На 8-ми ноември во 18 часот во Софија ќе биде отворена изложба на современиот македонски сликар Нове Франговски, во престижната галерија „Средец“

Изложбата се случува во организација на Културниот информативен центар на Македонија во бугарската рпестолнина во соработка со Националната галерија на Македонија и Министерството за култура на Бугарија во рамките на меѓународната соработкаПред бугарската публика  Нове Франговски првпат ќе се престави со самостојна изложба со дела од различни периоди на творештвото. Изложбата ќе ја отвораат заменик-министерот за култура на Македонија  Драган Недељковиќ и заменик-министерот за култура на Бугарија Димитар Дерелиев.Нове Франговски е роден во Галичник  1939 г., дипломирал на Академијата за ликовни уметности(оддел сликарство) во Белград. Специјализирал на Академијата за убави уметности во Рим, 1973 г. Во 1990 г. ја оформува и раководи со Интернационалната ликовна колонија – Галичник.Работи како самостоен уметник.Со над дваесет самостојни изложби се преставил во земјата и странство. Учествувал со свои дела на над 150 изложби во Р Македонија и надвор од неа, како Турција, Франција, САД, Велика Британија, Германија, Грција, Романија итн. За своето творештво повеќе патти  е наградуван,добитник е на наградите, 1969 – награда за сликарство на изложбата „25 години АСНОМ“, 1982 – награда „Нерешки мајстори“ на годишната изложба на ДЛУМ, 1983 – награда „Никола Мартиноски“ на изложбата ДЛУМ-цртеж 83.