Uncategorized
Стивна страдањето во Либан
Страдањата на цивилите во Либан започнато на 12 јули, стивнаа со молкот на оружјето кое започна изутрината во 5 часот по Гринич.
Страдањата на цивилите во Либан започнато на 12 јули, стивнаа со молкот на оружјето кое започна изутрината во 5 часот по Гринич.
Пред да стапи во сила примирјето на кое се согласија вчера Израел и Либан, т.е. шиитската група Хезболах, најмалку девет цивили го загубија животот во бомбардирањата на израелската авијација, кое траеше континуирано се до15 минути до почетокот на примирјето.
Прекинот на огнот е првиот чекор во процесот што предвидува и испраќање на 15.000 војници на ОН во јужен Либан, кои ќе ја набљудуваат имплементацијата на примирјето.
Во процесот на имплементација најпрво треба да се распоредат десетина илјади либански трупи во јужен Либан, од каде треба да се повлечат сите вооружени групи на Хезболах. Овие сили треба да бидат засилени со меѓународни сили, така што примирјето би го обезбедувале околу 15 илјади заеднички либанско-меѓународни трупи, под покровителство на Обединетите нации.
Висок функционер на ООН изјави дека би можеле да поминат месеци пред да бидат распоредени меѓународните сили. Но, Високиот претставник за надворешна и безбедносна политика на Европската унија, Хавиер Солана, изјави денеска дека земјите членки на ЕУ би можеле да испратат заеднички сили веќе во следните неколку недели.
Во меѓувреме е забележано и повлекување на израелските трупи, кои на фронтот во Либан распоредија околу 30 илјади војници, со сета можна воена опрема и техника.
Сепак, извесен бој на израелски војници се очекува да останат. „Не можете така лесно да преминете од црно на бело. Мора да постои извесен период на сиво“, изјави генерал Бени Гантц, командант на израелските копнени сили.
Израелскиот кабинет вчера ја одобри резолуцијата на Советот за безбедност на ОН за прекин на огнот и испраќање на сили. Либанската влада и Хезболах, исто така, ја прифатија резолуцијата.
Борбите започнаа на 12 јули кога герилците на Хезболах киднапираа двајца израелски војници, по што Израел започна голема офанзива и навлезе длабоко во либанска територија.
Од двете страни е забележан голем број жртви. Според либанската Влада и други извори, во Либан од страна на израелската војска се убиени околу 1.100 лица, најголемиот дел од нив цивили.
Израелците пак, имаат загуби од 114 војници и 43 цивили. Во Либан околу 1 милион лица мораа да се иселат и да бегаат во северниот дел на земјата.
Израел пак, пријави дека околу 500. илјади цивили се раселиле од северниот дел на земјата стравувајќи од секојдневните одмазднички ракети на Хезболах кои паѓаа врз дел од израелските градови.
Материјалните штети во двете земји изнесуваат неколку милијарди долари, со тоа што, најголемиот дел отпаѓа на Либан, каде се уништени огромни инфраструктурни објекти.
/крај/б/ил/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.
Uncategorized
Премиерот Џафери и владиниот државен врв во чест на 9 Мај: Цврсто стоиме на браникот против фашизмот и во одбрана на европската идеја
Владиниот државен врв ги одбележува денешниот голем и значаен датум за Република Северна Македонија и за демократскиот свет, 9 Мај – Денот на победата над фашизмот и Денот на Европа.
Делегација на Владата на Република Северна Македонија, предводена од претседателот на Владата, Талат Џафери, во состав со министерот за локална самоуправа, Ристо Пенов, и заменик-министерката за правда, Викторија Аврамовска-Мадиќ, положи цвеќе и им оддаде почит на борците од Народноослободителната борба пред споменикот „Ослободители на Скопје“ на платото пред Владата на Република Северна Македонија.
На официјалната церемонија, реализирана со воени почести, почит оддадоа и положија цвеќе и: делегација на Сојузот на борците од НОАВМ, предводена од Наум Бурески, претседател на Градскиот одбор на Сојузот на борците, од Кабинетот на претседателот на Република Северна Македонија, Билјана Блажевска, аѓутант, делегација на Собранието на Република Северна Македонија, предводена од Снежана Калевска-Ванчева, пратеничка, делегација на Армијата на Република Северна Македонија, предводена од бригаден генерал Орце Јордев, како и претставници од дипломатскиот кор во државата, меѓу кои и амбасадорот на Европската Унија, Дејвид Гир, делегација на Град Скопје, претставници на политички партии.
Претходно, во церемонија со воени почести, делегации од Владата, од Кабинетот на претседателот на државата, од Собранието, од Сојузот на борците од НОАВМ, претставници од дипломатскиот кор, од Град Скопје, од политичките партии, оддадоа почит и положија цвеќе на Партизанските гробишта во Бутел.
Република Северна Македонија секогаш била на вистинската страна на историјата. Така било за време на Втората светска војна кога земјата била рамо до рамо со прогресивните антифашистички сили. Нашата држава е создадена на рушевините на фашизмот, во извојуваната слобода и со прогресивната идеја за напредок. И, денес, во сложениот геополитички контекст, стоиме со сојузниците како рамноправна членка на НАТО и идна членка на Европската Унија темелејќи го развојот на демократијата.
Пораката на премиерот Талат Џафери и на Владата во чест на денешниот 9 Мај, Ден на победата над фашизмот и Ден на Европа, е дека цврсто стоиме и ќе стоиме на браникот пред какви било форми на современ фашизам, кои се закана за мирот и прогресот насекаде во светот. Исто така, со искрена почит кон големата европска идеја, на која се темели изградбата на Европската Унија, ќе продолжиме да придонесуваме во заштитата и афирмацијата на европските вредности како гаранти на мирот и перспективите и на Република Северна Македонија. Република Северна Македонија припаѓа во европското семејство на народи и држави и стремежот на граѓаните за членство во Европската Унија заедно ќе го оствариме.