Uncategorized
Најмалку тројца инвеститори од Европа од утре во посета на „Фени“
Банките кредитори на „Фени“ се во преговори со најмалку тројца сериозни инвеститори заинтересирани за купување на фабриката. Од утре претставници од Комерцијална банка АД Скопје, од Стопанска банка АД Скопје и од банката „Силк роуд“, заедно со претставници на заинтересираните инвеститори, ќе прават увид во состојбите во фабрката. Хари Костов, главен извршен директор на Комерцијана банка, вели дека во интерес на преговорите во оваа фаза не може да ги соопшти имињата на заинтересирани инвеститори.
„Можам да откријам само дека се работи за инвеститори од Европа. Во преговори сме со тројца инвеститори. Во оваа бројка не е бугарски ‘Енекод’, се работи за други сериозни компании, а отворени сме за нови преговори и со ‘Енекод’ доколку покаже план за отплата на долгот, за обрт на средства и за вложувања, што ќе значи продолжување на процесот на работа во фабриката. Од сите инвеститори го бараме истото, оној што ќе има најдобра понуда, ќе ја добие фабриката“, рече директорот Костов.
Утрово имале состанок со синдикални претставници од „Фени“, на кои банките ги најавиле посетите на фабриката и побарале поддршка за процесот да оди без опструкции. Добиле уверување дека ќе им биде овозможен непречен пристап.
Директорот Костов вели дека состојбите во „Фени“ од ден на ден стануваат сè полоши. Договорот за осигурување на имотот на фабриката истекол, нов не е направен, а на истекување бил и договорот за осигурување на вработените.
„’Енекод’, кој противправно се претставува како газда на фабриката, нема инвестирано ниту еден долар во неа. Последна плата исплатена на вработените им е онаа за септември, нема најави за нова исплата. Ние немаме правна можност ниту, пак, обврска да им исплаќаме плати, тоа е обврска на директорот Кацаров, кој во исто време е директор и на бугарски ‘Енекод’. Во оваа фаза пред почнување на стечајната постапка синдикалните претставници со кои разговаравме увидоа дека секое одложување и одолжување на постапката е на штета на вработените“, рече Костов.
Според него, новото раководството на „Фени“ на секој начин се труди да ја одолжи постапката, па вели дека на следното рочиште во велешкиот суд не би го изненадило доколку директорот на „Фени“ побара изземање судии, на претседателот на судот и слично.
Костов вели дека трошоците за одржување на фабриката, кои сега ги плаќаат банките, се 250.000 евра за две недели и секое одложување само ги зголемува.
Доколку судот отвори стечајна постапка, Костов вели дека има правна можност во рок од еден месец фабриката да продолжи со работа.
„Ако некој од инвеститорите ги исполни нашите барања иако е почната постапката за стечај, има можност веднаш да ја преземе по пат на договор за нејзин закуп со стечајниот управник. На тој начин постапката за стечај може да си тече, а истовремено фабриката да почне со работа“, вели Костов.
Новото рочиште за разгледување на можноста за отворање стечај за „Фени“ е закажано за 29 ноември во Основниот суд во Велес.
Банките кредитори на „Фени“ иницираа отворање стечај поради долг кон нив од 40 милиони евра и уште 20 милиони евра кон други доверители. Првото рочиште во понеделникот минатата недела беше одложено на барање на новиот директор на фабриката, Рајчо Кацаров, кој во исто време е директор и на бугарски „Енекод“, заинтересиран да ја купи фабриката. Тој побара изземање на судот во Велес за судењето да биде во некој скопски суд оти банките биле од Скопје, но Врховниот суд му го отфрли барањето и предметот повторно го врати во судот во Велес.
Новиот инвеститор на „Фени“, освен долгот кон банките и кон кредиторите, ќе наследи и долг од 5,5 милиони евра кон Управата за јавни приходи за кој минатата недела извести новото раководство на фабриката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Фото) Поранешната мисица по породувањето имала криза: Не сакам да ги разубавувам работите, страшно е
Поранешната мисица Оливија Кулпо стана мајка во јули оваа година, а сега призна дека поминала низ мала криза на идентитетот по породувањето.
Оливија беше гостинка во подкастот „The Squeeze“ и зборуваше за родителството.
„Тоа е целосна промена. Без разлика дали ви се допаѓа или не, имате некој кој е физички зависен од вас, па нема да ги разубавувам работите. Страшно е“, рече Оливија.
Како што истакна, тоа можеби бил уште поголем шок за неа, со оглед на тоа што е многу амбициозна и пред да стане мајка, беше многу посветена на својата кариера.
И покрај сè, таа не би можела да направи многу без помошта на нејзиниот сопруг, а Оливија не крие дека тој е нејзината најголема поддршка.
„Многу сум благодарна што го имам мојот сопруг. Не би можела да го направам тоа без неговата поддршка, бебето има потреба од мене. Секој ден е различен и се обидувам да се опуштам затоа што времето брзо поминува“, беше искрена таа.
Оливија Кулпо и Кристијан Меккафри се заедно од 2019 година, а се венчаа на интимна церемонија во 2024 година. Моделот претходно ги изрази своите стравувања дали ќе може да основа семејство поради ендометриоза, но добрата вест дојде само девет месеци по свадбата.
фото: принтскрин
Uncategorized
Бројот на дронови што упаѓаат во аеродромите низ Европа значително се зголеми
Голем број беспилотни летала го нарушија воздушниот простор низ Европа во последните недели, предизвикувајќи тревога поради повторените упади со дронови и доведувајќи до затворање на аеродроми и откажување на летови.
Прстот се насочува кон Русија за роевите дронови, иако Москва негира вмешаност, а истражителите сè уште собираат докази.
Кој и да стои зад инцидентите, владите и регулаторите се под притисок да најдат решенија.
Во текот на изминатиот месец, службата за надзор „Енигма“ забележа најмалку 18 сомнителни дронови во Данска, Шведска, Норвешка и Германија.
Многу дронови, иако не сите, се забележани во близина на аеродромите.
Упадите со дронови ги мачат аеродромите како што се „Гетвик“ и „Хитроу“ во Велика Британија повеќе од пет години, но оваа година се забележа значително зголемување на инцидентите.
„Податоците укажуваат на одржлива активност во текот на неколку недели и потенцијално координирани упади во одредени денови“, изјави портпаролот на „Енигма“, без да прецизира.
Дроновите во близина на аеродромите се посебен проблем. Затворањето на аеродромите е скапо и се шири низ целата мрежа на авиокомпании, одложувајќи ги летовите низ Европа.
Уранија Георгуцаку, извршен директор на „Авиокомпании за Европа“ (A4E), изјави дека зголемените инциденти треба да го „забрзаат“ спроведувањето на протоколите за намалување на нарушувањата во „преоптоварениот и фрагментиран европски воздушен простор“.
Протоколите вклучуваат следење, проверка на фреквенцијата и блокирање.
Истражителите и цивилите се борат да идентификуваат какви видови дронови летаат, какви се нивните можности и кој ги контролира. Хаосот создаден од најновата серија инциденти може да биде знак за тактики на хибридно војување, рече Ерик Шутен, извршен директор на консултантската компанија за безбедност „Дајами“.
Неодамнешните инциденти со дронови и други повреди на воздушниот простор покажуваат дека Европа се соочува со хибридно војување на кое мора да се одговори со мерки што одат подалеку од традиционалната одбрана, изјави минатата недела претседателката на Европската комисија, Урсула фон дер Лајен. Таа рече дека целта на Русија е да „сее поделба“ во Европа.
Што е следно?
Германската влада предложи закон што ќе ѝ дозволи на нејзината полиција да соборува дронови доколку е потребно. Овој потег беше поттикнат од неколку дронови забележани околу аеродромот во Минхен претходно овој месец.
Но, распоредувањето ласери и ракети за соборување дронови во цивилниот воздушен простор претставува свои безбедносни предизвици, вклучувајќи го и ризикот од оштетување на цивилни авиони и пошироката инфраструктура.
„Навистина треба да знаете, бидете апсолутно сигурни дека нешто е непријателско. Само тогаш можете да интервенирате“, рече холандскиот експерт за дронови Вибе де Јагер. Тој предупреди дека многу аларми за дронови се покажуваат како лажни аларми.
Експертите велат дека се очекува упадите на дронови да станат почести низ цела Европа. А аеродромите не се единствените цивилни локации што би можеле да бидат ранливи на прекини во работата на дронови. Морските пристаништа, нуклеарните постројки, па дури и затворите, исто така, се цели.
Иако прекините ги истакнаа ранливостите, експертите велат дека најновите упади ќе ги принудат властите подобро да ги координираат контрамерките низ секторите.
„Се надевам дека ова навистина малку ќе ги промени работите“, рече Стијн Вилекенс, извршен директор на Active Drone Security Solutions.
фото: принтскрин
Uncategorized
АХВ се вклучи во одбележувањето на 16 Октомври – Светскиот ден на храната
Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Даниловски алармира: Глувците во Скопје шират ризик од болести, преминат е Рубиконот, потребна е итна интервенција
Епидемиологот проф. д-р Драган Даниловски предупреди дека Скопје се соочува со закана за јавното здравје, повикувајќи на итна, координирана интервенција...
Независниот кандидат Милосим Војнески се повлече од вториот круг во Македонски Брод
Независниот кандидат за градоначалник на Општина Македонски Брод, Милосим Војнески, објави дека се повлекува од изборната трка пред вториот круг...
Не сакаме да се повтори сценариото со Арсовска, ние сме тука за скопјани, не за поединци, рече Мециновиќ
Кандидатот за градоначалник на Скопје од редовите на Левица, Амар Мециновиќ, на денешната прес-конференција изјави дека партијата бележи значителен раст...
Скопските лихвари им ги одземале имотите на оние кои не можеле да ја вратат позајмицата, каматата била и до 15 отсто месечно
Полицијата спроведе координирана акција на повеќе локации низ Скопје и приведе 11 лица осомничени за лихварство и перење пари, а...
Николоски: Потпишавме меѓудржавен Договор за авиосообраќај, создаваме услови за нови линии и бројни туристи од Велика Британија
Заменик претседателот на Владата и министер за транспорт Александар Николоски и Киер Метер, министер за воздухопловство, поморство и декарбонизација, во...
ЕУ ја потврди забраната за увоз на руски гас и нафта: „Нема да ѝ дозволиме на Русија да нè уценува“
Европската унија официјално ја потврди одлуката за постепено укинување на увозот на руски гас и нафта до 1 јануари 2028...
Санкции за „Роснефт“ и „Лукоил“ – САД и Британија обединети против руската нафта
Американското Министерство за финансии воведе нов пакет санкции против две најголеми руски нафтени компании – „Роснефт“ и „Лукоил“, со цел...
Македонија го одбележува 23 Октомври, Денот на македонската револуционерна борба
Во Македонија денеска се одбележува 23 Октомври – Денот на македонската револуционерна борба, државен празник и неработен ден за сите...
Меџити: Ова е чиста победа, изградена со доверба и љубов кон Чаир
Синоќа во општина Чаир Изет Меџити и неговиот тим ја прославија победата на локалните избори. Меџити им се заблагодари на...
Ќе се бориме за да ги браниме националните интереси, иднината на државата е во рамките на ЕУ, порача Мицкоски од Лондон
Економијата, безбедноста и процесот на интегрирање на Македонија во рамките на ЕУ, како што соопшти премиерот Христијан Мицкоски биле теми...
12 лица под истрага по полициските претреси во Скопје: осомничени се за лихварство и перење пари
Под раководство на јавен обвинител од ОЈО ГОКК, единиците на МВР денеска, по обезбедени Наредби од Основниот кривичен суд –...
(Видео) Мециновиќ: Владиниот кандидат се сретна со „Вреди“ и ја доби нивната поддршка, јас се среќавам со Скопје
Кандидатот на Левица за градоначалник на Скопје, Амар Мециновиќ кој влезе во вториот круг на локалните избори се огласи откако...
Кандидатите за градоначалници на Скопје се договорија: ТВ дебата во вторник
Кандидатот на партијата Левица за градоначалник на Скопје, Амар Мециновиќ денеска преку социјалните мрежи извести дека прифаќа дебата со противкандидатот...
„Додека Данела сака да биде инфлуенсерка и троши време на театар, претпријатијата и штрајкуваат, а вработените немаат плати“, велат од ВМРО-ДПМНЕ
„Со длабоко разбирање за состојбата во која се наоѓа и за предизвиците од лична природа на кои е изложена, нема...
Жени се истепаа во автобус на ЈСП, во друг инцидент, скопјанец нападнат од четири лица
Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен...
Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски
Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...
Истрага против 32 физички и правни лица за злоупотреби при јавни набавки во прилепската болница
По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...
Mицкоски се сретна со кралот Чарлс: „Беше искрено и содржајно“
Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...
Полицијата претресува на повеќе локации во Скопје поради лихварство и перење пари
Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...
И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21
СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...
