Пијанистката Елена Мисиркова ќе одржи „Галилео концерт“ на 4 март во Галилео Апликејшн Вилиџ пред Европскиот конференциски центар „Карл Велики“ во Брисел

Мисиркова, најдобриот Амбасадор на културата на Р.Македонија во Австралија овој концерт ќе го изведе во рамките на „Галилео апликациските денови“ ќе ги изведе делата на Властимир Николовски (Македонија), Вернер Пирхнер(Австрија) и Фредерик Шопен(Полска) на пијано модел 280 Гранд, од брендот „Безендорфер“. Концертот е втор во низата на „Галилео“ концерти на Мисиркова, минатата година таа во Австриската академија на науките со голем успех го реализира првиот концерт, кој според Европските власти за вселенска пловидба ГСА беше оценет како значаен чекор во приближувањето на еден од најголемите технолошки проекти на ЕУ, Сателитско-навигационата програма Галилео во научна, културна и политичка смисла до граѓаните на сите земји на Европа.

Галилео Апликејшн Дејс ќе се одржат од 3.- 5.март 2010 пред Конференцискиот центар Шарлмањ(Карл Велики) во Брисел со поддршка на Европската комисија и на ЕСА – Европската вселенска агенција, а во организација на Центарот на вселенска пловидбаод Оберпфафенхофен (СР Германија) и ГСА – Европските власти за вселенска пловидба и сателитска навигација на ЕУ. На просторот пред Конференцискиот центар ќе бидат демонстрирани пронајдоци, откриени и развиени во рамки на 7та Истражувачка програма на ЕУ и пронајдоци, наградени на Европскиот сателитско-навигациски натпревар, а воедно експонати од Технолошката трансфер-програма на ЕСА. Концертот е поддржан од Министерството за култура на Р.Македонија и на Австрискиот културен форум од Брисел.