Uncategorized
2006 година „најсмртоносна“ за новинарите
Најсмртоносната година за новинарите од кога се води таквата статистика е 2006 година, во која што се убиени 94 новинари ширум светот.
Најсмртоносната година за новинарите од кога се води таквата статистика е 2006 година, во која што се убиени 94 новинари ширум светот.
Ова се наведува во најновиот извештај објавен од новинарската организација „Presse Embleme Campagne“ (PEC) со седиште во Женева, при што се објаснува, дека 94-те новинари биле убиени во зоните на конфликти или во текот на внатрешните конфликти во матичните држави.
Според податоците изнесени од PEC, како најопасна земја за новинарите се покажала Ирак, каде загинаа 48 новинари, или двојно повеќе, споредено со минатата година.
Од Втората Светска Војна, Ирак претставува најопасната зона на судири за новинарите, а од инвазијата на Ирак во пролетта 2003 година, во таа земја загинале вкупно 108 новинари.
Според статистиката, Мексико е втората земја на „смртоносната листа“ со осум убиени новинари во текот на 2006 година, а по Мексико следат Русија, Шри Ланка и Филипини, каде загинале по четворица новинари, додека во Пакистан и Колумбија животот го загубиле тројца новинари.
Минатата година во Кина, Индија, Ангола и Либан биле убиени по двајца новинари, а во Венецуела, Сомалија, Конго, Судан и Бразил загинал по еден новинар.
„Минатата година животот го загубиле 68 новинари, а како причина за смртта на поголем дел од жртвите не се сметаат државните елементи, туку бунтовничките и паравоените организации, криминалните мрежи или паралелните безбедносни сили, каков што е случајот со Русија“, се наведува во извештајот на PEC.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.