Uncategorized
ОН: жените и децата најбројни жртви на трговијата со луѓе
Жените и децата се најбројни жртви на трговијата со луѓе во светот, соопшти Службата на Обединетите нации (ОН) за борба против дрога и криминал (УНОДЦ)
Жените и децата се најбројни жртви на трговијата со луѓе во светот, соопшти Службата на Обединетите нации (ОН) за борба против дрога и криминал (УНОДЦ)
Во извештајот објавен денеска во Виена се укажува дека, во пракса, ниту една држава не е заштитена од трговијата со човечки суштества заради нивна сексуална експлоатација или присилна работа.
Документот посочува 127 држави како страни од каде се жртвите на нелегалната трговија, главно азиски и источноевропски земји, и 137 држави каде жртвите завршуваат, пред се Европската унија, Северна Америка, земји во Персискиот залив и Израел.
Исклучително тешко е да се утврди колку се жртвите на трговијата со луѓе, но несомнено станува збор за милиони, укажува директорот на агенцијата на ОН за борба против дрогата и криминалот, Антонио Марија Коста.
Процентуално жените во 77 отсто од случаите се жртви на трговијата, а децата 33 отсто. Во 87 отсто од случаите има сексуална експлоатација, во 28 отсто и други форми на присила.
/крај/ун/ег
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.