Uncategorized
Оланд го предупредил Трамп на опасноста од изолационизам

Францускиот претседател Франсоа Оланд гo предупредил новиот американски колега по должност Доналд Трамп на опасноста од изолација и го повикал на почитувањето на начелото за прифаќање на беглаците, „еден од темелите на демократијата“, според соопштението од Елисејската палата во врска со телефонскиот разговор од саботата вечерта.
„Во нестабилниот и несигурен свет затворањето во себе би бил пат без излез“, му рекол францускиот претседател Франсоа Оланд на американскиот претседател Доналд Трамп во првиот нивен телефонските разговор, за кој се потенцира дека бил по иницијатива на Трамп, пренесува AFP.
Новиот американски претседател во саботата претходно имаше телефонски разговори со рускиот претседател Владимир Путин, јапонскиот премиер Шинзо Абе, како и со германската канцеларка Ангела Меркел.
Оланд, исто така, рекол дека „верува дека борбата за одбрана на нашите демократии е ефикасна само доколку се почитуваат начелата коишто ја сочинуваат демократијата, а особено тоа се однесува на прифаќањето на бегалците“.
Со тоа францускиот претседател го коментирал указот на Трамп за привремено суспендирање на бегалската програма и привремено запирање на влегување во САД на државјани од седум муслимански земји, кои се сметаат за извор на екстремните исламистичките групи.
Оланд, според Елисејската палата, му кажал на Трамп кој е инаку скептичен во ефикасноста на меѓународните организации како што се дизајнирани во моментов, дека Франција е доследна на поддршката на Обединете нации, како и дека НАТО е неопходен, а Европската унија треба да се зајакнува.
Францускиот социјалистички претседател, кој има историски најнизок рејтинг и придонесе за раздор на тамошната левица а за четири месеци му истекува мандатот, рекол и дека санкциите против Русија можат да бидат укинат дури откако ќе биде решена состојбата во Украина.
Оланд во португалската престолнина Лисабон на состанокот со челниците на медитеранските членки на Европската унија „предупредил дека новата американска влада го охрабрува популизмот, па дури и екстремизмот“, ако и дека ЕУ „треба да се држи заедно“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.