При ископ на неексплоатиран рудник за бакар во местото Мес Ањак, во источниот дел на Авганистан, во покраината Логар, случајно било откриено спектакуларно археолошко откритие, многубројни статуи на Буда и остатоци од будистички манастир, кој својот процут го доживеал пред околу 2.600 години

Археолозите веднаш побрзале да го спасат она што можеле од овој богат верски објект кој датира од VII век, пред наша ера. Целата приказна се случувала во сенка на непријатните сеќавања на т.н Буда од Бамијан- повеќе од 50 метри високата статуа во централниот дел на Авганистан, кои тогашните владетели на земјата, талибанците, во 2001 година го срамнија со земја како симбол на паганството. Во Мес Ањак никој не би сакал да биде обвинет за слични уништувања на историското наследство, па затоа кинеската компанија, која сакала да почне со изградбата на рудникот, во 2011 г., заедно со авганистанската влада постигнала неформален договор за одложување на ископувањата во рудникот на три години, со што археолозите ќе стојат на располагање за спасувањето на ископините. Во манастирот се ископани сали и соби со украсни фрески, повеќе од 150 камени статуи на Буда, некои високи и по 3 метри, а во областа во која била дворот се наоѓале бројни столбови високи околу 1,5 метри. Петнаесет авганистански археолози, кои работат на терен со помош на француските колеги, тврдат дека ова е најверојатно и едно од најважните локалитети, меѓутоа со оглед на ресурсите и персоналот, времето кое им е дадено на располагање е недоволно.