Uncategorized
Муслиманите возвраќаат – распишан конкурс за карикатура на холокаустот
Иранските весници распишаа денеска конкурс за најдобра карикатура за холокаустот како реакција на карикатурите на пророкот Мухамед што ги објавија бројни европски, како и австралиски и новозеландски весници.
Иранските весници распишаа денеска конкурс за најдобра карикатура за холокаустот како реакција на карикатурите на пророкот Мухамед што ги објавија бројни европски, како и австралиски и новозеландски весници.
Весникот Хамшари објави дека целта на конкурсот е да се испитаат границите на слободата на изразувањето, наведувајќи дека тоа бил изговорот на европскиот печат да ги објави карикатурите на исламскиот пророк.
“Вистинското прашање за муслиманите е дали слободата на изразување на Западот дозволува тематизирање на американските и израелските злосторства или инциденти, како холокаустот, или пак, слободата на изразување е добра само кога се навредуваат светите религиски вредности“, објави иранскиот весник.
Печатот во голем дел на Европа, предводен од данскиот весник “Јиланд постен“ објавувањето на карикатурите на пророкот Мухамед го оправдува со правото на слобода на изразување.
Карикатурите предизвикаа бес кај муслиманите ширум светот и масовни протестите насочени кон странските дипломатски претставништва во муслиманските земји.
Први на мета на разгневените муслимански верници се Данска и Норвешка. Протестите продолжуваат и денеска. Агенциите јавуваат за демонстрации и напади во Авганистан, Пакистан и Индонезија.
Покрај ова, иранските власти соопштија дека од денеска ја прекинува трговијата со Данска, додека оваа европска земја ги повика своите граѓани да напуштат десетина муслимански држави.
Генералниот секретар на Обединетите нации (ОН) Кофи Анан неколку пати последниве денови повикуваше на смирување на страстите по повод објавените карикатури на муслиманскиот пророк Мухамед.
/крај/х/ег/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.