Uncategorized
„Чалгија саунд систем“ вечера во Охрид
„Чалгија саунд систем“ ја негува малку подзаборавената чалгиската музика која својот зенит го имала во 19. век кога не можело да се замисли веселба или градска кафеана без чалгии, но овој состав ја продолжува чалгиската традиција додавајќи модерни музички форми кои допираат до пошироката публика
Составот започна да работи во 2008 г. и претставува вистинско освежување на македонската музичката сцена. Претходница му беше проектот „Калдрма“ во кој членуваа Бошко Мангаровски и Дориан Јовановиќ и којшто на одреден начин беше иницијатор за заживувањето на поширокиот интерес за маргинализираната чалгиска музика.Групата во која членуваат Добрила Грашеска – вокал, Александра Кузман – виолина, Дориан Јовановиќ – ут, Бошко Мангаровски – канон и Филип Крстевски – тарабука, деф, дајре, има настапувано на разни манифестации и фестивали на којшто публиката никогаш не останува рамнодушна. Охриѓани ќе има можност да го проследат настапот на етно бендот „Чалгија саунд систем“ во петок на 19-ти ноември во кафе-паб „Кастело“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.
Uncategorized
Автомобил удри во заштитна ограда кај Градско, повредени две жени
На регионалниот пат Градско-Неготино во близина на мостот на Црна река, автомобил со велешки регистарски ознаки, управувано од Т.П.(47) од Градско, удрило во заштитна метална ограда.
Во несреќата со тешки телесни повреди се здобила сопатничката Н.М.(57), а со телесни повреди се здобила сопатничката Б.П.(45), двете од Градско, констатирани во болницата во Велес.
Извршен е увид.