Uncategorized
„Генофониа“ – промотивен концерт во Куршумли ан
Во рамки на „Скопско лето 2009“ вечерва во Куршумли ан, со почеток од 21 часот, ќе се одржи промотивниот концерт на ЦД-то на групата „NAV“, со Вања Лазарова и група авангардни креативци, насловен „Генофониа“
Групата „NAV“ има неколку цврсти идеали: Модерно да ја озвучи Македонија. Да ја стори звучно препознатлива, на начин како што тоа го сторил Мануел де Фаља за Шпанија, Чајковски за Русија, „Битлси“ за Англија… Да биде наполно оригинална… Звукот на „NAV“ да извира од најблагородните слоеви на македонската милениумска звучна традиција, и да биде во совршен континуитет со класичното, индивидуално остварено од македонски автори…Творбите на групата да зрачат со квалитети на една совршена, модерна, заокружена класичност. „Генофониа” е сведоштво за една блескаво остварена етапа во таквиот отворен пат на спојот на македонскиот автентичен модерен звук, со универзалното и вечното. Сите творби на ЦД-то се оригинални и авторски, создадени од членовите на групата.Во „NAV“ членуваат:Вања Лазарова – Димитровска, жива музичка легенда, чиј глас извира од искон и носи сензибилитетен распон за сите времиња. Личност која во длабините на мелосот на својата земја има моќ да броди како никоја друга дарба. Со неверојатно чувство за музичко совршенство. Секое нејзино исполнение добива облик на класичност. Душко Димитровски, автор на книгата „За наша музика”, 60 години жив носител на идејата за оригинална, модерна, препознатлива македонска звучност. Долгогодишен уредник на циклуси на радио емисии на македонското радио кои расветлувале најразлични музички феномени како: македонската класична народна музика, современата македонска музика, Св. Јован Кукузел, Бетовен, „Пинк Флојд“, „Битлси“… Духовен спиритус мовенс во се‘ оригинално и значајно во македонскиот современ звук (на пр. „Анастасија“). Во неговото компонирање и создавање мелодии се чувствува универзално знаење, а нова и оригинална музичка мисла. Дејан Ацески, член на Оркестар „Пеце Атанасовски“, исклучителен познавач на македонската мелосна традиција, но во исто време, длабоко внедрен во современата модерна светска музичка култура. Инструменталист со неограничена инвенција и македонски сензибилитет во обликувањето на идеите. Со откровенски сенс за насетување на нови можности на звукот и храброст да се впушти и во најизненадувачки трагања по тој пат. Ристо Солунчев, уметнички раководител на Оркестар „Пеце Атанасовски“, истражувач на сите музички форми кои се јавиле на тлото на Македонија во текот на историјата. Бил еден од основачите на веќе култната хип хоп група „Чиста околина“. Високо надарен пејач и совршен владетел на повеќе најсублимни македонски традиционални инструменти, но вклучувајќи го и екстремно модерниот ењи. Со неограничен изблик на идеи од најблагороден мелосен ков и смисла за совршено обликување на делата. Ивица Јанкуловски, млад музичар со широко познавање на патиштата на модерниот звук. Тон мајстор на повеќе македонски бендови. Истражувач на модерната музичка продукција. Во соработката со „NAV“ се покажува како отворен за трагање во тајните на новата македонска звучност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.
Uncategorized
Премиерот Џафери и владиниот државен врв во чест на 9 Мај: Цврсто стоиме на браникот против фашизмот и во одбрана на европската идеја
Владиниот државен врв ги одбележува денешниот голем и значаен датум за Република Северна Македонија и за демократскиот свет, 9 Мај – Денот на победата над фашизмот и Денот на Европа.
Делегација на Владата на Република Северна Македонија, предводена од претседателот на Владата, Талат Џафери, во состав со министерот за локална самоуправа, Ристо Пенов, и заменик-министерката за правда, Викторија Аврамовска-Мадиќ, положи цвеќе и им оддаде почит на борците од Народноослободителната борба пред споменикот „Ослободители на Скопје“ на платото пред Владата на Република Северна Македонија.
На официјалната церемонија, реализирана со воени почести, почит оддадоа и положија цвеќе и: делегација на Сојузот на борците од НОАВМ, предводена од Наум Бурески, претседател на Градскиот одбор на Сојузот на борците, од Кабинетот на претседателот на Република Северна Македонија, Билјана Блажевска, аѓутант, делегација на Собранието на Република Северна Македонија, предводена од Снежана Калевска-Ванчева, пратеничка, делегација на Армијата на Република Северна Македонија, предводена од бригаден генерал Орце Јордев, како и претставници од дипломатскиот кор во државата, меѓу кои и амбасадорот на Европската Унија, Дејвид Гир, делегација на Град Скопје, претставници на политички партии.
Претходно, во церемонија со воени почести, делегации од Владата, од Кабинетот на претседателот на државата, од Собранието, од Сојузот на борците од НОАВМ, претставници од дипломатскиот кор, од Град Скопје, од политичките партии, оддадоа почит и положија цвеќе на Партизанските гробишта во Бутел.
Република Северна Македонија секогаш била на вистинската страна на историјата. Така било за време на Втората светска војна кога земјата била рамо до рамо со прогресивните антифашистички сили. Нашата држава е создадена на рушевините на фашизмот, во извојуваната слобода и со прогресивната идеја за напредок. И, денес, во сложениот геополитички контекст, стоиме со сојузниците како рамноправна членка на НАТО и идна членка на Европската Унија темелејќи го развојот на демократијата.
Пораката на премиерот Талат Џафери и на Владата во чест на денешниот 9 Мај, Ден на победата над фашизмот и Ден на Европа, е дека цврсто стоиме и ќе стоиме на браникот пред какви било форми на современ фашизам, кои се закана за мирот и прогресот насекаде во светот. Исто така, со искрена почит кон големата европска идеја, на која се темели изградбата на Европската Унија, ќе продолжиме да придонесуваме во заштитата и афирмацијата на европските вредности како гаранти на мирот и перспективите и на Република Северна Македонија. Република Северна Македонија припаѓа во европското семејство на народи и држави и стремежот на граѓаните за членство во Европската Унија заедно ќе го оствариме.
Uncategorized
Oсмани: Ја победивме албанската опозиција со над 40.000 гласа, да се почитува волјата на народот
Прелиминарните резултати покажуваaт длабока победа на Европскиот Фронт, наспроти албанската опозиција со над 40 илјади гласа, изјави кандидатот за претседател, Бујар Османи, кој според првичните неофицијални резултати е пред неговиот опонент од албанскиот опозициски блок, Арбен Таравари.
„Оваа победа само докажува дека Европскиот фронт станува една голема локомотива за европската иднина на нашата држава“, рече Османи, додавајќи дека волјата на народот е јасна и треба да се почитува од сите.
Како што додаде, резултатите покажуваат дека се уште имаме поделено општество, притоа нагласувајќи дека Албанците, Турците, Бошњаците, Ромите кажале дека самите одлучуваат за својата иднина и никогаш нема да дозволат некој друг да одлучува за нив.
Приврзаниците на ДУИ вечерва се собраа на плоштадот „Скендербег“ во Скопје за да ја слават објавата на првичните неофицијални резултати од првиот круг.