Со стапувањето на Доналд Трамп на функција претседател на САД, изменета е и официјалната веб страница на Белата куќа. Сегментот посветен на новата прва дама, Меланија Трамп привлече големо внимание.
На сајтот беше напишано и потоа набргу избришано спомнувањето на нејзиниот „бизнис со накит“, објави Washington Post.
Истиот извор наведува дека во биографијата пишувало: „Меланија исто така е и успешен предприемач. Во април 2010 година Меланија Трамп ја промовираше својата колекција накит “Melania TM Timepiece & Jewelry” на телевизискиот канал QVC.“
Меѓутоа, бидејќи Трамп беше критикуван дека би можел да се најде во конфликт на интереси поради своите бизниси кога официјално ќе ја преземе функцијата, изгледа дека е решено да не се споменува фирма ниту на првата дама.
Сега на сајтот не е напишано името на нејзината фирма, ниту пак се наведува дека истата се продава преку ТВ каналот QVC.
Портпаролот на Меланија Трамп рече дека споменувањето на нејзината фирма немало за цел да се рекламира, но сепак сега тој сегмент е тргнат од официјалниот сајт на Белата куќа.
За време на претседателската кампања, на интернет кружеше нејзината биографија во која пишуваше дека таа наводно дипломирала на Универзитетот во Љубљана, на сајтот на Белата куќа ова е корегирано и сега пишува дека „запишала студии но потоа решила да ги прекине поради кариера во манекенство“.
Во биогрфаијата се наведува необичаена количина детали за нејзините телевизиски гостувања и појавувања во часописи.
Потоа се нижат пофални зборови за нејзината дарежливост и филнатропија, како и за нејзината „страст кон уметност, архитектура, дизајн, мода и убавина“.
И бидејќи нејзиниот сопруг се заканува со апсење и протерување на нелегалните мигранти, на сајтот се истакнува дека таа во 2016 година “со гордост станала граѓанка на САД“. крај/мф/вс