Uncategorized
Изреал нареди продлабочување на офанзивата
Израел ќе ја продлабочи офанзивата во јужен Либан, а војската доби наредба да навлеза во длабочина од 30 километри, до реката Литани.
Израел ќе ја продлабочи офанзивата во јужен Либан, а војската доби наредба да навлеза во длабочина од 30 километри, до реката Литани.
Ваква одлука донела израелската Влада на денешната седница, откако 9 министри гласале за, а тројца биле воздржани.
Владата проценува дека за исполнување на наредбата ќе требаат дополнителни воени сили од приближно 30 илјади војници.
Армијата, во меѓувреме, го назначи еден од најискусните генерали Моше Каплински, за главен командант на фронтот, со цел да одговори на критиките во домашната и меѓународната јавност, дека офанзивата ја спроведува лошо.
Одлуката доаѓа во момент, кога во Обединетите нации се водат интензивни разговори за амандманите на француско-американската нацрт резолуција за ставање крај на насилствата.
Арапската лига се обидува во резолуцијата да вметне барање до Израел веднаш да се повлече од територијата на Либан, што е барање и на либанската Влада, која соопшти дека без повлекување на Израел нема да ја поддржува резолуцијата.
Иако, француско-американски претставници на пониско ниво соопштија дека не сакаат големи промени во текстот на резолуцијата, францускиот претседател Жак Ширак изјави дека е неопходна „функционална резолуција“ со цел „да се постигне прекин на насилствата и на илјадниците мртви, на патењето и на разурнувањата“.
Борбените дејства во меѓувреме продолжија со несмалена жестина. Израел извршува преку 150 авио напади во текот на ноќта и денот, предизвикувајќи големи разурнувања и цивилни жртви, кои најчесто ги правда со „напад врз цели каде дејствува Хезболах“.
Бројот на жртвите во израелската офанзива на јужен Либан веќе надмина 1000 лица, претежно цивили.
Израелците од почетокот на непријателствата загубија над 100 лица, претежно војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.