Uncategorized
Мигрант обвинет за убиство и за силување деца во Германија

Германското обвинителство во средата најави обвиненија за силување и за убиство на деца против одбиен ирачки барател на азил, случајот поттикна вжештена дебата за криминалот извршен од мигранти, пренесува „Брејтбарт“.
Обвинетиот во случајот „Сузана”, 21-годишниот Али Башар, избегал од Германија по извршеното кривично дело во Северен Ирак, но бил екстрадира, а во мисијата учествувал лично и шефот на германската Федерална полиција, Дитер Роман.
Башар е обвинет за претепување, силување, а потоа и за смртта на ученичката Сузана Марија Фелдман (14), во шумска област во близина на засолништето за бегалци во кое престојувал во Визбаден минатиот мај.
Претходно, тој двапати силувал 11-годишно девојче – еднаш во април 2018 година, откако го заклучил девојчето во својата соба, и повторно во близина на паркинот на еден супермаркет следниот месец.
Обвинителството покренало обвиненија за силување на истото 11-годишно девојче и против еден млад Авганистанец кој живеел во истото засолниште за бегалци, Мансур К., за кој се верува дека имал најмалку 14 години во тоа време.
Обвинителите велат дека помладиот брат на Али, Башар, за кој се верува дека е во Ирак, исто така учествувал во насилниот сексуален напад врз помалото девојче. По реакцијата на јавноста поради смртта на Сузана, германската федерална полиција го вратила Башар назад од Ербил, Северен Ирак, каде што бил уапсен од локалните курдски безбедносни сили иако не постои формален договор за екстрадиција меѓу Ирак и Германија.
Башар првпат пристигнал во Германија во 2015 година со своите родители и петте браќа и сестри. Тој се соочил со депортација откако неговото барање за азил било одбиено во декември 2016 година, но во меѓувреме добил дозвола за привремен престој.
За тоа време, неколку пати имал проблеми со полицијата поради тепачки, грабежи и нелегално поседување ладно оружје. Тој исто така се соочува со обвинение за грабеж на парков во кој претепал, давел и му се заканувал со нож на човек за да му ги украде часовникот, торбата, телефонот и банкарската картичка.
Случајот „Сузана“ ги поттикна политичарите, меѓу кои и канцеларката Ангела Меркел, да се залагаат за забрзување на депортациите на барателите на азил кои го прекршиле законот во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.