Контакт

Uncategorized

Ангелски гласови во Венеција

Објавено пред

На 20 април, во престижниот театар Ла Фениче во Венеција се случи промоцијата на зборникот Охридски пораки за мир за мир и соживот, публикација која произлезе од Меѓународната конференција за меѓурелигиски и меѓуцивилизациски дијалог која пред 2 години се одржа во Охрид

dobivaj vesti na viber

Имено, оваа промоција беше дел од големиот концерт на УНЕСКО, УНЕСКО – Концерт за мир: музика за дијалог и помирување, на кој настапија околу 50 музичари од 12 земји, меѓу кои и Македонија. Покрај маестро Борис Трајанов и тенорот Благој Нацоски, публиката во Венеција уживаше во изведбата на женскиот хор Света Злата Мегленска. За приказната на овој хор кој е единствен од ваков тип во Македонија, како и за впечатоците од Венеција, поразговаравме со основачот и диригентот, Летка Димовска-Полизова.Женскиот камерен хор Света Злата Мегленска е формиран во 1996 г. при Македонската православна црква. Составен е од 22 женски вокали, од кои повеќето се академски образовани музичари и студенти на Факултетот за музичка уметност во Скопје. Госпоѓата Летка Димовска-Полизова како диригент се афирмира со ангажирање на повеќе хорови кои самата успешно ги води: хорот Златно Славејче, Младинскиот мешан хор Кочо Рацин, камерниот хор при Соборниот храм Свети Климент Охридски, детскиот архиепископски хор Херувими итн. Програмски, овој хор најмногу се фокусира врз црковната музика, но во зависност од критериумите на различни фестивали, вметнуваат и композиции од световната и фолклорната музика. Света Злата Мегленска за сите овие години оствари извонредно значајно меѓународно претставување и афирмирање на македонската црковна музика во Велика Британија, Франција, Германија, Португалија, Шпанија, Хрватска, Бугарија, Грција, Полска, Италија, Шведска, Швајцарија, Србија, Црна Гора, Австралија…„Со формирањето на хорот Свети Климент Охридски во 1991 г. и осветувањето на Соборниот храм кај мене се појави интерес за црковното пеење и сакав да дадам и свој придонес кон овој храм. Со хорот Свети Климент Охридски започнавме со литургиски пеења секоја недела и тоа беше прв професионален хор за во црква. Но, мојата креативна моќ беше огромна и сакав да направам нешто повеќе. Така дојдов до идејата да формирам женски хор чиј интерес исто така ќе биде црковната музика, но овојпат да биде концертен и фестивалски хор”, ја започнува приказната госпоѓата Полизова. “Со формирањето на Света Злата Мегленска не само што се слушна за црковната музика надвор од храмовите, туку и за она што значи традиционалната музика во Македонија. Имаме огромен репертоар од православна црковна музика, како и три литургии од различни автори. Тука се, пред сè, Бадев, Сотир Голабовски и Атанас Динев и концертни композиции од светската музичка литература. Практикувам секоја година репертоарот да го збогатувам со 3-4 нови композиции”. Овој хор постојано се развива и „експериментира” и со различни стилови и периоди. На нивните концерти публиката никогаш не останува рамнодушна. Не ретко се случува да видите солзи во очите. Соработуваат и со многу хорови од целиот свет кои се со сличен сензибилитет. Најмалиот успех кој го имаат постигнато е второто место.“На сите тие фестивали и концерти се здобиваме со многу пријатели и така се шири кругот за настапи и соработка. Претежно соработуваме со црковни хорови од Италија, Словенија, Полска, Бугарија, со кои сме се среќавале на фестивалите во различни категории и секогаш сме биле во финалињата и натпреварот за Гран-при наградата. Разменуваме адреси, искуства, се препорачуваме меѓусебно, познавајќи ги сопствените квалитети. Така, за настапот кој во јуни ни следува во Калифорнија, САД, имаме препораки од асоцијацијата Musica Mundi која е организатор на сите светски хорски манифестации. Од таквите познанства произлезе ова патување во Америка”, продолжува госпоѓа Полизова. Во Венеција им понудиле композиции од сите стилови кои ги застапува овој хор – црковна, световна, фолклорна музика, но жирито на крајот се одлучило за македонската традиционална музика. Целиот настап бил збогатен со прекрасните униформи со мотиви од фолклорот кои се идеја на госпоѓата Полизова. „Венеција ја доживеавме онака како што заслужува. Јас буквално лебдев после настапот. Нешто величенствено ми се случи во таа прекрасна сала каде што настапиле имиња како Марија Калас и Павароти. На секој уметник му посакувам да го доживее ова што му се случи на нашиот хор. Не дека сме немале успешни настапи насекаде во светот, а и кај нас, но Венеција е врвот на мојата уметничка кариера. Она што е многу важно, и во Венеција и насекаде каде што сме настапиле, хорот Света Злата Мегленска ја претставува Македонија под уставното име”.Но и покрај сите овие успеси, хорот финансиски не може сам да опстојува. Ниедна од поголемите компании кај нас досега не покажала интерес за финансирање на овие девојки кои се вистински професионалци. Освен поддршката од Министерството за култура и некои донации од дијаспората, немаат други приходи. Се надеваме дека во иднина ваквата состојба ќе се промени.Мал дел од критиките за Света Злата Мегленска„Интерпретацијата на боите е со комплетна динамичка ширина. Секогаш совршено контролиран, вокален звук кој беше употребуван во служба на музиката. Промената на музиката беше пренесена достојно, перфектно и со самодоверба… апсолутна контрола на гласот…” Бил Ајвс, професор на Оксфорд и интернационален музички критичар„Овие прекрасни ангелски гласови нè споија со универзалната убавина.”Жак Лакарер, француски поет, Париз, 1999„Денес се спои небото со земјата. Вие сте Божји дар, што го прими француската публика. Ова е настан на годината.”Јордан Плевнеш, драматург „Со одличниот настап на Вашиот хор, со богатата и висококвалитетна програма со каја настапивте, придонесовте многу за успехот на овој фестивал. Нашите граѓани, како и луѓето од сиот овој регион, Ви се заблагодаруваат за незаборавните моменти на величествената музика и нежните мелодии, кои сè уште одѕвонуваат во нас. Ви честитаме и Ви се заблагодаруваме од дното на нашите срца.”Василиос Аврамидис, градоначалник на Аргос Орестико, Грција, 2002„Кога духовен подвижник каков што е женскиот хор Света Злата Мегленска при МПЦ, ќе најде простор како париската катедрала Сен Северин, почнува празник за поклониците на повеќегласното пеење. Тоа се потврди и неодамна на велигденскиот целовечерен концерт на овој реномиран скопски хор, чии членови небаре материјализирани ангели , просто ја зашеметија париската публика. Диригентката Летка Димовска-Полизова на концертот суверено ја развејуваше и ја собираше звучната прав под сводовите на париската катедрала за на крајот да ја крене публиката на нозе…”Георги Барбаровски, уредник



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized

Трамп: Ги прекинуваме сите трговски преговори со Канада

Објавено пред

Американскиот претседател Доналд Трамп објави на својата социјална мрежа „Тру Соушал“ дека ги прекинува сите трговски преговори со Канада.

dobivaj vesti na viber

„Штотуку бевме информирани дека Канада — земја со која е многу тешко да се тргува — вклучително и фактот дека со години им наплатува на нашите земјоделци дури 400 проценти царина на млечни производи, штотуку објави дека ќе воведе данок на дигитални услуги за американските технолошки компании, што претставува директен и очигледен напад врз нашата земја.

Очигледно ја копираат Европската Унија, која направи исто и со која сè уште преговараме. Поради оваа бесрамна одлука за данок, ги прекинуваме сите преговори за трговија со Канада, со итно дејство. Канада ќе биде информирана за царините што ќе треба да ги плаќа за работење со САД во рок од следните седум дена. Ви благодарам за вниманието“, напиша Трамп.

Оваа објава следуваше откако Трамп соопшти дека неговиот рок за трговски договори на 9 јули, не е фиксен. Тој им објасни на новинарите дека договор може да се постигне и пред или по тој датум, кога треба повторно да бидат воведени посеопфатни американски царини ако не се постигне договор.

„Можеме да направиме што сакаме. Можеме да го продолжиме рокот. Можеме да го скратиме. Јас би сакал да го скратам. Би сакал само да им испратам писма на сите: Честитки, плаќате 25 проценти“, им рече Трамп на новинарите во Белата куќа.

Американскиот министер за финансии Скот Бесент претходно нагласи дека трговските договори би можеле да бидат завршени до почетокот на септември.

Американскиот претседател Доналд Трамп прво најави царини од 50 отсто кон ЕУ, кои требаше да стапат на сила на 1 јуни, но тој реши да го продолжи рокот за преговори до 9 јули. Моментално се во сила американски царини од 10 проценти на поголем дел од европската стока и 25 отсто царини на автомобили, челик и алуминиум.

По една недела во која царините беа во втор план поради американскиот напад на иранските нуклеарни постројки и поради огромниот закон за даноци и потрошувачка во Конгресот, трговските преговори на администрацијата на Трамп се забрзаа. САД вчера ѝ испратија нов предлог на Европската Унија, а Индија испрати делегација во Вашингтон за понатамошни разговори.

„Значи, имаме земји што ни се обраќаат со многу добри договори. Имаме 18 важни трговски партнери. Ако можеме да потпишеме договор со 10 или 12 од нив, од 18-те, и ако имаме уште 20 важни односи, мислам дека трговските договори може да се затворат до Денот на трудот“, изјави Бесент за Fox Business Network.

Претседателката на Европската комисија Урсула фон дер Лајен изјави дека од американската страна го добиле најновиот предлог за понатамошни преговори за царините, нагласувајќи дека Унијата е подготвена за договор, но и за ситуација во која нема да се постигне задоволувачки договор.

„Го добивме најновиот американски документ за понатамошни преговори, кој сега го разгледуваме. Подготвени сме за договор, а во исто време се подготвуваме и за можноста да не се постигне задоволувачки договор“, изјави фон дер Лајен.

Таа нагласи дека Комисијата во преговорите за царини ќе ги брани европските интереси и дека сите опции „остануваат на маса“.

Германскиот канцелар Фридрих Мерц порача дека ЕУ треба да постигне „брз и едноставен“ трговски договор со САД, а не „бавен и комплициран“, додека францускиот претседател Макрон порача дека неговата земја нема да прифати договор што е нерамнотежен.

Прикажи повеќе...

Uncategorized

Макрон најави забрана за социјалните мрежи за деца под 15 години

Објавено пред

Од

Францускиот претседател, Емануел Макрон, објави дека ќе го забрани пристапот до социјалните медиуми за деца под 15 години доколку наскоро не се постигне напредок по ова прашање на ниво на Европската унија.

dobivaj vesti na viber

Одлуката следува по вчерашниот смртоносен напад од страна на ученици врз 31-годишен директор на училиште пред основно училиште во градот Ножан.

„Не можеме повеќе да чекаме“, рече Макрон во телевизиско обраќање на каналот „Франс 2“, пишува Политико од Брисел.

Тој истакна дека прекумерната употреба на социјалните мрежи меѓу децата е фактор на ризик и дека воведувањето контрола на возраста би можело да помогне во заштитата на младите луѓе.

Грција, со поддршка на Франција и Шпанија, веќе предводи иницијатива во рамките на ЕУ за ограничување на времето што тинејџерите го поминуваат на интернет, но Макрон сака Франција да преземе мерки дури и пред евентуалната заедничка европска одлука.

Макрон, исто така, најави дополнителни безбедносни мерки, вклучително и проверка на возраста на корисниците на страниците што продаваат ножеви преку интернет.

Тој најави големи казни и забрани за страниците што не се придржуваат.

„15-годишник повеќе нема да може да купи нож преку интернет“, рече претседателот.

Францускиот премиер, Франсоа Бајру, претходно изјави дека сака да ја забрани продажбата на ножеви на малолетници.

Француските власти веќе преземаат чекори за да ги принудат платформите како што се X, Reddit и Bluesky да спроведат проверка на возраста, третирајќи ги како страници со содржина за возрасни.

Прикажи повеќе...

Uncategorized

Макрон со најава: ќе го забрани пристапот до социјални мрежи за деца под 15 години

Објавено пред

Претседателот на Франција, Емануел Макрон, објави дека ќе го забрани пристапот до социјалните мрежи за деца под 15 години доколку наскоро не се постигне напредок по ова прашање на ниво на Европската унија.

dobivaj vesti na viber

Оваа одлука следеше по вчерашниот смртоносен напад од страна на ученик врз 31-годишен училишен надзорник пред основно училиште во градот Ножан.

„Не можеме повеќе да чекаме“, рече Макрон во телевизиско обраќање на каналот „Франс 2“, пренесува бриселски „Политико“.

Тој истакна дека прекумерната употреба на социјалните мрежи меѓу децата е фактор на ризик и дека воведувањето контрола на старосната граница би можело да помогне во заштитата на младите луѓе.

Грција, со поддршка на Франција и Шпанија, веќе предводи иницијатива во рамките на ЕУ за ограничување на времето што тинејџерите го поминуваат на интернет, но Макрон сака Франција да преземе мерки дури и пред евентуалната заедничка европска одлука.

Макрон, исто така, најави дополнителни безбедносни мерки, вклучително и проверка на возраста на корисниците на веб-страниците што продаваат ножеви преку интернет.

Тој најави големи казни и забрани за сајтовите што не се придржуваат.

„Петнаесетгодишник повеќе нема да може да купи нож преку интернет“, рече претседателот.

Францускиот премиер Франсоа Баиро претходно изјави дека сака да ја забрани продажбата на какви било ножеви на малолетници.

Француските власти веќе преземаат чекори за да ги обврзат платформите како што се Ix, Reddit и Bluskaj да применуваат проверки на возраста, третирајќи ги како сајтови со содржина за возрасни.

Во Франција, на 7 јуни, стапија во сила мерките што ги обврзуваат порнографските сајтови да ја потврдат возраста на корисниците.

Како резултат на тоа, сајтот „Pornhub“ престана да работи во земјата, што предизвика ненадејно зголемување на употребата на VPN услуги што ја заобиколуваат геолокацијата, пренесува Танјуг.

Прикажи повеќе...

Најново

Македонија27 минути

Костадинов го замрзнува членството во СДСМ, најави ново политичко делување

Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...

Македонија39 минути

СДСМ објави 11 нови кандидати за градоначалници

Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...

Македонија4 часа

„Пулс“ ќе се суди во Основниот кривичен суд Скопје, предметот е доставен

Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...

Македонија6 часа

Арсовска до Тошковски: До сега полицијата не постапуваше по заканите, сега се заканува, што е следно

Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...

Македонија7 часа

„Вреди“ бара истрага за намерна манипулација со бројот на Aлбанците на пописот

Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...

Топ8 часа

Мотоцилистот удрил во пешакот и избегал, МВР со детали за трагичната несреќа на кејот

Мотоцикл „кавасаки“ го прегазил пешакот кој загина вчера на кејот на Вардар, во близина на Паркот на франкофонијата. Според информациите...

Македонија8 часа

50-60 магационирани БТР, „хермелини“ и „пинцгауери“ ќе гаснат пожари летово, им се вградуваат резервоари за вода, рече Мицкоски

Застарените и магационирани возила на министерствата за внатрешни работи и за одбрана се приспособуваат за гаснење пожари на непристапен терен....

Македонија9 часа

СДСМ поднесе 160 амандмани за ребалансот на буџетот

Овој ребаланс е фискално нереален, социјално штетен и без развојна компонента, изјави пратеничката на СДСМ, Сања Лукаревска, на денешната собраниска...

Македонија10 часа

Граѓаните може да пријават недостапна здравствена услуга или злоупотреба на клиниките на веб-страницата на Министерството

Министерството за здравство се отвори за жалби на граѓаните од здравствениот систем. Граѓаните веќе може секоја забелешка, жалба од функционирањето...

Македонија10 часа

(Видео) Лукаревска: Со ребалансот власта крати пари од граѓаните за да се луксузира

Предложениот ребаланс на Буџетот наместо да понуди подобрување на состојбите во економијата е всушност доказ за целосниот неуспех на економската...

Свет11 часа

(Видео) Објавено какво оружје Америка престанува да испраќа во Украина

САД ја прекинаа испораката на клучно оружје за Украина, вклучително и системи за воздушна одбрана кои беа клучни за Киев...

Свет13 часа

Мерц: Русија не води војна само против Украина, туку и против нас

Германскиот канцелар, Фридрих Мерц, синоќа изјави дека Русија не води војна само против Украина, туку и против Германија. Во интервју...

Свет13 часа

Иран: Американските бомби сериозно го оштетија Фордоу

Американското бомбардирање на клучниот ирански нуклеарен објект Фордоу сериозно го оштети местото, изјави иранскиот министер за надворешни работи, Абас Араки,...

Македонија14 часа

Арсовска до амбасадорката Агелер: „Не Ви е малку незгодно што на листата со ВИП-гости Ви беа лица што треба да Ви се на црната листа на санкции“

Градоначалничката на град Скопје, Данела Арсовска преку социјалните мрежи упати прашање до американската амбасадорка Анџела Агелер. „Добро утро Амбасадорке Агелер,...

Свет15 часа

(Видео) Силна бура во Сиднеј: урнати дрвја, повеќе од 35.000 дома без струја, откажани десетици летови

Силна бура го погоди Сиднеј втор ден по ред, соборувајќи дрвја, оставајќи илјадници домови без струја и принудувајќи ги домашните...

Свет15 часа

Трамп: Израел се согласи на условите за 60-дневно примирје во Газа

Американскиот претседател Доналд Трамп вчера изјави дека Израел се согласил со условите за конечен договор за 60-дневен прекин на огнот...

Европа15 часа

(Видео) Бомбардер „су-34“ се урна во Русија

Руски борбен авион Су-34 се урна вчера за време на воена вежба во регионот Нижни Новгород, објави руската државна новинска...

Македонија1 ден

Сиљановска-Давкова се сретна со шпанскиот премиер Педро Санчез

Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...

Топ1 ден

(Фото) Запленети околу 100 килограми марихуана во Струмица, уапсени три лица

Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...

Македонија1 ден

Филипче: Не е време за калкулации, ниту за ситнопартиски интереси, СДСМ останува силен промотор на европската идеја

Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...