Uncategorized
Симон Трпчески одушеви и во Мадрид
По одличните концертни настапи со рецитали и учество во камерни состави во рамките на Музичкиот фестивал во норвешкиот град Хардангер, Симон Трпчески настапи во камерната сала на „Аудиторио Национал де Музика” во шпанската престолнина
Концертот на македонскиот виртуоз на пијано, Симон Трпчески, се одржа во организација на Македонската амбасада во Шпанија со поддршка на нашето Министерство за култура.Пред присутната публика во која биле и дипломатски претставници од голем број држави, како и македонскиот вицепремиер Ивица Боцевски, маестро Трпчески и неговите гости, виолинистите Ѓорѓи Димчевски и Климент Тодороски, извеле дела од Шопен, Менделсон, Дебиси, како и од Шахов, Глишиќ, Шуплевски и Албениц, де Фаља и Сарасате, правејќи вистински потег со комбинацијата на шпански и македонски композитори која ја натерале мадридската публика да ги награди изведувачите со овации со стоење и повици на бис, при што било изведено делото „Скопско оро” во аранжман на Дамир Имери.„Мислам дека ова беше навистина многу убаво претставување на Република Македонија во главниот град на Шпанија, особено пред мадридската публика која очигледно нема големи познавања за нас и особено не за нашата музика. Избрав програма од повеќе стилови, колоритна музика, потоа презентација на македонската музика и, секако, шпански дел од програмата со кој покажавме како Македонците ја чувствуваат шпанската музика. Многу сум среќен што на концертот ми се придружија нашите двајца прекрасни виолинисти Климент Тодороски и Ѓорѓи Димчевски. Според самата градација на атмосферата во салата и топлата и искрена реакција на публиката со овациите на нозе, очигледно на присутните им се допаднале нашите изведби. Мене тоа не ме изненадува со оглед на десетината настапи низ Шпанија што се зад мене, но на овој концерт, освен официјалниот дел посетители, дојдоа и многумина кои се интересираа или за мене како пијанист или за македонските дела што ги претставивме. Се’ на се’, сметам дека навистина оваа вечер ќе им биде дополнителна мотивација за уште подобро запознавање со нашата земја”, изјави Трпчески.Следниот месец македонскиот пијанист ќе настапува во Велика Британија, САД и Швајцарија, а во меѓувреме, во практиката што самиот Трпчески ја воведе, ќе и’ понуди убави моменти и на домашната публика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.
Uncategorized
Автомобил удри во заштитна ограда кај Градско, повредени две жени
На регионалниот пат Градско-Неготино во близина на мостот на Црна река, автомобил со велешки регистарски ознаки, управувано од Т.П.(47) од Градско, удрило во заштитна метална ограда.
Во несреќата со тешки телесни повреди се здобила сопатничката Н.М.(57), а со телесни повреди се здобила сопатничката Б.П.(45), двете од Градско, констатирани во болницата во Велес.
Извршен е увид.
Uncategorized
(Видео) Инцидент со уште еден авион на „Боинг“: принудно слетал во Норвешка поради проблеми со моторот
Авион на холандската авиокомпанија „КЛМ“ принудно слета во Норвешка откако имал проблеми со моторот за време на летот, но немало повредени, соопшти норвешката полиција.
Во соопштението се наведува дека Боингот 737, кој летал од Осло за Амстердам, принудно слетал синоќа во јужна Норвешка по технички дефект што се случил непосредно по полетувањето.
KLM 737-800 Skids Off Runway at Oslo Torp After Hydraulic Failure
– Bart Noëth #aviation https://t.co/9HkJ1zi21Nhttps://t.co/XafsWjG0fm— Aerospace News by HYPE (@HypeAviation) December 29, 2024
Сите 182 лица во авионот, вклучително и екипажот, не се повредени, објави „НЛ Тајмс“.
Локалните медиуми јавија дека пилотите забележале чадење од левиот мотор.
Video shows KLM flight #KL1204 skidding off the runway after an emergency landing at Torp Airport. The Boeing 737-800 (PH-BXM) was en route from Oslo to Amsterdam when it experienced a hydraulic failure. Thankfully, no injuries were reported.
Video @mackjacklar#BreakingNews… https://t.co/5OE4h79YSV pic.twitter.com/JPxxkM3zuL— Antony Ochieng,KE✈️ (@Turbinetraveler) December 28, 2024
Откако авионот безбедно слетал, патниците ракоплескале.
#BreakingNews: KLM Flight #KL1204 Skids Off Runway After Emergency Landing at Torp Airport,Norway 🇳🇴
A KLM Boeing 737-800 (#PHBXM) operating flight KL1204 from Oslo to Amsterdam faced a harrowing emergency landing on December 28, 2024. Shortly after takeoff at 18:00 CET, the… pic.twitter.com/HZWwluQwCi
— Antony Ochieng,KE✈️ (@Turbinetraveler) December 28, 2024
По инцидентот, почна истрага за причините за инцидентот.
Во меѓувреме, авионска несреќа се случи во Јужна Кореја, кога Боинг 737-800 се обиде да слета на трупот. Авионот се излизгал по пистата, а потоа удрил во ѕид и експлодирал. Според последните информации загинаа 176 лица, а спасени се двајца членови на екипажот. Истрагата за причината за падот на јужнокорејскиот авион може да трае и до три години.