Uncategorized
Отворен ден на ЕСРА

На 9 мај, Денот на Европа, во просториите на Универзитетот за аудиовизуелни уметности ЕСРА Скопје, ќе се одржи Отворен ден на ЕСРА, каде што ќе бидат промовирани новите ТВ и Аудио студија
Воедно ќе се одржи проекција на филмови и изложба на фотографии од студенти на ЕСРА, а ќе бидат доделени и плакети “Златен Дедал” на истакната личности за достигнување во областа на културата и уметноста.„Златен Дедал“ оваа година ќе им биде доделена на: Ѓорѓи Василевски – филмолог, Ристо Стефановски – театролог, Вања Лазарова – музички интерпретатор и Благоја Дрнков – фотограф.На настанот ќе присуствуваат министерот за образование, господинот Перо Стојановски, специјалниот претставник на Европската унија и претседател на делегацијата на Европската комисија во Македонија, господинот Ерван Фуере, амбасадорот на Франција во Македонија, господин Бернар Валеро и ректорот на Универзитетот ЕСРА, господинот Јордан Плевнеш.Универзитетот за аудиовизуелни уметности, Европска Филмска Академија, ЕСРА Париз-Скопје-Њујорк е прв приватен универзитет од областа на аудиовизуелните уметности каде во рамките на петте факултети можат да се изучуваат 13 области: актерска игра, мултимедијална режија, драматургија и сценарио, филмска и ТВ камера, филмска и ТВ монтажа, анимација, продукција и менаџмент, сценографија, костимографија, фотографија, композиција на филмска музика, вокална интерпретација и звучен инженеринг.Универзитетот за аудиовизуелни уметности, прокрај својата првенствена улога на едукатор во високото образование во стручно уметничките области на аудиовизуелната сфера, за своја задача ја презема и организацијата на настани од областа на културата и уметноста кои, пред се‘, своја улога ќе одиграат во образовниот процес на студентите, но и ќе допринесат кон подигање општото ниво и критериум во аудиовизуелните уметности во Македонија. Со ваквата агенда, универзитетот ќе придонесе кон остварување на првите професионални чекори на студентите, стекнување на искуства, и пласирање на нивните имиња во светот на професионалците.Во соработка со УНЕСКО и Европската Унија, Универзитетот како носител на проектот ќе го реализира и првиот културен магазин SEE (South-Eastern Europe) кој ќе ги обедини духовните вредности на Словенија, Хрватска, Босна и Херцеговина, Црна Гора, Македонија, Косово, Албанија Србија, Бугарија, Романија, Грција и Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
(Видео) Моќен ракетен систем „Искандер“ уништен во Русија, објавија Украинците

Украинското Министерство за одбрана објави дека моќен руски ракетен систем „Искандер“ е уништен во Русија.
„Украинските војници уништија руски ракетни системи ‘Искандер’. Еден руски ракетен фрлач експлодира, а два други веројатно се оштетени. Резултатите од нападот сè уште се утврдуваат“, објави украинското Министерство за одбрана.
Ukrainian warriors destroyed the russian Iskander missile systems 🔥
One russian missile launcher detonated, and two more were likely damaged.
The results of the strike are being clarified.📹: @GeneralStaffUA pic.twitter.com/ufP92F8SQX
— Defense of Ukraine (@DefenceU) June 5, 2025
Според повеќе извори, системот се наоѓал во регионот Брјанск во Русија и бил во активна служба. Се верува дека бил користен за таргетирање на Киев.
Uncategorized
Судот ги поништи царините на Трамп, ги прогласи за незаконски

Федералниот суд на Соединетите Американски Држави ги блокираше многу високите царини што претседателот Доналд Трамп ги воведе на странски земји, пресудувајќи дека тој ги пречекорил своите овластувања.
Пресудата, донесена од страна на судии на Американскиот суд за меѓународна трговија, ги запре сеопфатните царини од 10 проценти што Трамп ги воведе на „речиси секој трговски партнер на САД“, а десетици земји беа загрозени со повисоки царини, пишува „NBC News“. Судот, исто така, блокираше посебен сет царини што ги воведе администрацијата на Трамп врз Кина, Мексико и Канада, во кои како причина за зголемувањето се наведоа трговијата со дрога и нелегалната имиграција.
Администрацијата на Трамп ги оправда царините со повикување на Законот за овластување за меѓународна економска вонредна состојба од 1977 година, или IEEPA, кој му дава на претседателот овластување да го регулира увозот за време на одредени вонредни состојби.
Сепак, судот вчера го отфрли толкувањето на законот од страна на владата и рече дека би било неуставно кој било закон донесен од Конгресот да му даде на претседателот целокупно овластување да одредува царини.
„Судот не донесува одлука за мудроста или можната ефикасност на употребата на царини од страна на претседателот. Оваа употреба е недозволива не затоа што е неразумна или неефикасна, туку затоа што (федералниот закон) не го дозволува тоа“, наведе тричлениот судски совет во одлуката, пренесува Танјуг.
Судот рече дека царините за Кина, Канада и Мексико не се легални затоа што „не се справуваат со заканите идентификувани во тие наредби“. Тројцата судии кои ја напишаа пресудата беа номинирани за судскиот совет од поранешниот претседател Роналд Реган, поранешниот претседател Барак Обама и Трамп во неговиот прв мандат. Администрацијата на Трамп во судските документи посочи дека ќе поднесе жалба на пресудата до Федералниот апелационен суд.
Портпаролот на Белата куќа, Куш Десаи, одговори на пресудата, бранејќи го образложението за царините, велејќи дека трговскиот дефицит на САД со други земји „создаде национална вонредна состојба што ги десеткуваше американските заедници“. Тој тврди дека царините се неопходни за да се поттикне производството во САД и да се стави крај на она што тој го смета за неправедни трговски практики.
Со воведувањето на царините на почетокот на април, Трамп го нарече трговскиот дефицит „национална вонредна состојба“, што ја оправда неговата царина од 10 проценти за целиот увоз, со повисоки стапки за земјите со кои САД имаат најголем трговски дефицит, особено Кина.
Uncategorized
Предлог-закон за формирање инспекторат за грбот, знамето и за химната

На денешната собраниска прес-конференција портпаролот и пратеник на политичката партија Левица, Амар Мециновиќ, го најави законот за инспекторат за државни инсигнии, со кој, како што рече, се гарантира почитувањето на грбот, знамето и на химната на Република Македонија, како и на симболите на етничките заедници.
„Веќе 27 години постои Закон за употреба на државното знаме и грб, но овој закон нема орган што го спроведува. Исто така, постои и Закон за знамињата на заедниците и тој закон пропишува глоби, но нема институција што ги изрекува тие глоби. Практично, имаме мртво слово на хартија“, рече Мециновиќ на собраниската прес-конференција.
Како главен мотив за донесување на овој закон од партијата ги наведуваат честото непочитување на државните инсигнии и провокациите што предизвикуваат меѓуетничка нетрпеливост и тензии, а државата останува со врзани раце, без можност да изрече казна за непочитување на постојните закони или сквернавање на државните инсигнии.
Од партијата соопштија дека со овој предлог-закон инспекторатот за инсигнии ќе биде сместен во рамките на Министерството за правда, а ќе има право да врши надзор како на институциите така и на правните и на физички лица.