Европската унија (ЕУ) ја поддржуваат 55 проценти од анкетираните граѓани што е за пет проценти повеќе од претходната анкета.

Европската унија (ЕУ) ја поддржуваат 55 проценти од анкетираните граѓани, што е за пет проценти повеќе од претходната анкета.

Ова се наведува во истражувањето спроведено во државите членки на ЕУ, како и во Романија и Бугарија. Во него се наведува дека се потребни “уште поголеми напори за информирање на јавноста за тоа што прави Унијата за Европјаните“.

“Единствен начин ЕУ да ја врати довербата на своите жители е да покаже резултати – безбедност, подобри можности на пазарот на трудот и подобар квалитет на животот“, изјави еврокомесарот за институционални врски на ЕУ Маргот Валстром.

Според заклучоците, забележан е и пораст на поддршката на Унијата од страна на граѓаните на Велика Британија, каде 42 проценти од нив оценуваат дека членството на оваа држава во ЕУ е “добра работа“.

Истото мислење, лани, го имаа 34 проценти од Британците, а пред шест години таков став имале 25 проценти од испитаниците.

Истражувањето на Евробарометар, спроведено меѓу 27.март и 1.мај годинава, се наведува дека поддршката за членство во ЕУ се зголемила на 55 проценти, а 54 проценти од Европјаните смета дека постојат бенефиции од членството во ЕУ.

Најголема поддршка на Унијата “доаѓа“ од Ирска, каде 77 проценти од испитаниците го оценуваат членството како “добра работа“. Најмалата поддршка е забележана во Австрија – 34 проценти, Летонија – 37 проценти и Финска – 39 проценти, инаку актуелен претседавач со Унијата.

Поддршката, во Германија, изнесува 57 проценти, што е за четири проценти повеќе од претходната анкета, додека во Франција таа изнесува 49 проценти – за три проценти повеќе од изминатото истражување.

Во Холандија, поддршката на членство изнесува 74 проценти.

Според анкетата, поддршката на европскиот Устав што допрва треба да биде усвоен изнесува 61 процент, а против него се 22 проценти од анкетираните.

Се намалува поддршката за идното проширување на Унијата Проширувањето го поддржуваат 45 проценти од испитаниците што е за еден процент помалку од изминатата анкета. Против се 42 проценти, што е за три проценти повеќе од претходно.

Испитаниците, како најголема грижа, ги наведуваат невработеноста и криминалот. Во истражувањето учествуваа вкупно 29.220 лица од 25 држави-членки на Унијата и од Романија и Бугарија.

/Крај/бе/ис