Uncategorized
Словенечкиот претседател Пахор пред патот во Москва, разговараше со Меркел за иднината на ЕУ

Словенечкиот претседател Борут Пахор разговараше во средата во Берлин со германската канцеларка Ангела Меркел за иднината на Европската унија, особено за прашањата на безбедносните проблеми, како и политичките проблеми во нејзиното соседство, пренесуваат словенечките медиуми.
Во средата во дводневна посета на Берлин словенечкиот претседател Борут Пахор допатува како гостин на германскиот претседател Јоаким Гаук, а покрај разговорите со својот колега по должност се сретна и со канцеларката Ангела Меркел, објави кабинетот на шефот на словенечката држава.
Германија носи на себе голем товар од решавањето на европските проблеми, а Словенија сака да биде што поприсутна во нивното решавање, рекол Пахор за новинарите од словенечките медиуми по разговорите во Берлин, потврдувајќи дека се разговарало и за неговата посета на Русија и на Украина, каде што од Германија ќе отпатува во петок.
„Имаме ставови коишто сакаме да ги провериме со нашите пријатели и партнери во врка со подготовките за тие посети, а Германците секако се пријатели и партнери“, рекол Пахор.
Германските и словенечките ставови за решавање на украинската криза се слични, а Словенија ја поддржува целосната имплементација на договорот од Минск и прекин на конфликтот, појаснил словенечкиот претседател.
Пахор вели дека неговата посета на Русија во Берлин никој не го гледа како нешто што е спорно, а по Русија во недела ќе престојува во посета на Украина.
„Тоа што патувам во Русија, дека ќе се сретнам со (рускиот претседател Владимир) Путин, како и дека ќе потпишеме договори важни за словенечката економија, тука (во Берлин) никому не му пречи“, истакнал Пахор.
„Сите добро знаат дека таа посета не е поврзана со некои себични интереси на Словенија, туку со нашата искрена желба заедно да најдеме решение за украинската криза, што би довело до затоплување на односите меѓу Европската унија и Русија“, додал Пахор по средбата со Гаук и Меркел.
Кога во јули минатата 2016 година рускиот претседател Владимир Путин по третпат за кусо време ја посети Словенија, тоа во домашната јавност беше оценето како добар потег на неговиот словенечки колега по должноста Борут Пахор, и покрај загриженоста и чудењето на водечките западни држави коишто, како и сега, се за продолжување на санкциите против Русија поради нерешената украинска криза, но и покрај медиумскиот бојкот на таа посета, таа го отвори прашањето за тоа кој ги трпи штетите од економските санкции и рускиот одговор на нив, односно помалите членки./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Трамп: Ги прекинуваме сите трговски преговори со Канада

Американскиот претседател Доналд Трамп објави на својата социјална мрежа „Тру Соушал“ дека ги прекинува сите трговски преговори со Канада.
„Штотуку бевме информирани дека Канада — земја со која е многу тешко да се тргува — вклучително и фактот дека со години им наплатува на нашите земјоделци дури 400 проценти царина на млечни производи, штотуку објави дека ќе воведе данок на дигитални услуги за американските технолошки компании, што претставува директен и очигледен напад врз нашата земја.
Очигледно ја копираат Европската Унија, која направи исто и со која сè уште преговараме. Поради оваа бесрамна одлука за данок, ги прекинуваме сите преговори за трговија со Канада, со итно дејство. Канада ќе биде информирана за царините што ќе треба да ги плаќа за работење со САД во рок од следните седум дена. Ви благодарам за вниманието“, напиша Трамп.
Оваа објава следуваше откако Трамп соопшти дека неговиот рок за трговски договори на 9 јули, не е фиксен. Тој им објасни на новинарите дека договор може да се постигне и пред или по тој датум, кога треба повторно да бидат воведени посеопфатни американски царини ако не се постигне договор.
„Можеме да направиме што сакаме. Можеме да го продолжиме рокот. Можеме да го скратиме. Јас би сакал да го скратам. Би сакал само да им испратам писма на сите: Честитки, плаќате 25 проценти“, им рече Трамп на новинарите во Белата куќа.
Американскиот министер за финансии Скот Бесент претходно нагласи дека трговските договори би можеле да бидат завршени до почетокот на септември.
Американскиот претседател Доналд Трамп прво најави царини од 50 отсто кон ЕУ, кои требаше да стапат на сила на 1 јуни, но тој реши да го продолжи рокот за преговори до 9 јули. Моментално се во сила американски царини од 10 проценти на поголем дел од европската стока и 25 отсто царини на автомобили, челик и алуминиум.
По една недела во која царините беа во втор план поради американскиот напад на иранските нуклеарни постројки и поради огромниот закон за даноци и потрошувачка во Конгресот, трговските преговори на администрацијата на Трамп се забрзаа. САД вчера ѝ испратија нов предлог на Европската Унија, а Индија испрати делегација во Вашингтон за понатамошни разговори.
„Значи, имаме земји што ни се обраќаат со многу добри договори. Имаме 18 важни трговски партнери. Ако можеме да потпишеме договор со 10 или 12 од нив, од 18-те, и ако имаме уште 20 важни односи, мислам дека трговските договори може да се затворат до Денот на трудот“, изјави Бесент за Fox Business Network.
Претседателката на Европската комисија Урсула фон дер Лајен изјави дека од американската страна го добиле најновиот предлог за понатамошни преговори за царините, нагласувајќи дека Унијата е подготвена за договор, но и за ситуација во која нема да се постигне задоволувачки договор.
„Го добивме најновиот американски документ за понатамошни преговори, кој сега го разгледуваме. Подготвени сме за договор, а во исто време се подготвуваме и за можноста да не се постигне задоволувачки договор“, изјави фон дер Лајен.
Таа нагласи дека Комисијата во преговорите за царини ќе ги брани европските интереси и дека сите опции „остануваат на маса“.
Германскиот канцелар Фридрих Мерц порача дека ЕУ треба да постигне „брз и едноставен“ трговски договор со САД, а не „бавен и комплициран“, додека францускиот претседател Макрон порача дека неговата земја нема да прифати договор што е нерамнотежен.
Uncategorized
Макрон најави забрана за социјалните мрежи за деца под 15 години

Францускиот претседател, Емануел Макрон, објави дека ќе го забрани пристапот до социјалните медиуми за деца под 15 години доколку наскоро не се постигне напредок по ова прашање на ниво на Европската унија.
Одлуката следува по вчерашниот смртоносен напад од страна на ученици врз 31-годишен директор на училиште пред основно училиште во градот Ножан.
„Не можеме повеќе да чекаме“, рече Макрон во телевизиско обраќање на каналот „Франс 2“, пишува Политико од Брисел.
Тој истакна дека прекумерната употреба на социјалните мрежи меѓу децата е фактор на ризик и дека воведувањето контрола на возраста би можело да помогне во заштитата на младите луѓе.
Грција, со поддршка на Франција и Шпанија, веќе предводи иницијатива во рамките на ЕУ за ограничување на времето што тинејџерите го поминуваат на интернет, но Макрон сака Франција да преземе мерки дури и пред евентуалната заедничка европска одлука.
Макрон, исто така, најави дополнителни безбедносни мерки, вклучително и проверка на возраста на корисниците на страниците што продаваат ножеви преку интернет.
Тој најави големи казни и забрани за страниците што не се придржуваат.
„15-годишник повеќе нема да може да купи нож преку интернет“, рече претседателот.
Францускиот премиер, Франсоа Бајру, претходно изјави дека сака да ја забрани продажбата на ножеви на малолетници.
Француските власти веќе преземаат чекори за да ги принудат платформите како што се X, Reddit и Bluesky да спроведат проверка на возраста, третирајќи ги како страници со содржина за возрасни.
Uncategorized
Макрон со најава: ќе го забрани пристапот до социјални мрежи за деца под 15 години

Претседателот на Франција, Емануел Макрон, објави дека ќе го забрани пристапот до социјалните мрежи за деца под 15 години доколку наскоро не се постигне напредок по ова прашање на ниво на Европската унија.
Оваа одлука следеше по вчерашниот смртоносен напад од страна на ученик врз 31-годишен училишен надзорник пред основно училиште во градот Ножан.
„Не можеме повеќе да чекаме“, рече Макрон во телевизиско обраќање на каналот „Франс 2“, пренесува бриселски „Политико“.
Тој истакна дека прекумерната употреба на социјалните мрежи меѓу децата е фактор на ризик и дека воведувањето контрола на старосната граница би можело да помогне во заштитата на младите луѓе.
Грција, со поддршка на Франција и Шпанија, веќе предводи иницијатива во рамките на ЕУ за ограничување на времето што тинејџерите го поминуваат на интернет, но Макрон сака Франција да преземе мерки дури и пред евентуалната заедничка европска одлука.
Макрон, исто така, најави дополнителни безбедносни мерки, вклучително и проверка на возраста на корисниците на веб-страниците што продаваат ножеви преку интернет.
Тој најави големи казни и забрани за сајтовите што не се придржуваат.
„Петнаесетгодишник повеќе нема да може да купи нож преку интернет“, рече претседателот.
Францускиот премиер Франсоа Баиро претходно изјави дека сака да ја забрани продажбата на какви било ножеви на малолетници.
Француските власти веќе преземаат чекори за да ги обврзат платформите како што се Ix, Reddit и Bluskaj да применуваат проверки на возраста, третирајќи ги како сајтови со содржина за возрасни.
Во Франција, на 7 јуни, стапија во сила мерките што ги обврзуваат порнографските сајтови да ја потврдат возраста на корисниците.
Како резултат на тоа, сајтот „Pornhub“ престана да работи во земјата, што предизвика ненадејно зголемување на употребата на VPN услуги што ја заобиколуваат геолокацијата, пренесува Танјуг.