Uncategorized
100-дневна пржинска влада или предвремени избори со скратени рокови?

Дали ќе се одржат предвремени парламентарни заедно со претседателските избори се очекува да се знае утре по Централниот одбор на СДСМ, каде што, освен за кандидат за претседател, социјалдемократите ќе одлучуваат и дали да го прифатат барањето на опозицијата за избори. За да се организира техничка влада по принципот на пржинската, која предвидува сто дена пред избори да има технички премиер, во согласност со Законот за Владата, што партиите едногласно го донесоа пред само шест месеци, ќе треба до крајот на неделава да се распишат изборите за да се стигне 5 мај, датумот кога би требало да се одржи вториот круг од претседателските избори.
Друга опција е можните предвремени избори да се организираат со скратени рокови во согласност со Изборниот законик, но така, наместо сто дена, преодната влада со технички премиер и двајца министри од опозицијата би имала покус период на располагање, што не е во согласност со Законот за Владата, па оттука се отвора прашањето дали партиите ќе пристапат кон повторно менување на законот ако се договорат да одат на парламентарни избори на ист трошок со претседателските.
И од власта и од опозицијата не сакаат официјално да коментираат ништо пред конечната одлука за избори, но од СДСМ неофицијално велат дека има начин да се распишат избори со скратени рокови ако тоа е прифатливо за опозицијата. Законот за Владата, како што го толкуваат од владејачката партија, важел само за редовни, а не и за предвремени парламентарни избори.
Од ВМРО-ДПМНЕ, пак, велат дека тие бараат да се почитуваат роковите за пржинска влада и дека други толкувања на законот за нив се неприфатливи. За опцијата да прифатат скратени рокови, велат дека ќе почекаат првин официјално што ќе понуди СДСМ утре, па потоа ќе заземат став.
Ако партиите се договорат за предвремени парламентарни заедно со претседателските и се повикаат на член 63 од Уставот, кој предвидува изборите за пратеници да се одржат 60 дена по распуштање на Собранието, тогаш тоа би требало да се случи на 6 март за да се стигне до 5 мај. За предвремени парламентарни избори, роковите што се пропишани со Изборниот законик се скратуваат пет дена, освен за изборната кампања, која задолжително мора да трае 20 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
(Видео) Моќен ракетен систем „Искандер“ уништен во Русија, објавија Украинците

Украинското Министерство за одбрана објави дека моќен руски ракетен систем „Искандер“ е уништен во Русија.
„Украинските војници уништија руски ракетни системи ‘Искандер’. Еден руски ракетен фрлач експлодира, а два други веројатно се оштетени. Резултатите од нападот сè уште се утврдуваат“, објави украинското Министерство за одбрана.
Ukrainian warriors destroyed the russian Iskander missile systems 🔥
One russian missile launcher detonated, and two more were likely damaged.
The results of the strike are being clarified.📹: @GeneralStaffUA pic.twitter.com/ufP92F8SQX
— Defense of Ukraine (@DefenceU) June 5, 2025
Според повеќе извори, системот се наоѓал во регионот Брјанск во Русија и бил во активна служба. Се верува дека бил користен за таргетирање на Киев.
Uncategorized
Судот ги поништи царините на Трамп, ги прогласи за незаконски

Федералниот суд на Соединетите Американски Држави ги блокираше многу високите царини што претседателот Доналд Трамп ги воведе на странски земји, пресудувајќи дека тој ги пречекорил своите овластувања.
Пресудата, донесена од страна на судии на Американскиот суд за меѓународна трговија, ги запре сеопфатните царини од 10 проценти што Трамп ги воведе на „речиси секој трговски партнер на САД“, а десетици земји беа загрозени со повисоки царини, пишува „NBC News“. Судот, исто така, блокираше посебен сет царини што ги воведе администрацијата на Трамп врз Кина, Мексико и Канада, во кои како причина за зголемувањето се наведоа трговијата со дрога и нелегалната имиграција.
Администрацијата на Трамп ги оправда царините со повикување на Законот за овластување за меѓународна економска вонредна состојба од 1977 година, или IEEPA, кој му дава на претседателот овластување да го регулира увозот за време на одредени вонредни состојби.
Сепак, судот вчера го отфрли толкувањето на законот од страна на владата и рече дека би било неуставно кој било закон донесен од Конгресот да му даде на претседателот целокупно овластување да одредува царини.
„Судот не донесува одлука за мудроста или можната ефикасност на употребата на царини од страна на претседателот. Оваа употреба е недозволива не затоа што е неразумна или неефикасна, туку затоа што (федералниот закон) не го дозволува тоа“, наведе тричлениот судски совет во одлуката, пренесува Танјуг.
Судот рече дека царините за Кина, Канада и Мексико не се легални затоа што „не се справуваат со заканите идентификувани во тие наредби“. Тројцата судии кои ја напишаа пресудата беа номинирани за судскиот совет од поранешниот претседател Роналд Реган, поранешниот претседател Барак Обама и Трамп во неговиот прв мандат. Администрацијата на Трамп во судските документи посочи дека ќе поднесе жалба на пресудата до Федералниот апелационен суд.
Портпаролот на Белата куќа, Куш Десаи, одговори на пресудата, бранејќи го образложението за царините, велејќи дека трговскиот дефицит на САД со други земји „создаде национална вонредна состојба што ги десеткуваше американските заедници“. Тој тврди дека царините се неопходни за да се поттикне производството во САД и да се стави крај на она што тој го смета за неправедни трговски практики.
Со воведувањето на царините на почетокот на април, Трамп го нарече трговскиот дефицит „национална вонредна состојба“, што ја оправда неговата царина од 10 проценти за целиот увоз, со повисоки стапки за земјите со кои САД имаат најголем трговски дефицит, особено Кина.
Uncategorized
Предлог-закон за формирање инспекторат за грбот, знамето и за химната

На денешната собраниска прес-конференција портпаролот и пратеник на политичката партија Левица, Амар Мециновиќ, го најави законот за инспекторат за државни инсигнии, со кој, како што рече, се гарантира почитувањето на грбот, знамето и на химната на Република Македонија, како и на симболите на етничките заедници.
„Веќе 27 години постои Закон за употреба на државното знаме и грб, но овој закон нема орган што го спроведува. Исто така, постои и Закон за знамињата на заедниците и тој закон пропишува глоби, но нема институција што ги изрекува тие глоби. Практично, имаме мртво слово на хартија“, рече Мециновиќ на собраниската прес-конференција.
Како главен мотив за донесување на овој закон од партијата ги наведуваат честото непочитување на државните инсигнии и провокациите што предизвикуваат меѓуетничка нетрпеливост и тензии, а државата останува со врзани раце, без можност да изрече казна за непочитување на постојните закони или сквернавање на државните инсигнии.
Од партијата соопштија дека со овој предлог-закон инспекторатот за инсигнии ќе биде сместен во рамките на Министерството за правда, а ќе има право да врши надзор како на институциите така и на правните и на физички лица.