Uncategorized
Фестивалот „Фонетика“ по втор пат
Во кампот Ливадиште во Струга на 1 и 2 август по втор пат по ред ќе се одржи музичкиот фестивал „Фонетика“. Картите за дводневниот настан во предпродажба ќе се продаваат по цена од 200 денари.
„Фонетика“ е во организација на промоторската агенција „Баланс“. Фестивалот ќе има две посебни музички сцени. На првата која ќе биде на самата плажа ќе настапат Кирил Џајковски со неговиот оркестар, Суперхикс, Зоран Ристевски Бејбе, Тамара Тодевска, групата на Ѓорѓи Шаревски и Џијан Емин, како и диџеите: Самоил Радински, Марјан Стојановиќ- Маци, Томи Бојаџи, Александар Мискоски, Флудер, Роботек, Мирко Попов и Игор Зотик. На втората сцена ќе настапат: диџеј Гоце од САФ, Легијата – СТР2, Грин аут, Против сите, Ронин, и Да Џака Накот како и реге изведувачите Мастрафизам и Андреј Бартлинг. Во исчекувањето на фестивалските вечери „Фонетика“ ќе одржи мини-турнеја низ Македонија. На 17 јули во Гевгелија во кафе Q и во летниот клуб Ава. На 17 јули ќе имаат коцерт во Кавадарци во клубот Александрија. Ди-џејската турнеја на 24 јули ќе продолжи во Кочани во хотел Гратче, а на 25 јули во Излет кафе во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.