Писателот Ристо Лазаров е годинашниот добитник на наградата „Велја кутија“, додека академик Божин Павловски и проф. Јуми Накаџима од Јапонија се добитници на наградта „Духовен воин“

Познатиот македонски писател Ристо Лазаров е годинешен добитник на наградата „Велја Кутија”, која ја доделува Асоцијацијата Македонски духовни конаци, за  „Избрани дела”, издание на издаваштвото Дијалог.Во образложението за наградата се вели дека „Избрани дела”  на Лазаров имаат конзистентен систем на естетички и онтолошки идеи, кои  претставуваат  висока вредност и афирмација на македонската литература, култура и духовност.Наградата “Велја Кутија” на Лазаров ќе му биде врачена на Меѓународната манифестација Македонски духовни конаци, која традиционално се одржува во месец август, во храмот “Свети Ѓорѓија“ во Струга.Управниот одбор на Меѓународната асоцијација Македонски духовни конаци ги додели и наградите „Духовен воин“  за  2010 г. за личности од земјава и странство – воини за македонската кауза на академик Божин Павловски за неговите континуирани заложби за македонската кауза, изразени преку неговиот издавачки и творечки опус,што претставува импресивен ангажман во македонското јазично подрачје и незаобиколен пат во животот на книгата, како и препознатлив знак на нашата културна средина во земјата и странство. Преку оваа негова дејност, тој станува самопрегорен воин за македонскиот идентитет.Наградата Духовен Воин му е доделена и на проф. Јуми Накаџима од Универзитетот во Токио, Јапонија, за нејзината посветеност и исклучителни  резултати за афирмацијата и достоинството на македонскиот јазик во Јапонија.