите Меркел ја повлекла идејата

Во 2015-та година германската канцеларка Ангела Меркел пуштила илјадници мигранти во земјата, бидејќи се плашела дека затворањето на границата тоа ќе било лошо прикажано на телевизија, пренесува Daily Mail.
Меркел уште во септември 2015-та година била решена да ја затвори границата, пишува британскиот весник, но добила предупредување дека во рок од два дена во Германија може да влезат 40 илјади мигранти, по што во последен момент се откажала од идејата, тврди германскиот новинар Робин Александар во својата книга “Водени од настаните: политиката на Меркел кон бегалците”.
Според предупредувањето, германската канцеларка веќе одобрила мерки за затворање на границата, кои биле донесени по итните телефонски разговори со високи политичари, вклучувајќи и со министерот внатрешни работи Томас де Мезиер. По ова, Меркел се согласила тајно да бидат распоредени илјадници полицајци на границата со Австрија.
Германските медиуми тогаш начуле за активностите на Меркел, но се согласиле да не ја објават веста за случката, бидејќи постоеле безбедносни ризици. Канцеларката ја сменила својата одлука, откако Де Мезиер ја прашал: “Ќе можеме ли да живееме со сликите кои ќе излезат за оваа ситуација? Што ќе се случи ако 500 бегалци со деца во рацете се стрчаат кон обезбедувањето на границата?“.
Кога шефот на германската федерална полиција Дитер Роман одговорил дека полицајците ќе решаваат на лице место и ќе реагираатт според евентуалната ситуација, Меркел се решила да ја остави границата отворена, а како резултат на тоа границата на Германија остана отворена уште 180 дена.
Границата со Австрија беше конечно затворена во март 2016-та година, а Робин Александар тврди дека политиката на Ангела Меркел кон мигрантите е обележана со недостаток на храброст. “На крајот на краиштата Меркел одби да ја преземе одговорноста, дури и кога се посочуваше дека границите мора да бидат затворени”, пишува Александар во својата книга. Благодарение на “политиката на отворени врати” на Меркел, Германија, во 2015-та година прими преку еден милион мигранти./крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
(Видео) Ги испробала сите можни диети и тврди дека само едно нешто ѝ помогнало

Д-р Бетси Гранч, неврохирург, целиот свој живот имала прекумерна тежина, а во еден момент тежела околу 104 килограми (вели таа во видеото).
Во нејзината потрага по поздрав живот, таа пробала различни диети – од оние што ги видела на реклама до оние што самата ги истражувала.
Ниедна од нив не ѝ ги дала резултатите што ги сакала, но кога искомбинирала две диети, се случила трансформација. Докторката изгубила неверојатни 34 килограми и сега тежи околу 70 килограми (како што изјави во видеото).
Таа го сподели своето искуство за да им помогне на сите што сакаат да направат промена. Прво јадела храна богата со протеини, а потоа се посветила на повремен пост – диета на која се колнат познатите личности.
Тоа вклучува периоди во кои ви е дозволено да јадете што сакате, но и оние во кои пиете само вода, незасладено црно кафе или чај.
„Еден од најголемите виновници за дегенеративните промени во ‘рбетот е телесната тежина. Ми недостасуваше едукација за исхраната и тоа се гледаше на мојата фигура“, рече докторката, која имаше големи проблеми со грбот поради нејзината тежина. Таа откри дека 2018 година била пресвртница во нејзиниот живот. Одлучила да ослабе и успеала во таа намера.
Повремен пост
Голем број студии сугерираат дека повремениот пост не функционира за секого, но може да има здравствени придобивки. Им помага на луѓето да постигнат одреден калориски дефицит што е неопходен за губење на тежината.
Таа првично следела диета со висока содржина на протеини.
Протеините се добри за слабеење бидејќи ве одржуваат сити подолго време. Јадела интегрални житарки и малку јаглехидрати.
Потоа ги броела калориите. Секогаш се обидувала да биде во калориски дефицит, ѝ било тешко да премине од три оброци дневно на два, но го решила тој проблем со пиење повеќе вода.
Откако ослабела 34 килограми, д-р Гранч имала операција за отстранување на вишокот кожа. Таа објаснила дека верува дека тој начин на размислување е клучен за процесот на слабеење.
Нејзината цел била да успее без лекови или апчиња за слабеење, и таа успеала – бројката од 104 килограми на вагата е минато.
Фото: принтскрин
Uncategorized
(Видео) Софија Вергара танцува со момче на Ибица, снимката стана вирална на социјалните мрежи

Софија Вергара веќе некое време го привлекува вниманието на јавноста. Неодамна таа организираше забава за да го прослави својот 53-ти роденден, а познато е дека Том Брејди со задоволство ја прифати нејзината покана за роденден.
Покрај тоа, актерката објави серија бомбастични фотографии кои никого не оставија рамнодушен.
@ibiza #ibiza ♬ origineel geluid – Ibiza
Видео од Вергара во еден клуб сега стана вирално. Актерката се забавувала одлично на Ибица, во друштво на нејзините пријатели, како и на еден згоден маж. Според медиумите, мажот за кој станува збор е претприемачот Даг Чабат.
Сексапилната Колумбијка за пригодата носеше бел летен фустан, а својот стајлинг го комплетираше со минимална шминка.
Таа го објави видеото на Инстаграм со опис: „Кога си на Ибица“. Обожавателите веднаш реагираа. Повеќето од нив ѝ рекоа дека е „прекрасна“ и дека едноставно „блеска“.
Фото: принтскрин
Uncategorized
(Видео) Попов: Јавните повици за младите сега се достапни за сите, нема веќе „прв дојден прв услужен“

Сергеј Попов, претседател на УМС на ВМРО-ДПМНЕ и пратеник во Собранието беше дел од денешната трибина „Како политиките на ВМРО-ДПМНЕ ја подобрија положбата на младите во Македонија во првата година од владеење?“. Попов се осврна на Оперативниот план на Владата и истакна дека довербата на младите да имаат интеракција е зголемена, за разлика од претходната власт кога имаше принцип на ‘Прв дојден, прв услужен’.
„Оперативниот план би го гледал низ две призми. Едната е онаа на Владата, а тоа е дека гледаме Владата е посветена и Оперативниот план го наменила за младите луѓе во Република Македонија. Вториот момент е заинтересираноста на младите да аплицираат и да го користат тој Оперативен план и мерките кои доаѓаат од тој Оперативен план. Ја гледам довербата кај младите луѓе што ја имаат кон државата, односно довербата на секој млад човек да се впушти во една таква интеракција со државата“, вели Попов.
Тој истакна дека за време на претходната власт во земјава, постоеле тие мерки за самовработување, но разликата од оваа Влада и претходната е тоа што повиците не биле достапни до сите навреме, и според него, тоа е она што ја создало недовербата кај младите.
„Нема веќе прв дојден прв услужен, па да си јават тие на своите партиски другари дека утре сабајле во 8 почнува пријавувањето, па да се нацртаат сите спремни со документите, а останатите коишто едноставно не можеле да знаат дека тој ден ќе има јавен повик, да немаат време да ги спремат документите, и врз основа на она прв дојден прв услужен па сите да знаеме кај кого ќе завршат сите средства“, кажа Попов.