Рускиот милијардер од еврејско потекло, Виктор Векселберг ќе ја тужи лондонската аукциска куќа, бидејќи дело што му било продадено по рекордно висока цена, според руските ликовни експерти е фалсификат, пишува британскиот дневен весник Daily Telegraph

Виктор Векселберг во ноември 2005 г, на аукиција на  Christie’s, за 2,9 милиона долари го купил како оригинал делото „Одалиск“ која била насликана во 1919 г. во техника масло на платно, од рускиот сликар Борис Михаилович Кустодиев, но според пишувањето на руските медиуми, тамошните ликовни стручњаци сметаат дека станува збор за перфектно изработен фалсификат.Сега во тужбата Векслеберг си ги бара парите назад, додека од Christie’s одговараат дека прво тие сакаат сами да ја направат експертизат. Всушност сликата кон крајот на минатата година била испратена во реномираната лондонска аукциска куќа на експертиза, но од таму не одговориле колку долго ќе трае стручната процена. За случајот не се пишуваше досега, заради ограничувањата што ги поставуваат строгите судски правила, пишува московски Kommersant.Виктор Векселберг е мнозинскиот сопственик на групацијата Ренова која е голем руски конгломерат кој тргува со алиминиум, нафта, гас а има развиени бизниси и во многу други стопански сектори.Според  Forbes, неговиот имот е проценет на околу 14 милијарди долари, а во Русија и во странство е познат како мецена на уметноста. Во 2004 г. за сума која се проценува од Forbes меѓу 80 и 120 милиони долари исто така на аукција откупи девет примероци од прочуените и извонредно инператорски скапи јајца од Фаберже, изработени од скапоцени материјали и драги камења.