Uncategorized
Голем финансиски скандал во Италија
Финансиски скандали, апсења на директори на банки, незаконити дејствија во кои е вмешан Гувернерот на Банката на Италија (БИ), корупција на најмалку четири пратеници, неделава ја раздрмаа целата италијанска јавност, јавуваат италијанските медиуми.
Финансиски скандали, апсења на директори на банки, незаконити дејствија во кои е вмешан Гувернерот на Банката на Италија (БИ), корупција на најмалку четири пратеници, неделава ја раздрмаа целата италијанска јавност, јавуваат италијанските медиуми.
Секој ден нови големи имиња излегуваат на површина, финансиската полиција приведува големи финансиери, а веќе со сигурност може да се каже дека Гувернерот ќе ја изгуби фотелјата.
Во финансиската афера се вмешани лица и од власта и од опозицијата.
Премиерот Силвио Берлускони синоќа од Брисел се обиде да ја намали тензијата, изјавувајќи дека според него не се работи за нов случај на “Тангентополис“, популарен израз за голем финансиска афера во која се вмешани политичарите.
Меѓутоа, Берлускони најави дека во вторник ќе биде свикана вонредна седница на Владата, со цел да биде донесен закон кој ќе му го скрати неограничениот мандат на Гувернерот на БИ, Антони Фазио.
Во скандалот, досега е уапсен Џанпиеро Фиорани, директорот на “Банка Пополаре ди Лоди“, човек близок до власта, кој заврши во истражен затвор заедно со повеќемина негови соработници, бидејќи се обиделе нелегално да ја купат банката “Антонвенета“.
За таа цел, но како и за лично збогатување, земале пари од сметките на штедачите. Тоа го сториле во соработка со високи финансиски претставници, кои за возврат добивале “дебели“ банкарски салда.
Покрај финансиерите, полициската истрагата открила имиња на четири пратеници од владејачкиот блок, кои исто така добиле привилегирани банкарски сметки, но, чиј идентитет засега не е обелоденет.
Освен Фиорани, за нелегална купопродажба на банка под истрага се наоѓа и Џовани Консорте, директор на УНИПОЛ-осигурување, и финансиер близок на опозицијата.
Гувернерот Фазио, кој веќе е вмешан во друг финансиски скандал, најновите откритија го товарат дека им дал доверливи информации на двајцата директори и нивни пријатели, со цел да им го олесни купувањето на банките.
/крај/ст//б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.