Младински културен центар – Битола, по деветти пат оваа година, го организира Меѓународниот Младински Арт Фестивал „Битола отворен град 2010“. Фестивалот е отворен за сите алтернативни уметности во изведба на млади луѓе.

Во досегашните фестивалски изданија имавме можност да видиме  уметници од САД, Франција, Германија, Словенија, Шведска, Данска, Финска, Шпанија, Јапонија,  Албанија, Србија,  Црна Гора, Хрватска, Босна и Херцеговина, и многу македонски значајни алтернативни уметници од рангот на Тони Китановски, како и музичките групи Мизар, Архангел, Mooger Foger, Суперхикс, Фолтин, Сет, Паркети, Д.Н.О., Дина, Three minutes on the rain, Bei the fish итн.Повеќе од 500 уметници од 40тина земји од цел свет се имаат претставено пред фестивалската публика со свои дела во рамките на групните изложби и проекциите на уметничките кратки филмови. Изминатите две години гости беа легедарните рок изведувачи Рамбо Амадеус и Ван Гог, имиња кои привлекоа огромно внимание кај домашната и странската публика.Целта на фестивалот е да придонесе во афирмацијата на Битола како град со позитивни вредности и креативна енергија и нејзина промоција како центар на прогресивната младина на Балканот. Фестивалот трае четири дена и традиционално се одржува во втората половина од месец aвгуст, со што му дава посебен белег на летото кое завршува. Оваа година терминот за одржување на фестивалот е 21-25 август 2010 година.Значаен белег на фестивалот му дава Младинскиот меѓународен волонтерски камп Битола отворен град кој секоја година е домаќин на десет волонтери од десет различни земји. Волонтерите се дел од логистичката поддршка на фестивалот и уште една можност да ја претставиме Битола како град со позитивна креативна енергија.Од друга страна фестивалот дава можност за вклучување на локални граѓани како учесници во креативните работилници, како логистичка поддршка на фестивалот и како конзументи на уметноста со цел да се потсетат на вистинските вредности, да се запознаат со други традиции, култури, начини на живот. Фестивалот им дава можност на локалните граѓани и гостите да го прошират својот видик и да се збогатат со уште едно искуство и квалитетно да го потрошат своето слободно време.Програмата вклучува изложба на дигитални графики, улични перформанси, креативни работилници, графити работилница, изложба на уметничка фотографија, улични концерти и журки на отворено.Интернационалниот младински арт фестивал е во организација на Младински културен центар – Битола (МКЦ-Битола), а главниот настан е во ko-организација или партнерство на МКЦ-Битола и Fresh Union.Главниот настан ќе се одржи во недела на 22 август на Олимпискиот базен во Битола.Оваа вечер ќе настапат неодамна реоформените алтер-рок битолчани Небо, дел од ѕвездите на МНА продукција PMG Kolektiv и Д.Н.О., актуелните Bernays Propaganda и DJ-ите Goran Tech и Dejan Dex.На оваа вечер исто така ќе се појави и неповторливиот Кирили Џајковски заедно со Серџук Оркестра…Влезниците се пуштени во претпродажба во Пица Буре- Битола, Југотон- Скопје и вашите омилени кафулиња низ Републиката.