На денешната прес-конференцијата во Белград посветена на Астерфест, Тренчовски соопшти дека познатиот педагог и режисер на црниот филмски бран Боро Драшковиќ ќе биде прогласен за почесен член на Тивериополската филмска алијанса

Македонскиот режисер Горан Тренчовски, директор на Астерфест, соопшти и дека Боро Драшковиќ својот 75-ти роденден на филмски начин ќе го помине на Астерфест, како ид ека во текто на неговитопрестој во Македонија ќе има активности и на ЕСРА. Инаку, Драшковиќ е широко познат по своите авторски документарни, кратки, ТВ и долгометрaжни филмови и по својата даровита умешност за пренесување на своето знаење на помладите егенерации, како и како исклучителен писател на есеи за драмските уметности. Некои од неговите филмови се: „Хороскоп“, „Животот е убав“, „Кујна“, „Парадокс за шахот“, „Попладне на Гренланд“ и др.Горан Тренчовски, режисер и директор на Астерфест, на официјална покана од организаторите, престојува на Фестивалот на краткометражен филм во Белград кој се одржува од 30 март до 3 април под слоганот “хепи-енд”. На овој најстар  фестивал на краткиот филмски метар во Југоисточна Европа, струмичкиот Астерфест  има свое претставување, а со директорот на белградскиот фестивал Јанко Баљак е договорено и потпишување меморандум за меѓусебна соработка. Во текот на престојот на Фестивалот за краток филм во Белград, Тренчовски се сретна со меѓународни претставници на фестивали и филмски автори од повеќе држави и истовремено ги покани да присуствуваат на шестото издание на Астерфест во Струмица од 27 до 31 мај.