Кинеското Министерство за здравство ја забрани продажбата на човечки органи, што може да изврши силен притисок врз зголемената индустрија за трансплантирање на органи.

Кинеското Министерство за здравство ја забрани продажбата на човечки органи, што може да изврши силен притисок врз зголемената индустрија за трансплантирање на органи.

Британци и други странци плаќаат по десетици илјади долари за трансплантации во Кина, каде што бубрези, црни дробови, срца и бели дробови се земаат од егзекутирани затвореници.

Од први јули, со воведувањето на новите закони, купувањето и продавањето на органи ќе биде забрането, при што ниту еден орган нема да може да биде експлантиран од нечие тело без писмена дозвола од донаторот или без решение од медицинските установи кои имаат право да извршуваат трансплантација на органи.

Кинеското здружение за трансплантација од 2003 година извршило околу 5 илјади пресадувања на бубрези и 1500 на црн дроб. Повеќето имплантирани органи се кај Кинези, но расте бројот на организации кои нудат органи и на странци.

Службата за заштита на здравјето во Шангај започнала постепено да го презема „странскиот“ бизнис од 2001 година.

Минималната цена за пресадување на црн дроб или срце изнесува околу 110 илјади долари, додека трансплантација на бубрег чини 60 илјади долари.

Изминатата година во Кина се извршени 479 пресадувања на бубрези, срце и бели дробови, а многу од пациентите на биле Кинези.

„ Се повеќе странци доаѓаат во Кина за извршување на трансплантации, заради подобрените медицински услови. Тоа е можност за спасување на животот, затоа што еден пациент од Соединетите Американски Држави може да чека три до четири години за пресадување на еден црн дроб, изјави Тони Ли од Службата за заштита на здравјето.

Болниците, органите за пресадување ги добивале од затвореници кои дале согласност, но исто така и од членови на семејствата на пациентите

./крај/бг/ам/б