Самостојна изложба на објекти скулптури на академскиот графичар Тони Васиќ ќе биде отворена во сабота, 21 август, во 20 часот во Националниот завод и музеј Битола, во салонот Мала галерија

Изложбата е насловена „Птичји гнезда* и со неа уметникот македонскиот графичар Тони Васиќ првпат пред битолската публика се претставува со свои објекти и инсталации.„Низ миметичката постапка на морфологијата на птичиите гнезда, Васиќ на еден суптилен начин ја гради структурата на своите префинети скул­птор­ско-ар­хитектонски конци­пи­ра­ни дела, при тоа користејќи ги и заемно колажирајќи ги не­кои сегменти од орнито­логи­јата2 и ентомологијата3. Градени од различно комби­нирани остри, тврди и меки материјали (короди­рани бод­ли­кави жици, клинци, лозови греанки, дрво, камен, стакло, памук, срма, боја, пер­дуви и пеперутки), пос­та­вени во различни позиции, по вер­ти­кала и хоризонтала, тој успеа да ја изба­лан­сира, како внат­реш­на­та така и надворешната прос­торна слика на по­единеч­ни­те,  раз­лич­ни во својата сличност, градени скулпторско­-архитек­тонс­ки ко­м­по­зи­цис­ки це­л­ос­ти. Отсус­тво­то на главните ак­тери од нивните до­мови, за­менето е со метафората за присуството на нивните поко­ле­ни­ја. Неочекува­ното при­су­с­твото на нежните пеперутки во гнезда­та, истка­ени од остри испрепл­етени коро­дирани жици, со нивната гра­ци­озност, лес­нотија и колорис­тич­ка убавина, ја облаго­ро­ду­ва­ат сев­купната слика на изложениот проект. Освен тоа, тие и симбо­лич­ки реферираат како на нив­ната ме­таморфоза, така и на мета­мор­­фозата на симулираните јајца на птиците.“, ќе рече за творештото на Васиќ, ликовниот критичар Конча Пиркоска.