Контакт

Uncategorized

Француска супериорност

Објавено пред

62. Кански фестивал

dobivaj vesti na viber

Од Кан – Благоја Куновски-Доре Стана сосема јасно зошто фестивалскиот тандем Жакоб-Фремо го темпирале за самиот крај 4-от француски претставник Влез во празнотијата  на авторот Гаспар Ное. Без разлика на конечната одлука на жирито, 62-риот Кан го доби моралниот победник што ја одбележува годинашната компетиција, супериорно потврдувајќи им го со тоа висококвалитетниот настап на домаќините. Ако лани победи едноставната ТВ-драма Клас на режисерот Лоран Канте, снимана во ентериерите на едно училиште, овојпат доколку имаше две Палми обете би требало заслужено да му се доделат на ова ремек-дело во кое Ное, покрај режијата, е и сценарист, снимател, монтажер и продуцент. Влез во празнотијата е магична, експлозивна драма за сестрата Линда (ја игра новото шпанско актерско откритие, новата Пенелопе Круз, Паз Де Ла Хуерта на која ì нема рамна во конкуренцијата за женската награда) и братот Оскар, кои, по семејната трагедија кога во тешка сообраќајка умираат нивните родители кои со љубов ги раѓале и одгледувале, си ветуваат дека ќе бидат неразделни. Кога ќе пораснат се среќаваат во Токио каде Оскар ќе биде убиен, како дилер на дрога, во една полициска рација. Губејќи го последното најдраго во животот – братот, Линда е очајна и сака да умре. Но, во духот на базично инспирирачката Тибетанска книга на мртвите Ное го подига филмот над реалноста, реинкарнирајќи го духот на Оскар во една визуелно халуциногена симфонија. Со позиција на субјективна камера од рака, нè воведува наркотички во интимата на нивните животи, меѓу раѓањето и смртта, меѓу љубовта и злото, со постојано бранување на камерата во разните амбиенти како и вертикалните, од птичја перспектива снимани панорами на цивилизациската бетонска џунгла Токио во која зрачи животната празнина. Затоа и по 2,5-часовното траење, будејќи многу асоцијации, Ное не го завршува филмот Влез во празнотијата испишувајќи Крај), туку Празнотија .По првоприкажаниот Пророк на режисерот Одиар (за кој веќе пишував), вториот филм На почетокот на режисерот Ксавиер Џианоли, ја засили позицијата на француските претставници, кон што се придружи и филмот Луди тревки  на ветеранот, 85-годишниот Ален Рене, за со филмот на Ное да кулминира супериорноста на филмовите на домаќините. Во филмот На почетокот сценаристот и режисер Џианоли тргнал од автентична животна приказна за измамник кој по излегување од затвор одново започнува од нула, но место да краде, своите незаконити акции ги става во функција на изградба на автопат, фалсификувајќи документи од една градежна компанија под лажно име. Врз таа автентична личност и патот што го градела, Џианоли прави парабола за тоа како еден негативец може да стане позитивен, да стане некој, да биде Бос кој ќе им помага на другите во сегашното време на рецесија, на безработност. Иако надвор од законот, главниот јунак (го игра одличниот Франсоа Клузе, заедно со неговиот сонародник од филмот Пророк – Тахар Рахим, најсериозни кандидати за машката актерска награда) е сепак позитивен карактер, кој алтруистички, со личен ризик за самоуништување, сака да создаде надеж за другите луѓе, за нивните животи, семејства, да биде почитуван и сакан. Така аутсајдерот прераснува во полезен човек, иако во судир со законот. Епилогот во филмот и во автентичниот живот е што измамникот бил затворен, автопатот бил завршен од узурпираната компанија, а тој, по одлежувањето на новата казна затвор, исчезнува и денес ништо не се знае за него во Франција.

Долгоочекуваниот филм на Квентин Тарантино Неславни копилиња (сниман во Франција и Германија) беше посебен настан за Кан. Тарантино е секогаш расположен за шега и смеа, со него е пријатно да се разговара, зрачи позитивна енергија, неговите филмови се дел од неговата природа. Првото чувство за Неславни копилиња е дека и тој е нов анфантерибловски резултат на темпераментниот Тарантино, кој, како автор на сценариото, нè враќа во Втората светска војна во Франција, во окупираниот Париз каде во неговата откачена визија ќе бидат убиени Хитлер и неговите соработници. Во прологот е ликвидацијата на еврејското семејство на девојката Шошона, која единствена ќе преживее и ја подготвува подоцнежната одмазда во Париското кино. Натаму, во својата визија Тарантино, во стилот на шпагети вестерните, чиј поклоник е, со многу пукање и крв, го воведува американскиот полковник Алдо (Бред Пит), кој ги предводи американските Евреи герилероси војници, наречени Копилиња, кои им се одмаздуваат на нацистите со сечење на нивните скалпови во стилот на Апачи Индијанците во вестерните. Типична тарантиновска жанр-пародија, од истата матрица на Евтини приказни, Касапски Кучиња, Убиј го Бил, Смртен доказ. Филмот Неславни копилиња има одличен кастинг во кој, не толку Пит, туку брилјира германскиот полиглот актер Кристофер Волц во улогата на СС-наредникот Ланда.

Враќањето во Кан на Алмодовар со филмот Скршени прегратки  е уште една потврда на неговиот изразен стил, овојпат создавајќи меланж од љубовен трилер и трагикомедија, пак со Пенелопе Круз, овој пат како глумицата Лена вљубена во режисерот во чија комедија игра, но е во спрега и со многу постариот продуцент кој е подготвен на сè, да плаќа но и да убие, само убавата Лена да ја има за себе. Бегајќи од злиот старец, тие се кријат во Ланзароте, но таа умира во една сообраќајка, а режисерот останува трајно слеп живеејќи го својот втор живот под псевдонимот Хари Кејн. Во пакувањето на овој филм во филм, Алмодовар намерно говори и за судбината на режисерот кој е секогаш изложен на ризик од нелојалноста на продуцентите.

Кога пишував за филмот Рибник на Шкотланѓанката Арнолд, го споредив нејзиниот филм со делата на Кен Лоуч, кој, пак, и овојпат е изразно доследен во најновиот филм Барајќи го Ерик  и заедно со својот верен соработник, сценаристот Пол Лаверти, гради ефектна драмска комедија како комбинација од фудбалска ѕвезда и негов фан. Имено, Ерик од филмскиот наслов е фактички прославениот поранешен француски интернационалец, фудбалерот на Манчестер Јунајтед Ерик Кантона, кој во филмската сторија му се појавува на неговиот фан именикот Ерик, кој пак, со неговите совети и помошта од фановите на Јунајтед, го спасува интегритетот свој и на своето семејство во конфликтот со локалните гангстери. Уште една одлично режирана верзија за испреплетувањето на најважната споредна работа на светот – фудбалот со животот.Сепак, и покрај “домашниот терен” на кој Французите сметаа, највисоката канска награда Златната палма за 2009 г. му припадна на австрискиот филм Белата лента  на режисерот Михаел Ханеке.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized

Во Црна Гора мерките против коронавирусот продолжени за 14 дена

Објавено пред

Епидемиолошките мерки – задолжително носење заштитни маски во здравствените установи, колективните центри и јавните превозни средства, аеродромите, продавниците, аптеките, бензинските пумпи – се продолжени за следните 14 дена, соопшти Институтот за јавно здравје.

dobivaj vesti na viber

Ваквата одлука, се наведува, е донесена во согласност со моментната епидемиолошка состојба, а врз основа на сеопфатна анализа на бројот на новозаболени и епидемиолошки показатели, што беше разгледана од работната група за контрола, превенција и сузбивање на заразната болест Ковид-19.

„Напоменуваме дека тековно важечки мерки се: задолжително носење заштитни маски во здравствени установи, колективни центри и средства за јавен превоз, задолжително носење заштитни маски во сите институции на јавната администрација, во објекти од витално значење: продавници за храна, аптеки и бензински станици, задолжително носење заштитни маски на аеродроми, железнички и на автобуски станици“, се вели во соопштението, пренесува „Блиц.рс“.

Прикажи повеќе...

Uncategorized

Елтон Џон за Мајкл Џексон: Тој беше ментално болен

Објавено пред

Сер Елтон Џон во своите мемоари „Јас: Елтон Џон“ го нарече кралот на попот Мајкл Џексон ‘ментално болна, вознемирувачка личност’.

dobivaj vesti na viber

Автобиографијата на Џон е полна со шокантни откритија за неговиот живот во шоу-бизнисот, а во еден дел тој детално ја опишува неговата дружба со покојната контроверзна ѕвезда.

„Го познавам Мајкл уште кога имаше 13 или 14 години. Тој беше најслаткото дете што можете да го замислите. Но, во одреден момент во годините што следеа почна да се одвојува од светот и реалноста, нешто слично како Елвис Присли”, пишува Џон. Тој во своите мемоари зборува и за зависноста на Џексон од лекови против болки.

„Господ знае што се случуваше во неговата глава и Бог знае со какви лекови на рецепт го полнеа. Секогаш кога ќе го видев во неговите подоцнежни години си мислев дека кутриот тотално ги изгубил нервите. И не на лесен начин… Тој стана навистина ментално болен, делуваше вознемирувачки“, напиша легендарниот британски музичар.

Прикажи повеќе...

Uncategorized

Манасков се врати во Вардар

Објавено пред

Македонскиот репрезентативец Дејан Манасков е нов член на Вардар и по пауза од шест години повторно го облекува „црвено-црниот“ дрес. Вардар го засилува тимот со искусен играч на позицијата лево крило кој зад себе има настапи во неколку европски екипи и настапи на ЕП и СП со репрезентацијата на Македонија.

dobivaj vesti na viber

-Вардар добива брз, прецизен и искусен играч со големо меѓународно искуство со што екипата повторно гради силен, респектабилен и конкурентен тим и за сезонава. „Црвено-црните“ полека го градат тимот со кој и сезонава ќе атакуваат на двојната круна во домашното првенство се вели во известувањето од клубот.

Манасков во Скопје доаѓа по неколку сезони минати во унгарски Веспрем каде беше еден од најдобрите стрелци на клубот со над 540 голови на над 160 натпревари. Претходно настапуваше за екипите на Борец Велес, Металург, Вардар, Вецлар, Рајн Некар и на крајот во Веспрем.

Прикажи повеќе...

Најново

Свет53 минути

Блинкен: Загрижени сме дека ДНР ќе покрене обвинение против Хрват, Британец и Швеѓанец

Властите на САД се загрижени дека Врховниот суд на Народна Република Доњецк (ДНР) би можел да покрене обвинение против еден...

Македонија2 часа

Пендаровски: Клучните придобивки од Рамковниот договор беа зачувување на суверенитетот и на територијалниот интегритет

  Претседателот Стево Пендаровски, по повод одбележувањето 21 година од потпишувањето на Охридскиот рамковен договор со порака: „Пред 21 година,...

Регион2 часа

Ненад Калуѓеровиќ спречил уште пострашно сценарио на Цетиње, тој е убиецот на Вук Бориловиќ

„Новости“ дознава дека убиецот Вук Бориловиќ, кој вчера изврши незапамтен масакр во Цетиње (Црна Гора) немал криминално минато, а бил...

Европа3 часа

Зеленски за визите за Русите: Европа не смее да стане супермаркет во кој не е важно кој влегува

Украинскиот претседател Володимир Зеленски уште еднаш апелираше до земјите-членки на Европската унија да не им даваат визи на граѓаните на...

Македонија3 часа

Дваесет и една година од потпишувањето на Рамковниот договор

На денешен ден во 2001 година беше потпишан Охридскиот рамковен договор, во претседателската резиденција на Водно во Скопје од страна...

Свет3 часа

Писателот Салман Ружди е опериран, не може да зборува и најверојатно ќе го загуби окото

Британскиот писател со индиско потекло Салман Ружди (75) , кој повеќепати беше избоден со нож во вратот и стомакот од...

Македонија15 часа

Пациентот од Кичево суспектен на мајмунски сипаници има негативен брис

Министерството за здравство вечерва информираше дека од Институтот за јавно здравје се информирани дека е завршено испитувањето на брисот земен...

Македонија15 часа

Скопје ја повлече согласноста за почесен конзул на Русија во Битола

Северна Македонија официјално ја извести Русија дека ја повлекува согласноста за формирање Канцеларија на почесниот конзул на Русија во градот...

Регион17 часа

(Видео) Масакр во Цетиње, по семеен конфликт убил 11 луѓе, пукал и во деца

Во населбата Медовина во црногорскиот град Цетиње, во близина на Владата, денеска околу 16 часот загинаа 11 лица, а шестмина...

Европа17 часа

Кличко со критики за Шолц за издавањето визи на Русите

Градоначалникот на Киев, Виталиј Кличко го критикуваше германскиот канцелар Олаф Шолц поради неговото одбивање да престане да издава визи за...

Економија19 часа

Во јавните згради во Германија ќе се дозволи греење до максимални 19 степени Целзиусови

Германскиот министер за економија Роберт Хабек денеска најави нови регулативи кои ќе се однесуваат на заштеда на енергија поради страв...

Свет20 часа

Пекинг ја предупреди Америка: Борбата против повеќе од 1,4 милијарда Кинези нема да заврши добро

Бoрбата на Соединетите Американски Држави против повеќе од 1,4 милијарда Кинези нема да заврши добро, изјави кинескиот министер за надворешни...

Македонија21 час

Ќучук: Преговорите на Северна Македонија со ЕУ ќе почнат по завршување на скринингот

Процесот на преговори меѓу ЕУ и Република Северна Македонија сè уште не е почнат бидејќи се чека да заврши скринингот,...

Македонија23 часа

(Видео) Стојаноска: Како и со Ковид-19, така и со мајмунските сипаници власта се однесува неодговорно

Во Македонија, со власта на СДСМ и ДУИ, се случува тотален распад на системот. Земјава, од сите земји во регионот,...

Топ23 часа

Мотоциклист почина во сообраќајна несреќа во Кочани

Синоќа, во 18.55 часот, било пријавено дека на експресниот пат во изградба, Кочани – Крупиште, кај клучката за с. Спанчево,...

Економија23 часа

(Видео) Каевски: Во Македонија ќе се произведуваат електрични возила

Преку одговорните, ефикасни мерки и политики на Владата предводена од СДСМ македонската економија станува атрактивна за сериозни, големи странски инвестиции....

Топ1 ден

Со закана со пиштол успеале да изнудат 20.000 евра, приведени две лица од Скопје

Од страна на СВР Струмица, заедно со Одделот за криминалистичка полиција – Сектор за општ и насилен криминал, во координација...

Европа1 ден

Поранешниот германски канцелар Шредер го тужи парламентот поради одземените привилегии

Поранешниот германски канцелар, Герхард Шредер, го тужи парламентот во обид да ги врати посебните привилегии што му беа одземени во...

Македонија1 ден

СДСМ: Градоначалниците на ВМРО-ДПМНЕ се грижат за граѓаните со поскапување на комуналните услуги

Градоначалниците на ВМРО-ДПМНЕ по којзнае кој пат докажаа дека воопшто не се грижат за граѓаните, туку на прво место ги...

Европа1 ден

„Вашингтон пост“: ФБИ кај Трамп бараше документи поврзани со нуклеарно оружје

За време на претресот на домот на поранешниот американски претседател Доналд Трамп, агенти на ФБИ пребарувале доверливи документи поврзани со...