Uncategorized
Мисајловски: СДСМ не работи ништо, барем да ги доврши проектите започнати од ВМРО-ДПМНЕ
Антиреформската влада на СДС на дело ја покажа целата своја неспособност и неработење. Во Македонија ниту се гради ниту се реализира. Јавноста од неа не виде ниту еден километар од ветените 500 километри нови автопати, изјави Владо Мисајловски од ВМРО-ДПМНЕ.
-За три месеци од својот мандат СДС потроши над 350 милиони евра, што по основ на задолжување што по основ на топење на девизните резерви, а реализација нема никаква. Речиси сите проекти што претходната влада на ВМРО-ДПМНЕ ги имаше почнато и ги работеше, почнаа да запираат. Владата на СДСМ токму со запирање на изградбата на автопатите го покажа целото свое незнаење. Владата на СДС преку неоправданото прекинување на изградбата на автопатите остави во неизвесност над 2.000 работници, кои токму преку овој ангажман обезбедуваа егзистенција за своите фамилии. Владата на СДС остави десетици домашни фирми и претпријатија кои директно или индиректно беа ангажирани во изградбата, без можност да работат и со тоа да придонесуваат во домашната економија – вели Мисајловски.
Тој додава дека одговорот е јасен. Владата на СДС прави проблеми таму кај што ги нема, само за да не се реализираат најкрупните проекти што ВМРО-ДПМНЕ ги започна.
-Народот очекува во најмала рака СДС да го доврши тоа што е веќе почнато. Очекува да ги продолжи тендерите за изградба на нови патишта што ги почна владата на ВМРО-ДПМНЕ, па макар и да се кити и со туѓи перја. Народот очекува СДС, освен тоа да почне, и да го реализира она што го вети, да изгради 500 километри нови автопати. Тој очекува барем еден километар од тоа што лажно го ветуваше СДС пред граѓаните. Јавноста веќе виде дека СДС нема реализација. Се пофалија дека добиле грант средства за изградба на експресниот пат од Градско-Прилеп, но реалноста е дека немаат мрднато со прст бидејќи за овој проект тендерот беше распишан уште минатата година, а се обезбедени средства исто така минатата година, сега заврши само временскиот рок за доставување понуди за градба од страна на компаниите. Затоа, граѓаните веќе ја видоа разликата помеѓу СДС и ВМРО-ДПМНЕ и многу бргу на претстојните локални избори ќе им испорачаат катастрофален пораз – рече Мисајловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.