Uncategorized
Заврши самитот Русија-ЕУ, нема договор за увоз на полското месо
![](https://makfax.com.mk/wp-content/uploads/2016/11/7b1fc3d5-be67-47ed-bfaa-9930772abe2e.jpeg)
Учесниците на самитот Русија-Европската унија(ЕУ) се договорија за сите прашања, освен за економските проблеми со поединечни држави, односно околу извозот на полското месо во Русија.
Учесниците на самитот Русија-Европската унија(ЕУ) се договорија за сите прашања, освен за економските проблеми со поединечни држави, односно околу извозот на полското месо во Русија.
Ова денеска го изјави рускиот претседател Владимир Путин по завршувањето на дводневниот самит што се одржа во близина на рускиот град Самара, на кој учествуваа и германската канцеларка Ангела Меркел и шефот на европската комисија Жозе Мануел Баросо.
„Се надевам дека Русија и ЕУ повторно ќе ја потврдат својата подготвеност за обединување на напорите во интерес на мирот и стабилноста на нашиот континент и планетата“, изјави Путин, наведувајќи дека алудира на ситуацијата на Блискиот исток, Авганистан и Балканот.
На денешниот самит, според учесниците постигнати се договори околу царинската соработка, борбата против криминалот и шверцот на дрога.
„Проблемот со полското месо не е решен бидејќи се работи за стока со низок квалитет што не и одговара на Русија“, појасни Путин.
Баросо пак од своја страна го негираше ваквото тврдење наведувајќи дека „нема основа за забраната за увоз“.
Во однос на новиот договор меѓу Русија и ЕУ, Путин призна дека ситуацијата „воопшто не е едноставна“, со оглед на тоа што преговорите се уште не почнале, а стариот договор истекува во декември годинава.
„Ние не ја драматизираме ситуацијата и сфаќаме дека пред да започнат преговорите ЕУ треба да ги реши своите внатрешни проблеми. За Русија пак многу е важен стратешкиот карактер на нашето партнерство“, потенцираше Путин.
Влезот на Русија во Светската трговска организација, во целост го поддржаа шефот на европската комисија, и рускиот претседател.
„И Русија и ЕУ се заинтересирани за развој на меѓусебните односи. Сакале ние или не, тие секако ќе се развиваат“, додаде Путин.
/крај/б/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
![](https://makfax.com.mk/wp-content/uploads/2024/05/црква.jpg)
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
![](https://makfax.com.mk/wp-content/uploads/2024/05/thumbnail_Slika-1.jpg)
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.